Kásipqoı boks • 18 Qarasha, 2020

Muhamed Álı boksqa qalaı kelgen?

84 ret kórsetildi

Kásipqoı boks tarıhynda aty málim qara tústi boksshylardyń kóbi derlik bala kezinde janjalǵa beıim, tipti qylmysqa da tartylyp úlgergenin baıqaımyz. Al bala Kassıýs Kleı orta mektepte sabaq úlgerimi jaqsy, tııanaqty, tártiptiligimen kózge túsken. Endeshe bul balany boksqa ıtermelegen qudiret ne?

K.Kleı 12 jasqa tolǵanda týǵan kúnine úı-ishi velosıped satyp áperedi. Qýanyshy qoınyna syımaǵan kishkentaı K.Kleı dúkenge de velosıpedimen barady eken. Birde dúkende bir mınýttaı ǵana bolyp syrtqa shyqsa, kóligi joq. Al kelip jylasyn. Bolǵan oqıǵany jergilikti polısııaǵa habarlap, eger de urlyqshy tabylar bolsa, óltire sabaıtyny jaıly ant beredi. Polıseı bolsa: «Aldymen boks úıren, sodan keıin urlyqshyny tabamyz», deıdi. Bul polısııa qyzmetkeri «Koldbı Jım» klýbynyń bap­keri bolatyn. Ol osylaı K.Kleıdi boksqa ákelgen.

Jattyqtyrýshy K.Kleıdi ákelip tá­ji­­rıbesi bar balamen ju­dy­­ryqtastyrady.Ol bolsa, tip­ten qınalmaı-aq jeńedi. О́mir­inde tuńǵysh ret boks qolǵabyn kıgen kúni qarsy­la­synan basym túsýi onyń boksqa degen úlken qushtarlyǵyn oıatady.

Boks úıirmesine kelgenine birneshe apta ǵana bolǵan K.Kleı joldastarymen birge avtomashına dúkenine soqqan kezinde sonda turǵan «kadıllak» mashınasyn nusqap, «Men uly boksshy bolamyn, kóp aqsham bolady, sonda osy mashınany alamyn», deıdi. Basqalary ony mazaqtap kúledi.

1960 jyly 18 jasqa tolǵan K.Kleı áýesqoı boksshylar arasynda «Altyn qolǵap» básin alty ret jeńip alyp, AQSh-tyń olımpıadalyq quramyna qabyldanady. Osy jyldyń tamyz aıynda Italııada Olım­pıada chempıony atanady. Áýesqoı bokstyń eń bıik shy­ńyn baǵyndyrǵan ol osydan bylaı kásipqoı boksqa aýysyp, óz esimin musylman dinin qa­byl­daýyna baılanysty «Muhamed Álı» dep ózgertedi.

 

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar