Úkimet • 02 Jeltoqsan, 2020

A. Mamın: Bizdiń mindetimiz — múmkindigi shekteýli jandarǵa qolaıly orta qurý

12 ret kórsetildi

QR Premer-Mınıstri Asqar Mamınniń tóraǵalyǵymen ótken Úkimet otyrysynda múmkindigi shekteýli jandardy áleýmettik qorǵaý máseleleri qaraldy.

Eńbek jáne halyqty áleýmettik qorǵaý mınıstri Birjan Nurymbetov, densaýlyq saqtaý mınıstri Alekseı Soı, bilim jáne ǵylym mınıstri Ashat Aımaǵambetov, ındýstrııa jáne ınfraqurylymdyq damý mınıstri Beıbit Atamqulov, Túrkistan oblysynyń ákimi О́mirzaq Shókeev, Soltústik Qazaqstan oblysynyń ákimi Qumar Aqsaqalov, sondaı-aq «Shyraq» múgedek áıelder qaýymdastyǵynyń tóraıymy Lázzat Qaltaeva baıandama jasady.

«Múmkindigi shekteýli jandardy áleýmettik qorǵaý – memleket basa kóńil aýdaratyn óte mańyzdy másele. Bizdiń mindetimiz – múgedektigi bar adamdarǵa qolaıly orta qurý», — dedi A. Mamın.

«Nur Otan» partııasynyń jańa baǵdarlamasyna sáıkes aldaǵy 5 jylda jumyspen qamtylǵan múgedektigi bar adamdardyń úlesi 30%-ǵa ósýi tıis jáne de olar medısınalyq ońaltýmen 100% qamtylady. Múmkindigi shekteýli jandardyń quqyǵyn qorǵaý jáne turmys sapasyn jaqsartý úshin Qazaqstanda 2025 jylǵa deıingi ulttyq jospar iske asyrylyp jatyr, ol 64 keshendi is-sharadan turady. Bıyl múgedekterdi áleýmettik qamsyzdandyrýǵa 448 mlrd teńge jumsaldy, bul ótken jylǵydan 12%-ǵa kóp. Tuńǵysh ret múgedekter arbalaryn jasaıtyn otandyq óndiris iske qosyldy, bul atalǵan arbaǵa muqtaj adamdardy bes jyl ishinde tolyq qamtamasyz etýge múmkindik beredi. Múgedektigi bar adamdarǵa usynylatyn kásipter men jumystar anyqtamalyǵy ázirlenip jatyr.

Múmkindigi shekteýli jandardy medısınalyq ońaltýmen qamtý úlesi bıyl 60%-ǵa deıin, 2021 jyly 75%-ǵa deıin arttyrylady. Kólik salasynda ony múmkindigi shekteýli jandar paıdalana alýy úshin eleýli jumys atqaryldy. Jol júrý úshin jeńildikti jaǵdaılar jasaldy. Vokzaldardyń 93%-y múgedekterge qyzmet kórsetý talaptaryna sáıkes keledi. Barlyq jolaýshylar poıyzdary 100% múgedek arbalarymen jabdyqtalǵan. Úkimet basshysy jyl sońyna deıin múmkindigi shekteýli jandar úshin 100% kedergisiz qoljetimdilikti qamtamasyz etý jónindegi jol kartasyn ázirleýdi tapsyrdy. Ákimdikterge múmkindikteri shekteýli jandardy Áleýmettik qyzmet kórsetý portaly arqyly ońaltý quraldaryn alý daǵdylaryna oqytýdy jandandyrý, Sıfrlyq damý mınıstrligimen birlesip, Jumyspen qamtý ortalyqtary men HQKO-larda múgedek adamdar úshin ózine-ózi qyzmet kórsetý aımaqtaryn ulǵaıtý tapsyryldy.

Densaýlyq saqtaý mınıstrligine ákimdiktermen birlesip, múgedektiktiń aldyn alý úshin syrqattarǵa dıagnostıkany erte júrgizýge kóńil bóle otyryp, múgedekterge ońaltý kómegin kúsheıtý, salynyp jatqan barlyq ońaltý ortalyqtaryn ýaqytyly paıdalanýǵa berýdi qamtamasyz etý tapsyryldy. Úkimet basshysy Bilim mınıstrligine ákimdiktermen birlesip, kelesi jyly balalardy ınklıýzıvti bilimmen qamtýdy 50%-ǵa deıin keńeıtýdi, bilim berý baǵdarlamalarynyń mazmunyn jáne pedagogtardy daıarlaýdy ózektendirýdi, túzetý kabınetteri jelisin jáne psıhologııalyq-medısınalyq jáne pedagogıkalyq komıssııalardyń qyzmetin keńeıtýdi tapsyrdy. Indýstrııa mınıstrligine memlekettik organdarmen jáne óńirlerdiń ákimdikterimen birlesip, vokzaldardy jańǵyrtýdy aıaqtaý jáne qoǵamdyq avtobýs parkin múmkindigi shekteýli jandarǵa qyzmet kórsetý talaptaryna tolyq sáıkestendirý tapsyryldy.

Sońǵy jańalyqtar

«Barys» utylyp qaldy

Sport • Keshe

Eldos Smetov kúmis aldy

Sport • Keshe

«Qaırat» – qola júldeger

Aımaqtar • Keshe

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Almatyda gashısh satqan azamat ustaldy

Qoǵam • 05 Naýryz, 2021

Rýslan Beketaev jańa qyzmetke taǵaıyndaldy

Taǵaıyndaý • 05 Naýryz, 2021

Qazaqstanda taǵy bir mereke paıda bolady

Qazaqstan • 05 Naýryz, 2021

Grand Slam: Eldos Smetov fınalǵa shyqty

Sport • 05 Naýryz, 2021

Qaraǵandyda jol apatynan 3 adam qaıtys boldy

Aımaqtar • 05 Naýryz, 2021

Uqsas jańalyqtar