Aımaqtar • 02 Qarasha, 2020

Nurgeldi nesibesin ala keldi

1441 ret kórsetildi

Sharbaqty aýdanynyń ortalyǵy Sharbaqty aýylynda turatyn Nurlybek Bekebaev pen Samal Imanqulova – balalaryn baılyǵy kórgen qarapaıym ǵana otbasy. Otaǵasy kúzetshi ári ot jaǵýshy bolsa, Samal mektepte oqıtyn balalarynyń sabaǵy men tárbıesine qaraılap úı sharýasymen aınalysady.

Olardyń otbasynda Meıirbek, Islambek, Asylbek, Janseri esimdi uldar ósip keledi. Jaqynda 9 aıǵa tol­ǵan inileri Nurgeldi otbasyna mine, óz nesibesin, qýanyshyn ala keldi.

– Bıylǵy qýanysh qaıyryn berip úıli boldyq. «Ár bala óz nesibesin ala keledi» deıdi qazaq. Biraq ákimdik qashan kómek beredi dep kútip otyrǵan joqpyz. Úı berilgen soń qys ta kele jatyr, qolda bar azyn-aýlaq aqshamyzdy jetkizip, ishki-syrtqy barlyq qajetti jóndeý jumystaryn ózimiz jasap aldyq. Árıne, biz sekildi kópbalaly ot­basylarǵa jergilikti jerden kómek, qoldaý, janashyrlyq óte qajet-aq. Árbir otbasyna óz úıi, óz otbasy, oshaq qasy bolǵanǵa ne jetsin! Kóp jyl­dan beri jaldamaly úıde turyp keldik. Endi mine, qaıyrymdy kásipkerdiń qamqorlyǵymen úıli boldyq. Bizge kómek qolyn sozǵan Nurjamal Qarashashevaǵa alǵysymyzdy aıtamyz, – deıdi kópbalaly ana Samal Imanqulova.

Al biz biletin Nurjamal Qara­sha­she­va – aýdannyń tájirıbeli, jigerli, bas­ta­mashyl, ózine senimdi kásip­ker­leriniń biri. О́z isin damyta otyryp, aýdannyń qoǵamdyq-saıası ómirine belsendi qa­ty­syp keledi. Qaıyrymdylyqpen jáne volonterlikpen aınalysady. Aýdannyń muqtaj turǵyndaryna óz kásipornynyń ónim­derimen, sondaı-aq azyq-túlik, kó­kónistermen qo­ly­nan kelgenshe kómek kórsetýde, «Mek­tep­ke jol», «Qam­qor­lyq» sııaqty qaıy­rymdylyq sharalary­na únemi qaty­sa­dy.

Qazir jalpy aýdan boıynsha 440 kópba­la­ly otbasy bar, onyń ishinde arnaıy mem­­le­ket­tik járdemaqy alatyn kópba­la­ly otba­­sy sany – 251.

Taǵy bir jaqsy jańalyq, aýdandyq ishki saıasat bóliminiń málimetinshe, aýdandaǵy Esilbaı aýylynyń jastary jalǵyzilikti zeınetker Gúlnásh apaǵa eki aıdyń ishinde 2 bólmeli úı salyp beripti. Úı ishine qajetti turmystyq tehnıkalar da satyp alynǵan.

– Burynǵy eski úıimniń tóbesi shy­dama­dy, jastar ózderi asar jasap maǵan qam­qorlyqtaryn kórsetip úı salyp berdi. Kórgeni bar, ımandylyqqa ja­qyn aýy­lym­nyń balalaryna rızamyn. «Ja­qy­nyńa janashyr bol» degen osy ǵoı, jaqsylyqtary balalaryna buıyrsyn!, – deıdi Gúlnash apa.

 

Pavlodar oblysy,

Sharbaqty aýdany

Sońǵy jańalyqtar

Qıly-qıly taǵdyrlar

Tarıh • Keshe

Tozaqtan ótse de túńilmegen

Rýhanııat • Keshe

Radıst qazaq qyzdary

Tarıh • Keshe

Qarsy barlaýshylar qaharmandyǵy

Rýhanııat • Keshe

Maıdangerdiń ónegeli joly

Rýhanııat • Keshe

Turlaýy qıyn taǵdyrlar

Tarıh • Keshe

Bar úmitimiz Almat Kebisbaevta

Sport • 08 Mamyr, 2021

Bir shańyraqtan – úsh maıdanger

Rýhanııat • 08 Mamyr, 2021

Jetpis jeti jyldan keıin kelgen marapat

Aımaqtar • 08 Mamyr, 2021

Taraz qalasynda 20 soǵys ardageri bar

Aımaqtar • 08 Mamyr, 2021

Qazaqstannyń 7 óńiri «qyzyl aımaqta» tur

Koronavırýs • 08 Mamyr, 2021

Qazaq degenimiz – Baýyrjan...

Rýhanııat • 08 Mamyr, 2021

Áskerı ınjenerler ustahanasy

Oqıǵa • 07 Mamyr, 2021

Boryshymdy abyroımen ótesem deımin

Rýhanııat • 07 Mamyr, 2021

Ardagerler azaıyp bara jatyr...

Qazaqstan • 07 Mamyr, 2021

Elbasy jáne Qazaqstan armııasy

Elbasy • 07 Mamyr, 2021

Uqsas jańalyqtar