Elbasy • 16 Qarasha, 2020

«Samuryq-Qazyna» ınvestholdıngke aınalady

24 ret kórsetildi

Elbasynyń tóraǵa­ly­ǵymen «Samuryq-Qazyna» ult­tyq ál-aýqat qoryn bas­qa­rý jónindegi keńestiń otyrysy ótti, dep habarlady Tuńǵysh Prezıdenttiń bas­pasóz qyzmeti.

Sýret Elbasynyń baspasóz qyzmetinen alyndy

Jıynda pandemııa kezinde otandyq óndirýshilerdi qoldaý sharalary jáne «Samuryq-Qazyna» qoryn ınvestısııalyq holdıngke aınaldyrý máselesi qaraldy.

– Bizdiń búgingi jıynymyz kúrdeli kezeńde ótip otyr. Al­paýyt elder arasyndaǵy báse­kelestik pen teketires kúsheıip barady. Qazaqstan ekonomıkasyna úlken salmaq túsýde. Sonymen birge bul – jańa ekonomıkalyq model qalyptastyrý úshin qajetti reformalar júrgizý múmkindigi, – dedi Elbasy.

Nursultan Nazarbaev Qor­dy qaıta qurý máselesin tal­qy­laý bary­synda tıimsiz ınves­tı­sııa­lar­dy qysqartyp, tabysy jo­ǵary ın­ves­tısııalarǵa aýys­ty­rýdyń mańyzdylyǵyn atap ótti.

– Biz negizgi maqsattardy Qor­dyń 2028 jylǵa deıingi jańar­tylǵan damý strategııasyn­da aıqyn­dadyq. Eń bastysy – taıaý mer­zimde «Samuryq-Qazy­na» qory­nyń jumysyn jańa for­matqa kóshirip, jetekshi táýelsiz ál-aý­qat qorlary sııaqty ın­vest­hol­­dıngke aınaldyrý. Bizge Qor­­dyń portfelindegi aktıv­ter­di geografııasy men sala­syna qaraı ártaraptandyrý kerek. Tıimsiz ınvestısııalardan arylyp, olardy barynsha tabys ákeletin ınvestısııaǵa aýystyrý qajet. Bul dıvıdendterdiń ósýi esebinen bıýdjetke túsetin túsimderdi ulǵaıtýǵa múmkindik beredi, – dedi «Samuryq-Qazyna» ulttyq ál-aýqat qoryn basqarý jónindegi keńestiń tóraǵasy.

Sonymen qatar Qazaqstannyń Tuńǵysh Prezıdenti daǵdarys jaǵ­daıynda Úkimet otandyq bız­nesti qorǵaý úshin teńdessiz sharalar qabyldaǵanyn atap ótti.

– Tótenshe jaǵdaı kezeńinde halyq pen bıznesti qoldaý, eko­no­­mıkalyq turaqtylyqty saq­taý úshin daǵdarysqa qar­sy shara­lar­dyń úsh birdeı toptamasy qa­byl­dandy. Biraq pandemııa báseń­der emes. Onyń ekinshi ke­zeńi boljanýda. Mun­daı kúrdeli jaǵdaıda buǵan deıin atap ótkendeı, otandyq kásip­kerlerge qoldaý kórsetý qajet, – dedi Elbasy.

«Samuryq-Qazyna» aksıo­ner­lik qoǵamynyń basqarma tór­aǵasy A.Esimovtiń aqpara­tyn tyńdaı kele, Nursultan Nazarbaev bıznes belsendiliktiń kúrt tómendeýi jaǵdaıynda kvazı­mem­lekettik sek­tordyń memle­kettik tapsyrys­tary men satyp alýlary óndi­ristik ká­sip­oryndarǵa jáne kásip­kerlerge kómek kórsetýdiń tıimdi sharasyna aınalǵanyn atap ótti.

– 2018-2020 jyldar araly­ǵynda Qordyń satyp alýy­nyń 93 paıyzy, ıaǵnı jalpy somasy bir trıllıon teńgeden asatyn 4200 pozısııa básekelestik or­ta­ǵa berildi. 23 myńǵa jýyq kásip­­kerlik sýbektiler satyp alýǵa tikeleı qol jetkizdi. Osy kezeń­­de bir kózden satyp alý 60 paıyz­ǵa azaıǵan. Nátıjesinde, 400 mıl­lıard teńgeden astam qar­jy únem­deldi. Osy jumysty jal­ǵas­tyrý kerek, – dedi Qordy bas­qarý jónindegi keńestiń tóraǵasy.

Keńes barysynda «Qaz­Mu­naıGaz» ulttyq kompanııasy» aksıonerlik qoǵamy, «Qazaqstan temir joly» ulttyq kompanııasy» aksıonerlik qoǵamy, «Qazatomónerkásip» ulttyq atom kompanııasy» aksıonerlik qoǵamy, «Qazaqtelekom» aksıo­ner­lik qoǵamy, «Samuryq-Energo» aksıo­nerlik qoǵamy jáne «Eır Astana» aksıonerlik qoǵamy basshylarynyń esepteri tyńdaldy.

Sondaı-aq Qazaqstannyń Tuńǵysh Prezıdenti kásiporyndardyń turalap qalýyna jáne jumysshylardyń qysqartylýyna jol bermeı, oń qarqyn saqtap qalýǵa áser etken Qordyń jańa damý strategııasynyń tıimdiligin atap ótti.

– Strategııalyq mańyzdy salalarda barlyq kásiporynnyń áleýmet­tik turaqtylyǵyn saqtaý, jumysshy­lar­ǵa qamqorlyq tanytý jáne turaqty qyzmetin qamtamasyz etý qajet. О́n­di­ristik personaldy barynsha qorǵaýymyz kerek. Bul  300 myń adam jáne 340-tan astam kásiporyndy qamtıdy. Importqa táýeldilikti azaıtý úshin de biraz sharýa atqaryldy. Qordyń úlgisinde otandyq bızneske belsendi qoldaý kórsetýdi úırendik, – dedi Elbasy.

Nursultan Nazarbaev usynylǵan ózgerister táýelsiz qorlardy damytýdyń álemdik tájirıbesine sáıkes keletinin atap ótti.

Qazaqstannyń Tuńǵysh Prezıdenti Qordyń damý strategııasyn iske asyrý boıynsha «Samuryq-Qazyna» basshylyǵynyń qyzmetine oń baǵa berdi.

Otyrys qorytyndysy boıynsha Keńes músheleri Qordy ınves­tısııalyq holdıngke aınaldyrýdyń tujyrymdamasyn maquldady. Sondaı-aq «Samuryq-Qazyna» aksıonerlik qoǵamy basqarmasyna pandemııa kezinde otandyq taýar óndirýshilerdi qoldaýǵa baǵyttalǵan is-sharalardy júzege asyrýdy jalǵastyrýdy tapsyrdy.

 

Sońǵy jańalyqtar

Nar Narymbetov edi...

Qazaqstan • Keshe

«Omıkron» shtamy oqshaýlaıdy

Koronavırýs • Keshe

Portrettegi parasat

Elbasy • Keshe

Almatyda 5G jelisi iske qosyldy

Tehnologııa • Keshe

Uqsas jańalyqtar