Aımaqtar • 23 Qazan, 2020

Syrda kúrishten rekordtyq ónim jınaldy

30 ret kórsetildi

Bıyl oblys boıynsha 184,2 myń gektar jerge egis egildi. Onyń ishinde dándi daqyldar 99,9 myń, maıly daqyldar 5,7 myń, mal azyqtyq daqyldar 61 myń, kartop, kókónis, baqsha 17,6 myń gektar bolyp otyr. Negizgi daqyl kúrish 89,5 myń gektarǵa egildi, dep habarlaıdy Egemen.kz

Sonymen qatar, osy jyly oblysta egisti ártaraptandyrý baǵytynda alǵash ret qant qumaıy 70, soıa 240, júgeri daqyly 1 667 gektarǵa deıin jetkizilip, ylǵal saqtaǵysh akvagelderdi paıdalaný arqyly 80 gektar tálimdik jerlerge kúzdik bıdaı sebildi.

Jalpy oblys sharýashylyq qurylymdary egilgen aýylsharýashylyǵy daqyldaryn agrotehnıkalyq talaptarǵa saı egip, kútip - baptaý jumystaryn óz merziminde júrgizdi. Aımaqtaǵy egin jınaý naýqany 15 qazan kúni tolyq aıaqtaldy.

Syr dıqandary jazda bolǵan sý tapshylyǵyna qaramastan tynymsyz eńbeginiń nátıjesinde el tarıhynda kúrish óndirýden rekordtyq kórsetkishti bıyl taǵy da jańartyp, joǵary ónim jınady.  Egilgen 89,5 myń gektar kúrishtiń ár gektarynan 61,8 sentnerden ónim alynyp, el qambasyna 551,3 myń tonna Syr marjany quıyldy.

Sonymen qatar, kartoptan 66 590, kókónisten 112 806, baqshadan 193 484 ónim jınaldy.  

 

Sońǵy jańalyqtar

Vıkıngterdiń izimen

Tarıh • Keshe

Uqsas jańalyqtar