Aımaqtar • 02 Qarasha, 2020

Energetıka mınıstri Pavlodar oblysyna keldi

82 ret kórsetildi

Nurlan Noǵaev oblys  ortalyǵyndaǵy Energetıka jáne Munaı-hımııa kásiporyndaryn aralady.

О́ńir basshysy Ábilqaıyr Sqaqovpen birge  «Munaı-hımııa zaýyty» JShS jáne «Neftehım LTD» JShS-de boldy. Munaı zaýytynda mınıstr Ortalyq basqarý pýlti men oqý ortalyǵyn aralady.  2017 jyly óndiristi jańǵyrtqannan keıin kásiporynda ónim sapasyn K-4 jáne K-5 standarttaryna deıin jaqsartyp, munaı óńdeý tereńdigin arttyrǵan.

Ekinshi óndiris  orny- «Neftehım LTD» JShS da metıltretbýtılefır jáne polıpropılen óndirý sehtarynda boldy. Bıyl zaýyt polıpropılen shyǵarý kólemin 40 myń tonnaǵa deıin jetkizýdi josparlaýda. О́tken jáne burynǵy jyldary bul kórsetkish shamamen 33 myń tonnany quraǵan. Polıpropılennen bıg-beg atty kólemi 1 tonnalyq úlken qaptar jáne basqa da ydystar jasalady.                

Sonymen birge,  «Qazaqstan alıýmınııi» AQ quramyna kiretin  №1 Jylý elektr  ortalyǵyndabolyp, qalany elektrmen jáne jylýmen jabdyqtaý jumystarymen tanysty. Stansanyń qazirgi elektr qýaty – 340 MVt, al jylý qýaty - saǵatyna 1074 Gkal.

-Kásiporyn jergilikti Toraıǵyrov ýnıversıtetiniń energetıkka  fakýlteti stýdentterin dýaldy oqý júıesi arqyly daıarlaıdy, oqý bitirgen soń  óndiriske  jumysqa keledi. Jas mamandardy óndiriste taǵy da qosymsha oqytamyz, - dedi kásiporyn basshysy I. Rojkov.

Al,  «Pavlodarenergo» AQ bólimshesiniń  №3-jylý ortalyǵynda Nurlan Noǵaev pen Ábilqaıyr Sqaqovqa negizgi jabdyqtardy modernızasııalaý týraly baıandaldy. Mysaly, bıyl energetıkter №6 týrbınany qaıta jańǵyrtýdan  ótkizdi. Jańa tehnologııa kásiporyn ǵımaraty irgetasynyń buzylýyna ákeletin oqys  oqıǵalardan quqarady.

- №6 týrbınada onlaın rejımde biryńǵaı pýltke jiberýge múmkindik beretin boljamdaý júıesi ornatylǵan. Kórsetkish ózgerse, júıe qurylǵynyń jóndeýge tıis ýaqytyn  anyqtap beredi. Bul modernızasııa jumysyn ýaqtyly josparlaýǵa múmkindik beredi,- dedi   kásiporyn mamandary

Qazir jylý elektr ortalyǵynan qalaǵa jylý berý búginde turaqty júrgizilýde. Kásiporyn qoımalaryndaǵy kómir qory - 200 myń tonna

                      

Pavlodar oblysy  

Sońǵy jańalyqtar

Uqsas jańalyqtar