Qoǵam • 21 Qarasha, 2020

Memlekettik organdardyń bıýdjet qarajatyn sıfrlandyrýǵa jumsaý tıimdiligi "Nur Otan" alańynda qaraldy

18 ret kórsetildi

«Nur Otan» partııasy janyndaǵy «Memlekettik qyzmet kórsetý» baǵyty boıynsha komıssııanyń alańynda memlekettik qyzmet kórsetýdiń sapasy talqylandy, dep habarlaıdy Egemen.kz.

Nurotandyqtar «Azamattarǵa arnalǵan úkimet» memlekettik korporasııasynyń jelisi boıynsha egov.kz portaly jaqsy jumys istep turǵanyn, alaıda keıde «Elektrondyq úkimet» portalynda oryn alatyn aqaý kóbine memlekettik organdardyń kinásinen bolatynyn atap ótti.

Komıssııa tóraǵasy, Májilis depýtaty Maıra Aısınanyń aıtýynsha, osy jyly túrli memlekettik organdardaǵy aqparattyq júıelerdiń jumysynda aqaýlar oryn alǵan. Bul óz kezeginde qandaı da bir anyqtamany egov.kz. portalynan alýdy qıyndaty jiberedi. Bul jaǵdaıda jaýapkershilik Memlekettik korporasııaǵa júktelmeıdi dep esepteıdi komıssııa músheleri.

Otyrysqa qatysýshylar memlekettik organdardyń IT-júıelerin qurýdy naqty kimge tapsyratynyna erekshe nazar aýdardy. Mysaly, «Aqparattandyrý týraly» Zańǵa sáıkes barlyq mınıstrlikterde aqparattyq arhıtektýra birdeı bolýy tıis, al biryńǵaı ázirleýshi «Ulttyq aqparattyq tehnologııalar» AQ bolýy kerek.

«Nege syrtqa tapsyrys beresizder, ıaǵnı munda jemqorlyqqa múmkindik ashylyp tur ǵoı? «UAT»-ǵa tapsyrys berýlerińiz kerek, olar aqparattyq júıe úshin qansha qarajat qajet ekenin aıtsyn. Áıtpese, kim qansha qalasa, sonsha suraıdy. Mysaly, ákimdikterdi alatyn bolsaq, bireýlerine 100 mln, al endi bireýlerine 1 mlrd qajet» ,-dedi Maıra Aısına.

Ortalyq memlekettik organdardaǵy aqparattyq júıelerdiń jumys isteýin qamtamasyz etý úshin jumsalatyn qarajatta da osyǵan uqsas jaǵdaı. Bıýdjetten aqsha jetkilikti mólsherde bólinedi, biraq, ókinishke qaraı, aqparattyq júıelerdegi aqaýlar azaımaı tur.

Degenmen, «Memlekettik qyzmet kórsetý» partııalyq komıssııasynyń otyrysynda tek túıindi máseleler ǵana talqylanǵan joq.

Máselen, Sıfrlyq damý vıse-mınıstri Abylaıhan Ospanov bıylǵy 10 aıda HQKO-da 14,3 mln, al egov.kz platformasynda 30 mıllıonnan astam memlekettik qyzmet kórsetilgenin atap ótti. Bul halyqtyń sıfrlyq saýattylyǵynyń birtindep óskenin kórsetedi. Sonymen qatar, koronavırýstyq pandemııa jáne onymen baılanysty karantındik shekteý sharalary azamattardyń memlekettik qyzmetterdi onlaın rejımde alýyna qosymsha yntalandyrý boldy.

«Bul jerde týyndaǵan taǵy bir másele 1414 baılanys ortalyǵynyń jumysyna qatysty boldy. Karantınge baılanysty júkteme birneshe ese ósip, operatorlar jetispedi. Qońyraýlar sany kúnine 5-ten 50 myńǵa deıin ósti. Sondyqtan biz azamattarǵa qyzmet kórsetý úshin memlekettik korporasııanyń 2 myńǵa jýyq qyzmetkerin jedel jumyldyrdyq», - dedi Abylaıhan Ospanov.

Otyrysty qorytyndylaı kele, partııalyq komıssııa músheleri QR Sybaılas jemqorlyqqa qarsy is-qımyl agenttigine jáne QR Memlekettik qyzmet isteri agenttigine aldaǵy ýaqytta tehnıkalyq irkilisterge jol bermeý úshin túrli vedomstvolardyń ózderiniń aqparattyq júıelerin qurýǵa jáne qoldaýǵa aqshany qalaı jumsaıtynyn muqııat tekserýdi usyndy.

Sońǵy jańalyqtar

Tergeýshilerdiń ustazy ulyqtaldy

Aımaqtar • Búgin, 19:35

Reseı ınvestorlary Atyraýǵa bet burdy

Aımaqtar • Búgin, 16:56

Erteń Úkimet otyrysy ótedi

Úkimet • Búgin, 15:17

Qýatty qurylymnyń shýaqty merekesi

Qazaqstan • Búgin, 14:15

Naýryz aıynda aýa raıy qandaı bolady?

Aýa raıy • Búgin, 13:30

Uqsas jańalyqtar