Parlament • 01 Jeltoqsan, 2020

Parlamenttik Assambleıanyń otyrysyna qatysty

14 ret kórsetildi

Májilis Tóraǵasy Nurlan Nyǵmatýlın Ujymdyq qaýipsizdik týraly shart uıymy (UQShU) Parlamenttik Assambleıasynyń otyrysynda sóz sóıledi. Beınekonferensııa formatynda Keńes otyrysy jáne UQShU PA on úshinshi plenarlyq otyrysy ótti, dep habarlady Májilistiń baspasóz qyzmeti.

Otyrystarda Reseı Federa­sııasynyń UQShU-ǵa 2020 jyly tóraǵalyq etý basymdyqtaryn iske asyrý jónindegi ju­mystyń qorytyndylary, sondaı-aq UQShU-nyń jaýapkershilik aıma­ǵyn­daǵy jaǵdaı jáne ujymdyq qaýipsizdikke tónetin qaýip-qaterlerge qarsy is-qımyl jónindegi sharalar týraly aıtyldy.

Sonymen qatar Parlament ókilderi jappaı qyryp-joıý qarýynyń zańsyz aınalymyna qarsy is-qımyl, jańa psıhobelsendi zattardy memlekettik tirkeýge qatysty UQShU memleketteriniń ortaq tásilderin qalyptastyrý, sondaı-aq Qarýly Kúshterdiń, basqa da áskerler men áskerı quralymdardyń avıasııasynyń halyqaralyq ushýlaryn uıymdastyrý salasyndaǵy zańnamany jetildirý jóninde usynymdar qabyldady.

Otyrysqa qatysýshylar UQShU Parlamenttik Assambleıasynyń uıymǵa múshe memleketterdiń ulttyq zańna­ma­syn jaqyndastyrý jáne úılestirý jónin­degi 2021-2025 jyldarǵa arnalǵan Qyz­met baǵdarlamasyn, sondaı-aq UQShU PA-nyń 2021 jylǵa arnalǵan ju­mys josparyn bekitti.

Májilis Tóraǵasy atap ótkendeı, qu­jat­tar Assam­bleıa­­nyń normatıvtik-quqyq­tyq bazasyn tereńdetý úshin taqy­ryptar men baǵyt­tar keńinen qamtylyp, búgingi kúnniń shynaıylyǵyn eskere otyryp, egjeı-tegjeıli pysyqtalǵan.

Sondaı-aq kelesi bes jylǵa arnalǵan baǵdarlamada aýqymdy derekterdi qalyptastyrý jáne paıdalaný jónindegi ulttyq zańnamany damytý, aqparattyq qaýipsizdikti qamtamasyz etýde jasandy ıntellekt, kıberqaýipsizdik, sıfrly qoltańbalar jasaý máselelerine qatysty modeldik aktiler bar.

Otyrystarǵa Armenııa, Belarýs, Qa­zaq­stan, Qyrǵyzstan, Reseı jáne Tájik­stan­nyń parlament jáne palatala­ry­nyń basshylary, sondaı-aq Aýǵanstan men Serbııa UQShU PA baqylaýshy retinde qatysty.

 

Sońǵy jańalyqtar

Álemdegi eń úlken muzdyq erip ketti

Ekologııa • Búgin, 11:05

15169 adam koronavırýs juqtyrdy

Koronavırýs • Keshe

Uqsas jańalyqtar