Oqıǵa • 12 Qarasha, 2020

Pavlodar «qyzyl aımaqqa» endi

140 ret kórsetildi

О́ńirdegi Taýarlar men qyzmetterdiń sapasyn baqylaý departamentiniń málimetinshe, oblysta indetti juqtyrǵandar sany 4 735-ke jetken. 9 qarashadan bastap óńirdiń kireberis joldaryna 12 blok-beket qoıyldy. Osy ýaqytqa deıin beketterden 33 079 adam ótip, 331 adam keri qaıtarylǵan. Biraq dene qyzýy joǵary jolaýshylar anyqtalmaǵan.

Sýretti túsirgen Valerıı Býgaev

 

Onlaın-baspasóz jıynynda oblys boıynsha Taýarlar men qyzmetterdiń sapasyn ba­qy­lý departamentiniń bas­shy­­sy Batyrbek Álıevtiń málim­de­ýinshe, qazir óńirimizde qabyl­dan­ǵan jańa karantındik shekteý­ler 2 apta ishinde epıdemııalyq jaǵdaıǵa áser etýi múmkin. In­det­ke qarsy emdeý sharalaryna qosymsha 540 medısına qyzmet­ker­ine qosa eriktiler de atsalysyp jatyr.

Sońǵy ýaqytta KVI juq­tyr­ǵandar sany artqanyna baılanysty Pavlodar oblysynyń «qyzyl aımaqqa» engeni belgi­li boldy. Jalpy, óńirde 9 qara­sha­dan bastap karantındik sharalar qabyldandy.

B.Álıevtiń aıtýynsha, jaǵdaı tipti aýyrlaıtyn bolsa, oblysqa kiretinderden PTR-zertteý nátı­je­si talap etiledi. Sonymen qa­tar departament basshysy engi­zil­gen shekteýler jaǵdaıǵa 30 paıyz áser etetinin, 70 paıyzy adamdardyń maska taǵý, antıseptık qoldaný sııaqty áleýmettik jeke jaýapkershiligine baılanys­ty ekenin aıtty.

– Eger de salystyrmaly túrde qarasaq, 26 qazan men 1 qarasha ara­lyǵynda KVI juqtyrǵan 145 jaǵdaı rastalsa, 2-8 qarasha aralyǵynda 387 jaǵdaı tirkelip, ósim 8,9 paıyzdy qurady, – dedi B.Álıev.

Sondaı-aq 2-9 qarasha ara­ly­ǵynda monıtorıng toptar 103 reıd júrgizip, 162 nysandy tek­ser­di, nátıjesinde 63 nysanda ereje buzýshylyq anyqtaldy. Saýda oryndarynyń jumys isteý kestesine ózgerister engizildi.

Al óńirlik densaýlyq saqtaý basqarmasynyń basshysy Aıdar Seıtqazınovtiń málimdeýinshe, qazir emdeý oryndarynda 1 400-den asa medısına qyzmetkeri jumys istep jatyr. Jaǵdaı aýyrlap, kúnine 500 naýqas túsetin bolsa, qosymsha 4 900 oryn da­ıyndalady. Bul rette kar­dıo­lo­gı­ıalyq ortalyq, onkologııalyq ortalyq, №1 qalalyq aýrýhanada oblys turǵyndaryna jedel medısınalyq kómek kórsetiledi.

Aıtalyq, oblystyq Kar­dıo­logııalyq ortalyqta jab­dyq­ta­lyp, iske qosylýǵa daıyn 4 PTR-zerthanasy bar. Zerthana táýligine 1 myńǵa deıin zertteý júrgize alady. Onkodıspanserdiń eski ǵımaratynda naýqastardy birden jetkizetin trıaj-ortalyq jasaldy. Sanıtarlyq normalardy saqtaý úshin barlyq jaǵdaı jasalǵan. Mobıldi toptardyń turǵyndarmen jumys isteýi úshin de qajetti barlyq medısınalyq qural-jabdyq jetkilikti.

Jańa Onkologııalyq dıs­pan­ser­diń aýrýhanasy 200 tósekke eseptelip, al emhanasy bir aýy­symda 100 naýqasty qabyldaı alady. Onkologııalyq qyzmet kompıýterlik jáne magnıttik-rezonanstyq tomograftarmen, endoskopııalyq jabdyqtarmen jáne sáýlelik terapııa úshin zamanaýı syzyqtyq údetkishpen qamta­masyz etilgen. Indet ke­zin­de de onkologııalyq naý­qas­­tarǵa mamandandyrylǵan medısı­nalyq kómek kórsetý toq­ta­tyl­maǵany belgili. Oblystyq Jedel járdem stansasyna barlyq qajetti qurylǵymen jab­dyq­tal­ǵan 22 jańa reanımobıl jetkizildi.

Oblys ortalyǵyna qazir ózge óńir turǵyndary sebepsiz kire almaıdy. Tek jumys babymen, densaýlyǵyna baılanysty qaraý­da júrgen jáne ruqsaty bar azamattar ǵana óte alady. Shyǵys Qazaqstan obly­symen shekarada 2 blok-beket ornatyldy. Bul ja­ıynda onlaın-baspasóz jıynynda oblys­tyq polısııa departamenti bas­shy­sy­nyń birinshi orynbasary Jas­qaırat Qaıyrov má­lim­dedi. Sony­men qatar blok-beket­terden pvlinfo.kz ruqsat berý saıtyna tir­kelgender, ju­mys ornynan anyq­tamalary bar adamdar jáne medı­sınalyq qyz­met alýǵa kelgender ǵana ótkiziledi.

– О́ńirde monıtorıng topta­ry­nyń sany 22-den 40-qa deıin jet­­kiziledi. Otbasylyq jáne bas­qa da sharalar ótkizýge, karan­tın­dik talaptardy saqtaýǵa qa­tys­­ty qatań baqylaý jasalady. Ereje buzýshylyqtar anyqtalsa, 83 myńnan 4 mln teńgege deıin aıyp­pul salynady, – dedi J.Qaıyrov.

Qazir qalaaralyq, aýdana­ra­lyq jolaýshylar tasy­maly toq­tady. Tek qala ma­ńyn­daǵy jáne qala ishindegi qo­ǵam­dyq kólikter jumys kún­deri ádettegideı qoz­ǵa­lysyn jal­ǵas­tyrýda. Al demalys kúnderi toq­taıdy. О́zge óńirlermen áýe jáne temir jol qa­tynasy qysqaryp, keste qaıta qa­raldy jáne halyqaralyq ba­ǵyt­­­ta júk tasymaldaýshy júr­­gi­zý­­shiler óńirimizge shekara arqyly ótkende mindetti túrde PTR-test tapsyrýda. Jańadan en­gizil­gen ereje halyqaralyq júk tasymalyna keri áserin tıgiz­­­beıdi, shekarada uzyn-sonar kezek paıda bolýyna sebep te joq.

– О́ıtkeni júrgizýshiler PTR-testerdi shekara mańyndaǵy blok-beketterde tegin tapsyrady. Ári qaraı olardy Taýar­lar men qyzmetter sapasy men qa­ýipsizdigin baqylaý ko­mı­te­tiniń «Ulttyq saraptama or­ta­lyǵyna» jóneltedi. Bar­ly­ǵynan 25-40 mınýt ýaqytta ótedi, – deıdi densaýlyq saqtaý basqarmasynyń mamany Elmıra Temirǵalıeva.

Al keıbir júrgizýshilerdiń bul erejege kóńili tolmaıdy. Olardyń aıtýynsha, komıs­sııa­nyń bul sheshimi zerthanalar jumysyn qıyndatyp jiberedi. Eger júrgizýshiler PTR-test ná­tı­jelerin eki kún kútýge týra kelse, árıne kezek paıda bolady da, aýyrmaǵan adamdar vırýs juqtyrýy múmkin. Ne ájethana, ne ashana joq.

Komıssııanyń sheshimi boıynsha halyqaralyq júk tasymalymen aınalysatyn júrgizýshiler mindetti túrde teris nátıjeli PTR-anyqtamalaryna ıe bolýy tıis. Bolmasa, júrgizýshiler PTR-test alǵansha eki táýliktik karantınge ornalastyrylýy múmkin.

Al jergilikti Bas sanıtardyń qaýlysyna sáıkes qoǵamdyq tamaqtaný oryndary saǵat 8.00-den 20.00-ge deıin jumys jasaıdy. Qajetti jıyndar tek onlaın-formatta ótýde, 30 adamnan kóp qyzmetkeri bar uıymdarda ujymnyń 80 paıyzdan astamy qashyqtan jumys istep jatyr.

– Kezekshi synyptarǵa keletin bolsaq, qazir mektepterde kanıkýl. Oqýshylardyń demalysy 10 kúnge jalǵasady. 10 kún boıy jaǵ­daıdy baqylaımyz. Sodan keıin kezekshi synyptardyń má­se­lesin qaraımyz, – dedi B.Álıev.

Qazir maýsymdyq epıdemııany boldyrmas úshin turǵyndarǵa vaksına egý jumystary júrgizilýde. Máselen, qyrkúıekten bas­tap oblys boıynsha 81 164 adam tumaýǵa qarsy vaksına alǵan. О́ńirdegi medısınalyq uıym­dar­daǵy, aýrýhanalardaǵy, turaq­tan­dyrý qoryndaǵy dáriler tur­ǵyn­dardy der kezinde emdeýge jet­kilikti. Iаǵnı koronavırýstan basqa aýrýlar boıynsha dárimen qam­tamasyz etý boıynsha másele joq. Bári jospardaǵydaı.

 

Pavlodar oblysy

 

Sońǵy jańalyqtar

Uqsas jańalyqtar