Oqıǵa • 01 Jeltoqsan, 2020

Merekeni mazmundy ótkizedi

12 ret kórsetildi

Nazarbaev Zııatkerlik mektepterinde Tuńǵysh Prezıdent kúni dástúrli «Uly dala muragerleri» dombyrashylar marafonynan bastaý alady. NIS-tiń barlyq YouTube arnalarynda Qurmanǵazy men Dáýletkereıdiń, Nurǵısa Tilendıevtiń ataq­ty kúıleri oryndalady.

Birinshi jeltoqsanǵa Zııatkerlik mektepter jelisinde aýqymdy baǵdarlama josparlanǵan. Merekelik marafondy alǵashqylardyń biri bolyp О́skemende «Elbasy súıgen el áni» bastady, beı­ne­chel­lendj Qaraǵandydaǵy jáne Pet­ro­­pavl­daǵy Zııatkerlik mektepterge jol­­­dandy.

Oralda «Prezıdenttiń bastamala­ry» taqyryptyq NIS Tallks ótedi. Qos­tanaıda «Elbasynyń kitaptary» atty vırtýaldy kórme ázirlenýde. Qyzy­lordadaǵy zııatkerlik oıynǵa oqý­shylarmen birge olardyń ata-analary da qatysady. Pavlodarda «Zamandastar jyrlary» jobasy aıasynda dıktorlar klýby kórkem oqýdan «Táýelsiz eldiń ulandary» baıqaýyn uıymdastyrmaq. Shymkent qalasyndaǵy fızıka-matema­tıka baǵytyndaǵy NZM «Urpaqtar sa­baq­tastyǵy» jobasy aıasynda oqý­shy­lar ata-ájelerimen birge Elbasy­nyń kitaptaryn oqıdy.

Taldyqorǵanda kezdesýge «Altyn dombyranyń» eki dúrkin ıegeri, «Daryn» memlekettik jastar syılyǵynyń laýrea­­ty Jandarbek Bulǵaqov shaqyryldy. Shymkent qalasyndaǵy hımııa-bıologııa baǵytyndaǵy Zııatkerlik mektepte «El­ba­sy – Máńgilik el kóshbasshysy» atty onlaın konferensııa ótedi.

Barlyq Zııatkerlik mektepterde «Bú­gin­gi shańyraq kóshbasshylary – bo­lashaq el kóshbasshylary» kóshbasshylar forýmy men «Álem tanyǵan Elbasy» TEDx konferensııalary, «Qazaqstandyq jol. N.Nazarbaev» vırtýaldy ekskýrsııalar men «El tiregi – Elbasy» kitap kórmeleri, «Elbasynyń qoltańbasy» (esse) jáne «Elin súıgen, eli súıgen Elbasy» (sýret) baıqaýlary, qaıyrymdylyq aksııalary, sporttyq estafetalar men tımbıldıngter, «Elim­niń baǵy – Elbasy» atty konsertter men ózge de sharalar josparlanǵan.

Mereke kúnderinde barlyq Nazarbaev Zııatkerlik mektepterinde qashyqtan uıymdastyrylǵan «Týǵan elge taǵzym» tarıhı-ólketanýlyq zertteý ekspedısııa­­­sy óz máresine jetedi. Árbir óńirde balalar tórt baǵdardan ótti: tarıhı mura («Uly Dala órkenıeti»); tabıǵı qoryq («Týǵan ólkem – jumaq meken!»); mádenı mura («Ult rýhanııaty – babalar amanaty»); ınnovasııalyq damý («О́ndiristik ınnovasııa kepili – zııatkerlik áleýet»).

 

 

 

Sońǵy jańalyqtar

15169 adam koronavırýs juqtyrdy

Koronavırýs • Keshe

Uqsas jańalyqtar