«Álemde kún saıyn naýqas sany ósýde. Búginde 215 elde 41 022 518 KVI jaǵdaıy tirkelgen, syrqattyń ósýi – 1,1 paıyz. 1 128 931 adam qaıtys boldy, ólim kórsetkishi – 2,8 %», dedi A.Ǵınııat.

Osyǵan baılanysty 2020 jyldyń 6 qazanynan bastap shekarada sanıtarlyq-karantındik baqylaý kúsheıtildi. Búginge deıin avtomobıl ótkizý pýnktteri arqyly 73 591 Qazaqstan Respýblıkasynyń azamaty men sheteldik, onyń ishinde 21 591 jolaýshy keldi, 5 967 adam karantındik stasıonarǵa jatqyzyldy, olardyń ishinde 122 adamda aýrý anyqtaldy. Halyqaralyq áýe reıstermen 34 446 jolaýshy keldi, onyń ishinde 5 925 adam testten ótti, 17 adamnan aýrý anyqtaldy.

«21 qazandaǵy jaǵdaı boıynsha 109 766 naýqas tirkeldi, sońǵy táýlikte 143 adam COVID-19 juqtyrǵan, 1 803 adam qaıtys boldy. COVID-19-dyń (PTR -) 36 200 yqtımal jaǵdaıy tirkeldi, onyń ishinde 28 318 adam saýyǵyp shyqty, 388 adam qaıtys boldy. Sońǵy táýlikte 220 jaǵdaı tirkeldi», dedi vıse-mınıstr.

Qazaqstan áýe reısteriniń sanyn qysqartady

Álemdegi epıdemııalyq jaǵdaıdyń ýshyǵýyna baılanysty Vedomstvoaralyq komıssııa shekaradaǵy baqylaýdy qosymsha kúsheıtý týraly usynysty maquldady. Al 26 qazannan bastap áýe reısteriniń sany qysqartylady, dep habarlady Densaýlyq saqtaý vıse-mınıstri.

«26 qazannan bastap myna elderge áýe reıs­teriniń sany qysqartylady: Ýkraı­na­men aptasyna 6-dan 1 reıske deıin, Birikken Arab Ámirlikterimen aptasyna 24-ten 16 reıske deıin, Germanııamen aptasyna 6-dan 4 reıske deıin, Belarýs Res­pýb­lıkasymen aptasyna 9-dan 4 reıske deıin, Túrkııamen aptasyna 18 reıske deıin qys­qartyldy, qarashadan bastap 6 reıs bo­lady. Qazaqstanǵa keletin azamattarda mindetti túrde tapsyrylǵanyna 72 saǵattan aspaǵan PTR-test nátıjesi bolýy qajet. Eger anyqtama bolmasa, qazaqstandyqtar eki táýlikke deıin karantındik stasıonarǵa jatady», dep aıtyp ótti ol.

COVID-19 juqtyrǵandar sany bir aptada 14%-ǵa artty

Eldegi epıdemııalyq jaǵdaı áli de turaqty. Sonymen qatar sońǵy aptada aımaqtarda COVID-19 shaldyqqandar qatary 14%-ǵa ósken.

«О́tken aptada aımaqtarda COVID-19 syrqat­tanýshylyq 14%-ǵa artqany baı­qal­dy. Sonymen qatar, aýrýdyń 66%-y 6 oblysta: Nur-Sultan (93), Almaty (73), Soltústik Qazaqstan (82), Shyǵys Qazaqstan (80), Pavlodar (64) jáne Atyraý (54) oblys­ta­­rynda kezdesedi», dedi A.Ǵınııat.

Osyǵan baılanysty aımaqtardaǵy epı­­de­­mııalyq ahýaldy eskere otyryp, 12 oblystyń – Nur-Sultan, Almaty qala­larynyń, Soltústik Qazaqstan, Batys Qazaqstan, Aqmola, Mańǵystaý, Almaty, Pavlodar, Qostanaı, Shyǵys Qazaqstan, Qara­ǵandy, Jambyl oblystarynyń ákim­dik­teri kúsheıtilgen sharalar qabyldady.

250 oqýshy KVI juqtyrǵan

Oqý jyly bastalǵaly oqýshylar arasynda KVI-diń 250 jaǵdaıy tirkeldi. Kezekshi synyptarda oqıtyn balalar arasynda 105 jaǵdaı tirkeldi, 1426 adam baılanysta bolǵan, olardyń 19-nan aýrý anyqtaldy. Qashyqtan bilim alatyn balalar arasynda 145 jaǵdaı tirkeldi, 348 adam baılanysta bolǵan, 22-nen aýrý anyqtaldy.

О́ńirlerde, ásirese Shyǵys Qazaqstanda naýqas kóp tirkelgen – 69 adam nemese res­pýblıka boıynsha jalpy jaǵdaıdyń 31%, Soltústik Qazaqstan – 30, Qaraǵandyda – 26, Qostanaı oblystarynda – 17 jaǵdaı.

«Karantın kezinde jumys istep turǵan mek­tepterdiń arasynda talaptardy oryn­da­maǵan oqý oryndary bar. Mektepterde túsindirý jumystary júrgizildi. Bilim bas­qar­malary basshylarynyń jáne mektep dırektorlarynyń qatysýymen keńester ótki­zildi, onda monıtorıng barysynda anyq­tal­ǵan barlyq fakti talqylandy», dedi vıse-mınıstr.

Úsh óńirde PTR-testileý kólemi artqan

Qazaqstan Respýblıkasynyń úsh óńirinde – Pavlodar, Túrkistan jáne Almaty oblys­ta­rynda PTR-testileýmen qamtý kórsetkishi jaqsardy. Pavlodarda kórsetkish 79-dan 206-ǵa deıin, Túrkistanda 71-den 176-ǵa deıin jáne Almaty oblysynda 70-ten 236-ǵa deıin jaqsardy. Alty óńirde – Atyraý, Shyǵys Qazaqstan, Batys Qazaqstan, Mańǵystaý, oblystar, Almaty jáne Nur-Sultan qalalarynda josparly qýattylyq kórsetkishi respýblıkalyq kórsetkishten joǵary. PTR-test tapsyrǵandar qatary kóbeıýine baılanysty COVID-19-ǵa juq­tyr­ǵany anyqtalǵandar sany da artýda. Qazirgi ýaqytta zerthanalar táýligine 58 myńǵa jýyq test jasaı alady. Prezıdenttiń tapsyrmasymen PTR testileý tarıfin tómendetý boıynsha jumystar júrgizildi: memlekettik sektorda 30% (11,5-ten 8 myń teńgege deıin), jeke sektorda 40% deıin («Olımp» 15-ten 9 myń teńgege deıin).

Qaıtys bolǵan dárigerlerge ǵana ótemaqy tóleýdi usynady

Densaýlyq saqtaý mınıstrligi medısına qyzmetkerlerine tólemderdi toqtatý máselesin qarastyrýda, osyǵan baılanys­ty 2020 jyldyń 20 qazanynan bastap aýrý juqtyrǵan medısına qyzmetkerlerine ótemaqy tóleýge jańa ótinimderdi qabyl­daý­dy toqtaýy múmkin. Bul týraly Densaýlyq saq­taý mınıstriniń birinshi orynbasary Marat Shoranov málimdedi.

«2020 jyldyń 20 qazanynan bastap aımaqtyq komıssııalar medısına qyz­met­ker­lerine áleýmettik tólemderge jańa óti­nim qabyldaýdy toqtatady. Al jalpy indet juqtyrǵan 12 983 medısına qyz­met­­keriniń 9 309-y tólem alady», dedi M.Shoranov.

Búgingi tańda COVID-19-den qaıtys bolǵan 182 medısına qyzmetkeriniń otbasy ótemaqy aldy, bul tólemder aldaǵy ýaqytta da saqtalady. Jumysta júrip COVID-19 juqtyrǵan medısına qyzmetkerlerine kelsek, 2020 jylǵy 19 qazandaǵy jaǵdaı bo­ıynsha 8 863 maman ústemeaqy aldy.

«Medısına qyzmetkerleri indetti ju­mys­ta juqtyrǵan jaǵdaıda, medısınalyq uıym men jergilikti atqarýshy organdar qol­­daý kórsetýi tıis, bul medısına qyz­met­ker­lerin qajetti qorǵanys qural­da­rym­en qam­tamasyz etýge túrtki bolady», dedi birin­shi vıse-mınıstr.

Medısınalyq uıymdarda sanıtarlyq-epı­demııalyq normalar saqtalady («taza» jáne «las» aımaqtarǵa bólý, adam­dar aǵy­nyn bólý jáne basqalar). Medı­sı­na qyz­metkerleri jeke qorǵanys jáne de­zın­­feksııa quraldarymen jetkilikti mól­­sherde qamtamasyz etilgen (úsh aıǵa ar­nal­­ǵan qor): bir ret qoldanylatyn qor­ǵa­­­nys kostıýmderiniń sany – 82 kúnge (3 aı); qaıta paıdalanýǵa bolatyn qorǵanys kos­­tıýmderiniń sany – 12 kúnge; bir ret qol­da­ny­latyn maska sany – 101 kúnge (3,5 aı); respırator sany (barlyq túrleri) – 34 kún; bir ret qoldanylatyn qolǵaptar sany – 37 kún; antıseptık sany (lıtrmen) 76 kúnge jetedi.

Sonymen qatar Memleket basshysynyń tapsyrmasymen COVID-19-ǵa qarsy kúreske tartylǵan medısına qyzmetkerlerin yntalandyrý jáne qoldaý úshin ústemeaqy tóleý jalǵasýda (naýryzdan qyrkúıekke deıin jalpy somasy 84,4 mlrd teńgege tólendi, qosymsha: 137 mlrd teńge jyl sońyna deıin).