Rýhanııat • 01 Jeltoqsan, 2020

Dalany terbetken syrly saz

36 ret kórsetildi

Uly kompozıtor Shámshi Qaldaıaqov esimi búkil qazaqqa ortaq. Jambyl óńiri úshin de uly tulǵanyń orny erekshe. Sekseninshi jyldardyń orta sheninde Jambyl aýdany, búgingi Jalpaqtóbe (burynǵy Dýnganovka) aýylynda turǵan kompozıtor osy jerde áıgili «Dúngen qyzy» ánin jazǵan. Aqyn Sabyrhan Asanovtyń sózine jazylǵan lırıkalyq án búginde búkil qazaq dalasyn syrly sazymen terbetip tur.

Bıyl aty ańyzǵa aınalǵan ataqty kompozıtordyń týǵa­nyna 90 jyl tolýyna oraı, jýyr­da «Rýhanı jań­ǵyrý» baǵ­darlamasynyń «Uly dalanyń uly esimderi» jobasynyń aıa­synda Taraz qalasyndaǵy «Bala­saǵun» ortalyq konsert zalynda «Shámshi-ǵumyr» atty eske alý keshi ótti. Keshke eli­mizge tanymal estrada án­shileri qatysyp, konsert zalynyń foıesinde kelýshiler úshin oblystyq mádenıet, arhıvter jáne qujattama basqarmasy qolónershilerdiń kitaptary men buıymdarynyń kórmesin uıymdastyrdy. Al kesh barysynda júrgizýshiler jınal­ǵandarǵa elimizdiń Mádenıet jáne sport mınıstri Aqtoty Raıymqulovanyń quttyqtaý hatyn oqyp berdi.

Jalpy, Shámshi Qaldaıaqov taǵdyry kúrdeli tulǵa. Osy oraıda kompozıtordyń ómi­rinen kópshilik bile ber­meı­tin sahnalyq kórinister qo­ıyldy. Máselen, Shámshiniń anasy Sa­qyp­jamalmen kez­desýi, ananyń perzentine degen aq tilegi kó­rer­mendi ǵa­jap áserge bóledi. Sonymen qatar jań­byrly kún­derdiń birinde Sa­ǵynysh esim­di arýmen tanysqan kórinisi de na­nym­dy shyqty. Kesh barysynda Asqar Toqpanov atyn­daǵy oblystyq qazaq drama teatrynyń ártisteri Israıl Sapar­­baıdyń «Syǵan serenadasy» mýzykalyq dramasynan úzindi sahnalady. Munda da Shámshi ǵashyq bolǵan syǵan qyzy Izolda beınesi jarqyrap kórindi. Baǵdat Sámedınova, Sáken Maıǵazıev, Dosymjan Tańatarov, Gúl­mı­ra Aqúrpekova, Saıat Me­deýov, Aıgúl Maqasheva, Ken­jebek Janábilov jáne eli­miz­ge belgili ózge de óner she­­­ber­­leri kompozıtordyń án­­de­­rin naqyshyna keltire oryn­dady. Sondaı-aq Kenen Ázirbaev atyndaǵy oblystyq fılarmonııa ánshileri de óner kórsetti. Kesh sońynda óner­pazdardyń qatysýymen Qazaq­stan Respýblıkasynyń Mem­lekettik Ánuran oryndaldy. Jalpy, Shámshi Qaldaıaqov ásem án­deri­men qatar, elimiz­diń Ánurannyń avtory retinde de kópshilikke belgili. Kesh so­ńynda Jambyl oblysynyń ákimi Berdibek Saparbaev sóz alyp, Shámshi álemi týraly áńgimeledi. «Uly maestro týraly estelikter onyń árbir ólmes týyndylarymen birge ómir súredi. Onyń ánderin kári de, jas ta súıip tyńdaıdy. Olar­dy tyńdaı otyryp, biz­diń janymyz erekshe kúı keshedi. Kompozıtordan qalǵan rýhanı muralar halqymyz úshin erekshe qundy desek, artyq aıtpaǵandyq. Biz onyń eńbekterin odan ári nasıhattaı berýimiz kerek. Ke­lesi jyly Shámshi Qaldaıaqov atyn­daǵy Halyqaralyq baı­qaý ótkizýdi josparlap otyrmyz», dedi ol. О́z sózinde kompozıtordyń qaryndasy Raı­­han Qaldaıaqova «Aǵam bala kezi­nen mýzykaǵa óte ja­qyn boldy. Onyń ánderin birneshe býyn urpaq shyn ynty­zarlyqpen shyr­­qaýda. Biz­diń halqymyz onyń án­derin yqy­laspen tyńdap, shyr­­qap jatsa, aǵamnyń esimi esh­qa­shan óshpek emes. Búgingi kon­sertti uıym­dastyrǵandarǵa, bar­­lyq qaty­sýshylarǵa alǵys aı­t­qym keledi», dep óz áserimen bó­listi.

 

Jambyl oblysy

Sońǵy jańalyqtar

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Uqsas jańalyqtar