Biryńǵaı jınaqtaýshy zeı­­netaqy qory baspasóz qyzme­tiniń habarlaýynsha, salymshy­lardyń deni jeke shotty ınternet arqyly baqylap otyrǵandy jón kóredi. Búginde bul tásildi 6,6 mln-nan astam adam paıdalanyp otyr. Bul degenimiz – jalpy salymshylar úlesiniń 54,2 paıyzy. Máselen, enpf.kz saıtyndaǵy jeke kabınet nemese ENPF uıaly qosymshasy arqyly 5 762 454 shottyń jaı-kúıi baqylanyp otyrady eken. Mundaı tásildi tańdaǵandardyń sany bir jyl ishinde 4 paıyzǵa nemese 225 125 adamǵa kóbeıgen.

Sondaı-aq jeke zeınetaqy shoty týraly aqparattardy elek­trondy poshta arqyly baqy­laýǵa bolady. Bul tásildi 853 954 adam paıdalanady eken. Atalǵan tásildi paıdalaný úshin Biryńǵaı jınaqtaýshy zeı­net­aqy qoryna elektrondy poshtanyń mekenjaıyn qaldy­rasyz. Keıin shot ıesine tańdaǵan kestege sáı­kes tıisti aqparat aı saıyn, toq­san saıyn, jarty jylda bir ret nemese jyl saıyn kelip turatyn bolady.

Shottaǵy aqparattyń kóshir­mesin dástúrli poshta arqyly alatyndar áli de kóp. Bul tásildi 1 297 726 adamnyń qoldanatyny bel­gili boldy. Dese de, dástúrli posh­taǵa ıek artatyndardyń úlesi azaıyp keledi. Máselen, 5 jyl buryn mundaı tásildi tańda­ǵan salymshylardyń sany 2 939 233 adamdy quraǵan. De­mek, kórsetkish bes jyl ishinde 44 paıyzǵa kemigen. 

«Salymshy shot týraly aq­pa­ratty jylyna bir ret dástúrli poshta arqyly alyp turýdy qala­­sa, turǵylyqty mekenjaıyn durys kórsetýi kerek. Meken­­jaıy ózgergen jaǵdaıda ony qorǵa habarlaýy tıis. «Zeınet­aqymen qamsyzdandyrý týraly» zańda mundaı talapty meken­­jaıy ózgergennen keıin 10 kún ishinde oryndaý qajet ekeni kór­setilgen. Áıtpese, posh­ta ope­ratory shot týraly aqpa­rat­ty tıisti mekenjaıǵa jetki­ze almaýy múmkin. Iesin tap­pa­ǵan hat qorǵa qaıtyp oralady. Sondyqtan Biryńǵaı jınaq­­taýshy zeınetaqy qory kelesi jyldan bastap habarlaý márte­­besi «anyqtalmaǵan» dep kórse­tilgen salymshyǵa shot týraly aqpa­ratty jibermeıdi. Qarasha aıy­nyń basynda mundaı salym­shy­lardyń sany 1 mln-nan astam adamdy nemese jalpy salymshylar sanynyń 8,8 paıyzyn qurady», delingen qordyń resmı habarlamasynda.

Al qor keńselerine kelip aqparat alatyndardyń sany – 3 029 417 adam. О́tken jyly bul kór­setkish 1 938 547 ótinishti quraǵan eken. Bir jyl ishindegi ósim 56,3 paıyzǵa jetken. Osy oraıda, bul statıstıkany kóbinese jańadan ashylǵan shot ıeleriniń tolyqtyrǵanyn eskergen jón.

«Biryńǵaı jınaqtaýshy zeınetaqy qory zeınetaqy júıesine jańadan tirkelgenderge 2019 jyldan bastap jeke shot ashý úshin shart jasaýdyń qajeti joq ekenin eskertedi. Birin­shi jarna túsken kezde shot avto­matty túrde ashylady. Jeke tulǵany sáıkestendirý mindet­ti zeınetaqy jarnalaryn aýdarý kezinde tólem tapsyr­masynyń elektrondy formatynda kórsetilgen derbes derekter boıynsha júzege asyrylady. Al jeke tulǵanyń jeke basyn kýálandyratyn qolda­nys­taǵy qujattyń derektemeleri, turaqty turatyn jeri týraly bar­lyq qajetti málimetterdi Biryń­ǵaı jınaq­taýshy zeı­net­aqy qory memle­kettik organ­dardyń aqparattyq júıe­lerinen alady. Mundaı shotty ashý kezinde habarlaý tásili avtomatty túrde «О́zi kelip ótinish bildirgen» dep aıqyndalady. Sondyqtan jeke zeınetaqy shotyn endi ashqan salymshylar BJZQ keńsesine kelip, qajetti habarlaý tásilin tańdaýy kerek. Sondaı-aq muny elektrondy sıfrly qoltańba arqyly enpf.kz saıtyne enip, qashyqtan ja­saýǵa da múmkindik bar», deı­di qordyń baspasóz qyzmeti.