Aımaqtar • 02 Jeltoqsan, 2020

Qaraǵandynyń basketbolshy qyzdary el chempıonatynda jeńimpaz atandy

126 ret kórsetildi

Túrkistan qalasynda basketboldan 2003-2004 jyldary týǵan qyzdar arasynda ótken Qazaqstan chempıonatynda Qaraǵandy oblysynyń qurama komandasy tabysty óner kórsetip, altyn júlde ıegeri atandy, dep habarlaıdy Egemen.kz.

Chempıon komandanyń bas bapkeri Vıktor Jevagın pandemııa saldarynan bolǵan úzilistiń sportshylardyń daıyndyǵyna ózindik áserin tıgizbeı qoımaǵanyn atap ótti.

Degenmen qyzdarymyz jıylyp qalǵan kúsh-qýatty Túrkistanda ótken chempıonat barysynda jarqyrata kórsetti. Myqty degen qarsylastarynyń bárin tize búktirdi. Komanda jas, bolashaǵy alda. Onyń quramynda Qaraǵandynyń ǵana emes, Jezqazǵan, Abaı jáne Saran qalalarynyń talantty basketbolshy qyzdary óner kórsetti deıdi ol.

Chempıonat qorytyndysynda Qaraǵandy oblysy quramasynyń Mádına Rahymberdıeva, Asyljan Maılybaeva syndy oıynshylary týrnırdiń úzdik basketbolshylary atandy. Al komandanyń alty birdeı múshesi «Sport sheberi» normatıvin oryndaýǵa bir qadam jaqyndady.

Aaa

Aıta ketý kerek, Qaraǵandyda kásipqoı basketbol klýby bıylǵy jyldyń naýryz aıynda qurylǵan bolatyn. Oblystyń eresek qyzdar komandasy Qazaqstannyń joǵary lıgasynda birinshi týr oıyndaryn ótkizdi. Budan bólek olar Qazaqstan Respýblıkasynyń federasııa kýbogy synyna qatysyp, júldeli ekinshi oryn aldy. Al erler qurama komandasy el birinshiliginiń týrnır kestesinde úshinshi satyda tur.

Qaraǵandy oblystyq dene shynyqtyrý jáne sport basqarmasynyń basshysy Temirhan Abylaev kásipqoı klýbtyń qurylýy jergilikti talantty jas sportshylardyń basqa aımaqtarǵa aýysyp ketpeýineıgi áserin tıgizgenin aıtady.

– Buǵan deıin ózge óńirlerge ketip qalǵansportshylarymyz sol jerde jetekshi oıynshylarǵa aınalyp otyrdy. Al klýb qurylǵannan beri jaǵdaı ózgerdi. О́zimiz tárbıelep ósirgen jastarymyz sheber oıyndarymen qýantyp, táýir nátıjelerge qol jetkize bastady. Bul jerde oblys basshylyǵynyń bizdiń bastamalarymyzǵa kórsetip otyrǵan qoldaýyn aıta ketken jón. Sondaı-aq Vıktor Jevagın syndy óz isine shyn berilgen mamandar men jattyqtyrýshylardyń bul istiń nátıjeli bolýyna qosqan úlesteri óte qomaqty boldy, deıdi T.Abylaev.

Oblys sportynyń basshysy jeńimpaz komanda men onyń tálimgerin  arnaıy qabyldap, Qazaqstan chempıonatyndaǵy tolaıym tabyspen quttyqtady.

 

 

Qaraǵandy oblysy

Sońǵy jańalyqtar

Qazaqstanda urlyq sany eki esege azaıdy

Qazaqstan • Búgin, 17:15

Kann festıvali jazǵa shegerildi

О́ner • Búgin, 16:42

Prezıdent Alık Shpekbaevty qabyldady

Prezıdent • Búgin, 16:02

Uqsas jańalyqtar