Aımaqtar • 14 Qarasha, 2020

Smaǵul Sadýaqasulynyń 120 jyldyǵyna arnalǵan jıyn ótti

26 ret kórsetildi

Nur-Sultan qalasynyń ákimdigi Tilderdi damytý jáne arhıv isi basqarmasy «Rýhanııat» kommýnaldyq memlekettik mekemesi memleket jáne qoǵam qaıratkeri, alash azamaty  Smaǵul Sadýaqasulynyń 120 jyldyǵyna arnalǵan «Qazaǵyn qasterlegen qaısar tulǵa» atty onlaın dóńgelek ústelin ótkizdi.

Sharanyń maqsaty: ult qaıratkeri Smaǵul Sadýaqasulynyń 120 jyldyq mereıtoıy qarsańynda ǵylymı-shyǵarmashylyq zııaly qaýym ókilderiniń basyn quraı otyryp, san qyrly tarıhı tulǵanyń taǵylymdy ómir jolyn óskeleń urpaq sanasyna sińirý, san alýan taqyryptaǵy murasyn dáripteý.

El azattyǵy men rýhanı kemeldenýine tarıhı eńbek etken qaıratkerdiń súıegi órtelip, uzaq ýaqyt boıy Don zıratynda saqtalyp kelgen edi. Elimizge belgili ǵalymdar men qaıratkerlerdiń júıeli júrgizgen jumysy nátıjesinde alash ardaqtysynyń kúli 2011 jyly elge jetkizilip, týǵan jer qoınyna tapsyryldy. Dóńgelek ústel barysynda osyndaı qıyn da syndarly ǵumyr keshken qazaqtyń bir týar ulynyń ǵumyrnamasy ár qyrynan ekshelip, kópshilikke baıandaldy.

Rýhanı jıyndy f.ǵ.k., alashtanýshy, L.N.Gýmılev atyndaǵy EUÝ qazaq ádebıeti kafedrasynyń meńgerýshisi Qaıyrbek Kemeńger tizgindedi. Aldymen sóz alǵan alashtanýshy búgingi jıynnyń máni men maqsatyn túsindire kele, tarıhı sananyn jańǵyrtýdaǵy róline toqtaldy. Odan ári quttyqtaý sóz Nur-Sultan qalasynyń Tilderdi damytý jáne arhıv isi basqarma basshysynyń orynbasary Sáken Esirkepke berildi. Basqarma basshysynyń orynbasary tarıhı tulǵany dáripteýdegi memlekettik mekemeniń jumysyna toqtala kele, aldaǵy ýaqytta atqarylatyn jumys josparymen tanystyrdy. Bolashaqta basqarmaǵa qarasty onomastıka bólimi qaıratkerdiń esimin elorda mektepteriniń birine berý boıynsha jumystarmen aınalysatyn bolady.

Sharaǵa respýblıkanyń túkpir-túkpirinen alashtanýshy ǵalymdar, fılolog, tarıhshylar, ǵylymı-shyǵarmashylyq top ókilderimen qatar jastar da qatysty. Olardyń qatarynda Dıhan Qamzabekuly – QR UǴA akademıgi, L.N. Gýmılev atyndaǵy EUÝ prorektory, Aıgúl Ismaqova - f.ǵ.d., alashtanýshy,  Nazarbaev ýnıversıtetiniń professory,  Beıbit Qoıshybaev – t.ǵ.k., alashtanýshy, jazýshy, Jaqsybaı Samrat – jazýshy-jýrnalıst, QR mádenıet qaıratkeri, Danagúl Mahat – t.ǵ.d., L.N. Gýmılev atyndaǵy EUÝ «Otyrar kitaphanasy ǴZI dırektory, Gúlnar Muqanova – f.ǵ.k., Ál-Farabı atyndaǵy QazUÝ professory, «Aıqap» jýrnalynyń jaýapty redaktory, Saǵymbaı Jumaǵul – f.ǵ.d., alashtanýshy,  L.N. Gýmılev atyndaǵy EUÝ qazaq ádebıeti kafederasynyń professory syndy elge belgi zııaly qaýym ókilderi boldy. Alǵashqylardyń biri bolyp sóz alǵan aqyn, Qazaqstan Jazýshylar odaǵy Nur-Sultan qalalyq fılıalynyń basshysy Dáýletkereı Kápuly Smaǵulǵa arnaǵan júrek tebirenter jyr shashýyn tartý etti. Ǵalymdar qaıratkerdiń shyǵarmashylyq joly, memlekettik isterdegi eren eńbegi, ult taǵdyryna qatysty jasaǵan jumystary jóninde keńinen baıandady. Sonymen qatar Smaǵul Sadýaqasulynyń esimin jańǵyrtý maqsatynda keleli usynystar aıtyldy.

Aldymen SQO-da qaıratkerdiń esimine kóshe berý, murajaıyn ashý sonymen qatar týǵan jerinde mektepke atyn berý týraly utymdy usynystar kóterildi. Osy tusta sharaǵa arnaıy qatysqan SQO ákiminiń orynbasary Ǵanı Nyǵymetov bıylǵy jyldan bastap 35 paıyz qazaq turatyn óńirde qaıratkerdiń esimin ulyqtaıtyn sharalardyń bastalǵanyn jetkizdi. Odan bólek aldaǵy ýaqytta da júzdegen kóshe, birneshe aýdan men aýylǵa qazaqy naqyshtaǵy ataýlar beriletinin aıtyp, kópshiliktiń kóńilin marqaıtty.

Jınalǵan qaýym dál osyndaı jumystardy elordamyzda da júıeli jolǵa qoıýylýy kerektigin basa aıtty. Qalamyzda ornalasqan №78 mektep-gımnazııasy birshama ýaqyttan beri qaıratkerdiń esimin surap júr. Mektep qabyrǵasynda Smaǵulǵa arnalǵan arnaıy shaǵyn murajaı bar. Osylaısha alash qaıratkeriniń esimin ulyqtap otyrǵan bilim ordasy mereıtoı qarsańynda súıinshi habardy kútip júrgenin jetkizdi. Sharaǵa qatysýshy mektep oqýshylary da Smaǵul Sadýaqasulynyń urpaqqa úlgi bolar ulaǵatty sózderin oqyp, kópshiliktiń batasyn aldy.

Shara sońynda onlaın dóńgelek ústelge qatysýshylar Smaǵul Sadýaqasulynyń ónegeli ómir joly keıingi jastarǵa úlgi ekenin taǵy bir eske saldy. Jasyndaı jarq etken qysqa ǵumyrynda alashqa adal qyzmet etip, tarıh betinde óshpes isi qalǵan qaıratkerdiń eren erligin búgingi táýelsiz Qazaqstannyń jastary umytpaq emes!

Sońǵy jańalyqtar

Nar Narymbetov edi...

Qazaqstan • Keshe

«Omıkron» shtamy oqshaýlaıdy

Koronavırýs • Keshe

Portrettegi parasat

Elbasy • Keshe

Almatyda 5G jelisi iske qosyldy

Tehnologııa • Keshe

Uqsas jańalyqtar