Aımaqtar • 23 Qazan, 2020

Taksı júrgizýshisine jolaýshy qol kótergen

902 ret kórsetildi

Petropavl qalasynda jolaýshy men taksı júrgizýshileriniń arasynda kıkiljińder jıi bolyp turady. Onyń basty sebebi – keıbir taksıshilerdiń, kóbinese, sypaıy qyzmet kórsetýdi bilmeıtindigine tireledi. О́zine adal aqshasyn tólep turǵan jolaýshyǵa ondaılar qyzmet kórsetýdiń ornyna joǵarydan tómen qarap, óziniń qyzmet kórsetýshi ekenin múlde umytyp, Keńestik kezeńdegi jumysshylardyń asqaqtyqpen sóıleıtin eski ádetimen siresip, dóreki sóıleıdi.

Sonymen birge munda taksıdi kósheden nemese arnaýly turaqtan ustaý degen joq. Tek bir nómirlerge habarlasyp, onyń jaýabyn uzaq ýaqyt kútýge de týra kelip jatady. О́ıtkeni, tapsyrys qabyldaýshy dıspetcher uzaqsonar, paıdasyz suraqtar berip, asyǵyp turǵan jolaýshynyń júıkesin juqartatyny da bar. Sonyń ishinde jolaýshydan qaı kósheniń qaı nómirindegi úıdiń qaı kireberisinde turǵanyn jáne baratyn jeriniń tolyq adresine deıin talap etedi. Al olardy bilmegen adam bolsa telefondy tastaı salatyndary da bar. Bul ásirese, syrttan kelgen jolaýshylarǵa qıyn. Qalany bilmeıtin ondaılar taksı qyzmetinen múlde qaǵylyp jatady.

Osynyń bári júrginshiniń de taksı júrgizýshisine degen óshpendiligin oıatyp jatady. Sonyń saldarynan eki tarapta kıkiljiń týady. Sondyqtan "aqyldy qalaǵa" laıyq emes osyndaı qyzmetterdi jóndegen durys. Áıtpese, sapasyz qyzmet kórsetýler adamdardyń júıkesin juqarta bereri anyq. Sonyń biri jýyrda boldy.

Polısııa basqarmasynyń Ekinshi bólimine dene jaraqatyn aldym degen shaǵymmen 46 jasar taskı júrgizýshisi júgingen. 19 qazan kúni tańerteń jol aqysyn tóleýden bas tartqan jolaýshymen ekeýiniń arasynda janjal bolyp, nátıjesinde jolaýshy taksıshiniń betinen judyryǵymen eki ret uryp jibergen eken. Kózi kógergen taksıshi óziniń múlde jazyqsyz ekenin aıtady. Biraq tańǵy mezgilde mas bola qoımaıtyn adam ony aqsha tólemeımin dep jaıdan-jaı urmasa kerek-ti...

Krımınaldyq polısııa bóliminiń qyzmetkerleri jedel qımyldap, 1979 jyly týǵan kúdiktini ustaǵan. Ol Petropavl qalasynyń turǵyny bolyp shyqty. "Erýlige qarýly" dep ol júrgizýshi óziniń barsetkasyn tartyp almaq bolǵandyǵyn aıtqan. Buǵan da senýge bolmaıdy. О́ıtkeni, shaqyrýmen kelgen taksıshiniń jolaýshyǵa shabýyl jasaýy - bola qoımaıtyn oqıǵa. Qazir atalǵan fakti boıynsha Qylmystyq kodekstiń "Densaýlyqqa qasaqana jeńil zııan keltirý" atty 107-baby boıynsha Sotqa deıingi tergep-tekserý jumystary júrgizilip jatyr. Mundaı tergeýlerdiń ádiletti bolyp, eki jaqtyń da kıkiljińge qatystylyq dárejesin anyqtaýyna sengiń keledi. Biraq tájirıbede, kóbinese, shaǵynǵan jaqtyń múddesi qorǵalyp jatady. Tek sot mundaıǵa ádildikpen qarap, jalpy taksılik qyzmet kórsetý sapasy boıynsha da arnaıy qaýly shyǵarsa ǵoı dep úmit etesiń.

Atalmysh oqıǵa boıynsha Petropavl qalasy PB bastyǵynyń mindetin atqarýshy, polısııa podpolkovnıgi Álibek Ǵabdýllın mynadaı kommentarıı berdi: "Keıde taksı júrgizýshileri men jolaýshylar arasynda daýlasý bolyp turady, ondaılar ásirese, mas kúıde mingen jolaýshylarmen bolady. Kıkiljiń ádette, sózge kelip qalýdan aspaıdy, biraq keıde jaǵdaı ýshyǵyp ketedi. Kez-kelgen daýlasý zańdy túrde sheshilýi tıis ekendigin barlyq azamattardyń esine salamyz. Emosııanyń saldary zań aldynda jaýap berýge ákelýi múmkin"

PETROPAVL

Sońǵy jańalyqtar

SQO «qyzyl aımaqqa» endi

Aımaqtar • Búgin, 21:33

Inflıasııanyń beti qaıtpaı tur

Ekonomıka • Búgin, 20:00

Sıfrlyq damý vıse-mınıstri taǵaıyndaldy

Taǵaıyndaý • Búgin, 19:45

Memleket basshysy Asqar Mamındi qabyldady

Prezıdent • Búgin, 18:13

«Tobyl» alty fýtbolshymen qoshtasty

Fýtbol • Búgin, 17:45

Depýtattar nege tártipke baǵynbaǵan?

Aımaqtar • Búgin, 17:10

Kıim óndirisinde ımporttyń úlesi artqan

Ekonomıka • Búgin, 15:29

Pavlodarda er adamdy poıyz qaǵyp ketti

Aımaqtar • Búgin, 15:23

Uqsas jańalyqtar