Qazaqstan • 27 Qarasha, 2020

Qazaqstannyń IX Azamattyq forýmynyń qorytyndysy shyǵaryldy

15 ret kórsetildi

27 qarashada «Qoǵam jáne memleket: «Birgemiz» seriktestik pen damýdyń 30 jyly» atty IX Azamattyq forýmy plenarlyq sessııasy ótti. Plenarlyq sessııanyń ashylýynda QR Memlekettik hatshysy Qyrymbek Kósherbaev memleket azamattyq qoǵamnyń turaqtylyǵyn arttyrýǵa járdemdese beretinin atap ótti.

"Biz Qazaqstan azamattary emin-erkin qaýymdastyqtarǵa birige alýyna jan-jaqty qoldaý kórsete beretin bolamyz jáne muny negiz qalaýshy konstıtýsııalyq quqyǵy retinde qarastyramyz. Ol Qazaqstannyń saıası jańǵyrýynyń jáne ilgeri qaryshtaıtyn qoǵamdyq progresiniń mańyzdy sharty sanalady. Sondyqtan biz búginnen-aq zańnamamyzdy ózgertip, qoǵamdyq keńesterdiń, azamattyq qoǵamdyq baqylaýdyń, eriktilerdiń qyzmetin kúsheıtýge baǵyttalǵan jańa zań jobalaryn ázirleımiz", – dedi Q.Kósherbaev.

 

Sonymen qatar, otyrys barysynda Aqparat jáne qoǵamdyq damý mınıstri Aıda Balaeva, óńirlik azamattyq sektor ókilderi, saıasattanýshy Aıdos Sarym, Almaty qalasy Qoǵamdyq keńesiniń hatshysy Altynaı Kóbeeva, «Atyraý. Kishkentaı el» balalardy ońaltý ortalyǵynyń jetekshisi Erlan Kúmisqalıev, «Bereke» QB tóraıymy Roza Abdýllaeva, Nege.kz qazaq tildi portalynyń dırektory  Aleksandr Danılov sóz sóıledi. 

 

Forým el prezıdenti Qasym-Jomart Kemeluly Toqaevtyń Joldaýynyń ıdeıalyq mazmunyna súıenedi, onda azamattyq sektordy damytý men órkendeýdiń, olardyń memleketke degen senimin arttyrýdyń mańyzdylyǵy ataldy.

Aıda Balaevanyń aıtýynsha, forým keri baılanystyń alýan túrli tetikteri qoldanylǵan shynaıy dıalogqa aınaldy. 40-tan astam túrli formattaǵy onlaın suqbat alańdary uıymdastyryldy.

 

Forýmnyń onlaın alańdaryna 20 000-nan astam adam qatysty, talqylaýǵa 1500-den astam ÚEU belsendi ókilderi atsalysty.
Ortalyq memlekettik organdardyń 12 basshysynyń salalyq kezdesýleri ótkizildi, onda ÚEU ókilderi "erkin mıkrofon" formatynda ózderin tolǵandyratyn suraqtarǵa jaýap aldy.

 

IX Azamattyq forýmnyń qorytyndysy boıynsha azamattyq qoǵam ókilderinen 650-den astam usynystar men usynymdar kelip tústi. Onyń ishinde respýblıkalyq forýmnyń qorytyndysy boıynsha – 500-den astam usynym, 17 óńirlik forýmnyń qorytyndysy boıynsha-150 usynys qabyldandy.

 

Esterińizge sala keteıik, Azamattyq forým - QR Aqparat jáne qoǵamdyq damý mınıstrliginiń qoldaýymen 2003 jyldan beri árbir eki jyl saıyn uıymdastyrylatyn dástúrli alań. Qatysýshylardyń qaýipsizdigi maqsatynda Azamattyq forým onlaın rejımge kóshirildi, al delegattarǵa yńǵaıly bolý úshin mazmundy baǵdarlama bes kún boıy jalǵasty.

Sońǵy jańalyqtar

Dollar qymbattady

Ekonomıka • Búgin, 11:35

Qazaqstanda elektr energııasy qymbattady

Qazaqstan • Búgin, 10:21

Qyrǵyzstanda eks-premer ustaldy

Álem • Búgin, 09:53

Pnevmonııadan 1 adam qaıtys boldy

Koronavırýs • Búgin, 09:22

Sartaı batyrdyń ashamaıy

Rýhanııat • Búgin, 08:07

«Bestikke» engen óńirdegi betburys

Aımaqtar • Búgin, 07:58

Qoǵammen baılanys qoldaý tapty

Qoǵam • Búgin, 07:56

Ekpe saldyrý – óz erkińizde

Medısına • Búgin, 07:54

Tarıh ǵylymynyń kóshbasshysy

Oqıǵa • Búgin, 07:54

Munaıly óńirge – myń doza

Medısına • Búgin, 07:52

Qyzylsha men qamys – óńdegenge tabys

Ekonomıka • Búgin, 07:41

Máskeý festıvaline barǵanda...

Tanym • Búgin, 07:40

DSU: О́tpeli kezeń aıaqtaldy

Ekonomıka • Búgin, 07:37

Áke jolyn jalǵar ul

Aımaqtar • Búgin, 07:35

Uqsas jańalyqtar