Qazaqstan • 24 Qarasha, 2020

Qazaqstan men Gonkongtyń sybaılas jemqorlyqqa qarsy vedomstvolary yntymaqtastyqty nyǵaıtýda

14 ret kórsetildi

24 qarashada QR Gonkongtaǵy Bas konsýlynyń yqpaldasýymen Sybaılas jemqorlyqqa qarsy is-qımyl agenttiginiń tóraǵasy Alık Shpekbaevtyń sheteldik úzdik vedomstvolardyń biri Gonkongtyń sybaılas jemqorlyqqa qarsy kúres jónindegi Táýelsiz komıssııasynyń komıssary Saımon Pemen onlaın kezdesýi ótti, dep habarlaıdy Egemen.kz.

A. Shpekbaev gonkongtyq áriptesterin elimizde júrgizilip jatqan reformalarmen tanystyryp, saıası jańǵyrtý sharalaryna, jemqorlyqqa qarsy zańnamanyń novellalaryna jáne Memleket basshysynyń Joldaýynda aıtylǵan bastamalarǵa nazar aýdardy.

О́z kezeginde Saımon Pe Qazaqstannyń sybaılas jemqorlyqqa qarsy is-qımyldaǵy jáne memlekettik qyzmetti reformalaýdaǵy edáýir jetistikterin atap ótti. Atap aıtqanda, ol Memleket basshysyna tikeleı baǵynatyn jáne qylmystyq tájirıbeniń, aldyn-alý men aǵartýdyń keshendi fýnksııalary bar Agenttik qurýdyń mańyzdy rólin atap ótti. Qazaqstandyq vedomstvo qurylymynyń negizi retinde Ońtústik-Shyǵys Azııa, Eýropa elderi, Gonkong úlgileri qabyldandy.

Taraptar sybaılas jemqorlyqqa qatysty jaǵdaıdy túbegeıli ózgertýge múmkindik bergen gonkong áriptesteriniń tájirıbesin talqylady. Sybaılas jemqorlyqqa qarsy táýelsiz organ qurý, «múlikti paraǵa satyp almaǵanyńdy dálelde» qaǵıdatyn engizý, azamattardyń quqyqtyq mádenıetin arttyrý – tabystyń kiltine aınaldy.

Sybaılas jemqorlyqqa qarsy aýqymdy aǵartý jáne bilim berý jemqorlyqqa tózbeýdi qalyptastyrýdaǵy jáne parasattylyq mádenıetin keńeıtýdegi mańyzdy faktorlar. Biz bul jumysty 40 jyl buryn bastadyq jáne osy ýaqytqa deıin birneshe urpaq aýysty. Osynyń arqasynda búginde halyqtyń 99%-y jemqorlyq kórinisterinen adal», dep atap ótti Saımon Pe. Ol sondaı-aq Qazaqstannyń osy baǵytta júrgizip jatqan jumysyna joǵary baǵa berdi.

Gonkongta komıssııa qyzmetkerleriniń kásibıligine zor kóńil bólinedi. Barlyq jańadan qabyldanǵan qyzmetkerler tergeý, aldyn-alý jáne bilim berý tájirıbesin qosa alǵanda, bólimniń mamandanýy men jaýapkershiliginiń negizgi baǵyttary boıynsha bir jyldyq jedel oqytýdan ótedi.

Vedomstvolar Táýelsiz komıssııa janyndaǵy Sybaılas jemqorlyqqa qarsy zertteýler jáne halyqaralyq oqytý ortalyǵy negizinde neǵurlym tyǵyz yntymaqtastyq týraly ýaǵdalasty. Yntymaqtastyq taldamalyq zertteýlerdiń nátıjelerimen, oqytý is-sharalarymen jáne eki jaqty saparlarmen almasý aıasynda bolmaq.

Sońǵy jańalyqtar

Elimizde taǵy 1050 adam indetten aıyqty

Koronavırýs • Búgin, 09:44

Semeıge Saqtaǵanov ákim boldy

Taǵaıyndaý • Keshe

Birneshe oblysta jol jabyldy

Qazaqstan • Keshe

Uqsas jańalyqtar