Saıasat • 02 Qarasha, 2020

Otandyq kásipkerler damýdyń jańa baǵdarlaryn belgiledi

36 ret kórsetildi

Ulttyq Kásipkerler palatasynyń jetinshi sezi alǵash ret onlaın formatta ótken bolatyn. Ortalyq kommýnıkasııalar qyzmetinde ótken brıfıngte «Atameken» UKP bas­qar­ma tóraǵasy Abylaı Myrzahmetov atal­ǵan sezdiń maqsat-mindetinen habardar etti.

«Eń basty oqıǵa sezge Memleket bas­shy­synyń qatysýy boldy. Delegattar onyń strategııasyn muqııat tyńdady. Pre­zıdent belgilegen jeti qaǵıdattyń ekin­shisi kásipkerlikti qoldaýǵa, shaǵyn jáne orta bıznesti damytýǵa arnaldy. Pre­zıdent ony taǵy da atap ótip, aldymyzǵa naqty mindetter qoıdy. Sonyń biri – bıznesti yntalandyrýdyń jańa tásilderi. Osyǵan oraı álemdik ozyq tájirıbeni eskere otyryp, jańa formatta, eń bastysy sıfrlandyrylǵan formatta retteý alańyn túgeldeı qaıta qurý qajettigi týyndady», dedi A.Myrzahmetov.

Sezde el Prezıdenti myna máselege basa mán berdi: «Jaqyn arada jerge qol jet­kizý sekildi kásipkerler úshin taǵy da bir mańyzdy másele sheshilýi kerek. Meniń tapsyrmam boıynsha Úkimet jer qatynastaryn sıfrlandyrý jáne otandyq bıznestiń aýyl sharýashy­ly­ǵyna arnalmaǵan jer resýrstaryna qol jetkizýin jeńildetý jóninde zań jobasyn daıyndady. Sondaı-aq zańda jer qaty­nastary men sáýlet salasynda memlekettik qyzmetterdi elektrondy túrde kórsetý, jer ýchaskelerin berý merzimin 1 jyldan 20 kúnge deıin qysqartý, memlekettik aktini, jerge ornalastyrý jobasyn alyp tastaý jáne basqa da birqatar mańyz­dy másele qarastyrylǵan. Úkimet jyl sońyna deıin atalǵan zań jobasyn Parla­mentke berýi qajet».

Osyǵan oraı Abylaı Myrzahmetov aldaǵy jyl Úkimet pen UKP birlesip jumys isteıtin óte mańyzdy ári mazmundy jyl bolatynyn aıtty. Kásipkerler, sarapshylar tartylady.

«Prezıdent pandemııa jaǵdaıynda daǵdarysqa qarsy sharalardy ázirleý boıynsha Úkimet pen «Ata­meken» palatasynyń birlesken jumy­synyń rólin de atap ótti. Daǵdarys múmkin­dikter beretinin de aıtty. Ikemdi bolyp, ýa­qytpen birge qadam basyp, básekege qabi­letti bolý kerek. Sezd delegattary jaq­sy aqparat, qoldaý jáne baǵdar aldy dep oılaımyn», dedi elimizdiń bas kásip­keri.

A.Myrzahmetov otandyq ǵylym men bıznestiń arasyndaǵy alshaqtyqty azaıtý boıynsha jumystar júrip jatqanyn aıtty. Buǵan aýyl sharýashylyǵy salasynan birneshe mysal keltirip ótti.

«Shyǵys Qazaqstan oblysynda Farıd Abıtaev degen kásipker kúnbaǵys egip, mal sharýashylyǵymen aınalysady. Buǵan qosa ol sharýa qojalyǵynyń qasynan tájirıbe sharýashylyǵyn ashyp, shetelden ákelgen jetistikterdi klımatymyzǵa, jerimizge beıimdep, ónimdilikti 5-6 esege arttyryp otyr. Sonymen qatar Almaty oblysy Taldyqorǵan qalasynyń turǵyny Almazbek Sadyrbaev ta ǵalymdarmen kelisip jańa embrıon ashyp jatyr. Osyn­daı jetistikter bar. Sonyń barlyǵyn naqty jolǵa qoıýymyz kerek», dedi A.Myr­zahmetov.

Onyń aıtýynsha, kásipkerler qandaı da bolsyn ǵylymı zertteýler men ǵylymı jumystarǵa ol bıznestiń órken­deýine ákeletin bolsa ǵana qatysady. Negizinen olar sheteldiń tehnologııasymen, sheteldiń transfert tehnologııasyna ǵana baǵyttalady.

Sondaı-aq «Atameken» Ulttyq kásip­kerler palatasynyń basqarma tóraǵasy elimizde 5 jyldyń óńirlik baǵdar­la­malar ázirlenetinin jetkizdi. Bul usy­nysty Memleket basshysy qoldapty. A.Myrzahmetovtiń aıtýynsha, baǵdar­lama ár óńirdiń mamandanýyna jáne básekege qabilettiligine baılanysty ázirlenedi. Qazaqstanda kásipkerler úshin qolaıly jaǵdaılar jasalýda, biraq shekarada ornalasqan óńirlerge qosymsha jergilikti baǵdarlama ashý arqyly kómek kórsetý josparlanǵan.

«Bul kásip ashýǵa, ony damytýǵa septigin tıgizedi. Mysaly, Soltústik Qazaqstan oblysynyń kásipkerleri Ombyǵa aparyp sút satqysy keledi. Al Ombynyń saýda ortalyǵyna ótý úshin sýbsıdııa kerek. Bul rette jergilikti bıýdjetten kómektesý arqyly sút satýǵa, sút sharýashylyǵyn, sút bıznesin sol óńirde damytýǵa jaǵdaı jasalady. Mundaı bes jyldyq baǵdarlama óz nátıjesin beredi dep oılaımyn», dedi A.Myrzahmetov.

Ol sondaı-aq Úkimetpen birge túrli ssena­rıı­lerdi damytý qarastyrylyp jatqa­nyn atap ótti. Eń nashar jaǵdaı oryn alǵanda qoldanylatyn bes negizgi baǵyt anyqtaldy.

«Bıznes salyqtar, nesıeler, jalǵa alý jáne kommýnaldyq qyzmetter bo­ıynsha tólemderdi, sondaı-aq májbúrli túrde bosatylǵan qyzmetkerler úshin áleýmettik tólemderdi keıinge qaldyrýdy suraıdy. Eger bólek toqtalatyn bolsaq, kásipkerlerdiń kóbi arzan nesıe jelilerin suraıdy. Qandaı da bir túzetýler engizýge bolady. Qazir barlyq baǵdarlamalar bo­ıynsha mólsherleme 6% ekenin bilesizder, biraq bıznes 2%-ben berýge bolady deıdi. Reseılik tájirıbede 0% ekenin bilemiz», dedi Ulttyq palata basshysy.

Onyń aıtýynsha, zardap shekken salalar tizimi de keńeıtilmek. Zardap shekken salalar tiziminde Ulttyq ekonomıka mınıstrligi 29 salany anyqtady, bul negizinen qyzmet kórsetý salalary. Pandemııa kezinde barlyq sala zardap shekti. Tikeleı zardap shekkender de bar. Olar – banket zaldary, bılıard sııaqty qosalqy salalar. Olar áli kúnge deıin lokdaýnnan shyqqan joq. Bizdiń baǵalaýymyz boıynsha, olarda 132 myńnan asa adam jumys isteıdi jáne olar úlken shyǵynǵa ushyrady. Al janama túrde mıllıonǵa jýyq kásipker zardap shekti, bul – barlyq qazirgi bıznestiń 70%-dan astamy. Sondyqtan atalǵan tizimdi keńeıtý jáne oǵan eńbek qoryn tóleýden bosatý jaǵynan shyǵynǵa ushyraǵan óńdeýshi salalardyń túrlerin engizý úshin Ulttyq ekonomıka mınıstrligine usynys jasaldy.

Sońǵy jańalyqtar

Nur-Sultan «sary aımaqqa» qaıta endi

Koronavırýs • Búgin, 10:41

Qazaqstanda lombardtar jabylady

Ekonomıka • Búgin, 10:30

Shymkentte otbasylyq bıznes damyp keledi

Aımaqtar • Búgin, 09:53

Búgin 1 naýryz – Alǵys aıtý kúni

Rýhanııat • Búgin, 09:13

Bakýden ushqan bulbul

О́ner • Búgin, 06:57

Juptyq synda top jardy

Sport • Búgin, 06:55

Jambyl jyly jyrlaıdy

Rýhanııat • Búgin, 06:53

Alty medalmen oraldy

Sport • Búgin, 06:52

«Metallýrgpen» baq synaıdy

Sport • Búgin, 06:51

Balalar kitaphanasy jańartyldy

Ádebıet • Búgin, 06:50

Alǵys gımni shyrqaldy

Aımaqtar • Búgin, 06:48

Jelaıaqtar О́skemende saıysty

Sport • Búgin, 06:47

Jas balýandar beldesýi

Sport • Búgin, 06:46

Qysqy trıatlon jarysy ótti

Sport • Búgin, 06:44

Kitap-adamdar

Ádebıet • Búgin, 06:38

Rektor etalony

Rýhanııat • Búgin, 06:36

О́zgege uqsamaıtyn ómir

Rýhanııat • Búgin, 06:34

Abyz aqyndy Anadoly ulyqtady

Ádebıet • Búgin, 06:33

Jambyl murasy – ult rýhanııatynyń aınasy

Rýhanııat • Búgin, 06:31

Ǵasyrlyq shejiresi bar áýlet

Qoǵam • Búgin, 06:26

Kóńili darhan halyq

Qoǵam • Búgin, 06:17

Júregimiz – Qazaqstanda

Qoǵam • Búgin, 06:14

Boıymda qazaqylyq bar

Qoǵam • Búgin, 06:13

Álemde balamasy joq biregeı teatr

Teatr • Búgin, 06:11

Bul naǵyz rýhanı kamerton

Qoǵam • Búgin, 06:09

Keshendi baǵdarlama qajet

Búgin, 06:04

Allaǵa shúkir etkenimiz...

Qoǵam • Búgin, 05:59

Táýelsizdik qurdastarynyń jobasy

Qoǵam • Búgin, 05:54

Uqsas jańalyqtar