Qazaqstan • 02 Jeltoqsan, 2020

AShM agroónerkásiptik keshenin sıfrlandyrýǵa basa nazar aýdarady – Saparhan Omarov

8 ret kórsetildi

QR Úkimetiniń otyrysynda Aýyl sharýashylyǵy mınıstri Saparhan Omarov AО́K jáne jer qatynastaryn sıfrlandyrý boıynsha QR AShM-nyń atqarǵan jumysy týraly baıandady

Mınıstr sońǵy jyldary AShM memlekettik qyzmetter men salalyq bıznes-prosesterdi sıfrlandyrý boıynsha aýqymdy jumys júrgizgenin habarlady. Atalmysh vedomstvoda avtomattandyrý deńgeıi 94%-ǵa jetti. 2020 jyly AShM-niń elektrondyq formatta kórsetken qyzmetteriniń úlesi 34%-ǵa ósti.

Bıznes-prosesterdiń basym bóligi «E-Agriculture» biryńǵaı avtomattandyrylǵan basqarý júıesi esebinen sıfrlandyryldy. Búginde osynyń arqasynda fermerler men saýda uıymdarynyń ókilderi ınternet arqyly qajetti qujattardy alýda.

Atap aıtqanda, ósimdik sharýashylyǵynda barlyq 11 ruqsat berý qujattary sıfrlandyrylǵan. Mal sharýashylyǵy salasynda 12 ruqsat berý qujatynyń 10-y elektrondyq formatqa aýystyryldy.

Sýbsıdııalaýdyń barlyq baǵyttary, sondaı-aq aýyl sharýashylyǵy tehnıkasyn tirkeý, daıyndaýshy uıymdardy akkredıtteý prosesteri jáne mıkronesıelerge kepildik berý jónindegi komıssııanyń jumysy 100%-ǵa avtomattandyryldy.

Sondaı-aq QR AShM Plem.kz aqparattyq taldaý júıesi arqyly mal sharýashylyǵyndaǵy seleksııalyq jáne asyl tuqymdyq jumystyń esebin sıfrlandyrdy. Endi 35 myń qoldanýshy elektrondy formatta janýarlardyń shyǵý tegin rastaı alady jáne zootehnıkalyq oqıǵalardy retteı alady.

Saparhan Omarov Qazaqstan EAEO memleketteri arasynda aýyl sharýashylyǵy janýarlaryn birdeılendirýdiń aqparattyq júıesimen ıntegrasııalanǵan, aýyl sharýashylyǵy janýarlaryn esepke alýdyń biryńǵaı júıesi engizilgen alǵashqy el ekenin atap ótti. Búginde onda 35 mln-nan astam mal tirkelgen. Júıeni damytý aıasynda jaqyn arada elektrondyq veterınarııalyq pasporttardy berý qyzmeti engiziletin bolady.

Sonymen qatar, mınıstr AО́K sıfrlandyrý máselesi tolyq sheshildi dep aıtý áli erte ekenin atap ótti. Mınıstrlik jańa mindetter jıyntyǵymen jumys isteýde.

Qazirgi ýaqytta agrarlyq salany sıfrlandyrý deńgeıi anyqtaldy jáne «naqty aýyl sharýashylyǵy» júıesin engizý boıynsha jumys qolǵa alynǵan. Smart-júıelerdi pılottyq rejımde engizý oń áserin kórsetti.

Máselen, naqty eginshilikte jańa tehnologııalardy qoldana otyryp, agronomııada 20%-ǵa deıin kóbirek ónim ala aldy, bul rette fermerdiń shyǵyndary 15%-ǵa deıin qysqardy. Mal sharýashylyǵynda zamanaýı jabdyqtardy qoldaný arqyly sút kólemi 20%-ǵa, tóldeıtin buzaýlardyń sany 25%-ǵa ósti.

S. Omarovtyń aıtýynsha, AО́K prosesterin 5 jyl ishinde tolyq sıfrlandyrý kelesi qosymsha nátıjelerdi beredi:

– 20%-ǵa jalpy alymdy ulǵaıtýǵa;

– eńbek ónimdiligin 50%-ǵa arttyrýǵa.

QR AShM AО́K sıfrlandyrý – táýekelder men óndiristik shyǵyndardy azaıtýǵa, aýa raıynyń ózgerýine beıimdelýge, aýyl sharýashylyǵy daqyldarynyń jáne janýarlardyń ónimdiligin arttyrýǵa, agrotehnologııalardy ýaqytyly josparlaýǵa múmkindik beredi deıdi. Saıyp kelgende, jańa tehnologııalardy engizý otandyq aýyl sharýashylyǵy ónimderiniń sapasy men básekege qabilettiligin arttyrady.

Sondaı-aq, Aýyl sharýashylyǵy mınıstri jer qatynastaryn sıfrlandyrý jumystaryna da toqtalyp ótti. Mınıstr jer qatynastaryn basqarýdyń bazalyq quraly jer ýchaskeleri boıynsha, onyń ishinde topyraq, geobotanıkalyq jáne aýyl sharýashylyǵy kartalary boıynsha 6,5 mln málimetti saqtaıtyn memlekettik jer kadastrynyń avtomattandyrylǵan aqparattyq júıesi bolyp tabylatynyn eske saldy. Osy júıe arqyly qazaqstandyqtarǵa jer qatynastary salasyndaǵy elektrondyq memlekettik qyzmetterdiń 15 túriniń 12-si kórsetiledi.

2021-2022 jyldary topyraq jáne geobotanıkalyq kartalar boıynsha qamtý 40 mln gektarǵa deıin jáne aýyl sharýashylyǵy kartalary boıynsha 33,2 mln gektarǵa deıin ulǵaıtylatyn bolady. QR AО́K damytýdyń 2022-2026 jyldarǵa arnalǵan memlekettik baǵdarlamasy aıasynda barlyǵyn kólemdi sıfrlyq aýyl sharýashylyǵy kartalarymen qamtý josparlanýda.

Qazir mınıstrlik Memleket basshysynyń tapsyrmasyna sáıkes aýyl sharýashylyǵy jerlerin berý tártibin retke keltirý boıynsha jumys atqarýda. 2021 jyldyń birinshi toqsanynyń sońyna deıin vedomstvo kezekke qoıý prosesin avtomattandyrýdy aıaqtaýdy josparlap otyr.

Prezıdenttiń jerdi aýyl sharýashylyǵy aınalymyna tartý jónindegi tapsyrmasyn oryndaý aıasynda kosmomonıtorıng arqyly pılottyq joba júzege asyrylýda. Birinshi kezeńniń nátıjesi boıynsha Aqmola, Shyǵys Qazaqstan, Qostanaı jáne Mańǵystaý oblystarynda paıdalanylmaıtyn 8,3 mln ga jaıylymdyq jer anyqtaldy. 2,6 mln ga jaıylym erikti túrde memleket menshigine qaıtaryldy, 5,7 mln ga jerdiń ıelerine habarlama jiberildi.

Sondaı-aq, Prezıdenttiń tapsyrmasyna oraı QR AShM jer qatynastary salasynda sıfrlandyrý jáne damytý máseleleri boıynsha zań jobalaryn ázirleý jumystaryn júrgizýde. Atalmysh zań normalary jer berýdiń qazirgi tártibine tujyrymdamalyq negizde ózgerister engizýdi kózdeıdi.

Sońǵy jańalyqtar

Koronavırýs gúl arqyly juǵa ma?

Koronavırýs • Búgin, 17:08

Almatyda páter urylary ustaldy

Aımaqtar • Búgin, 16:37

Uqsas jańalyqtar