Prezıdent • 02 Jeltoqsan, 2020

Prezıdent Ujymdyq qaýipsizdik týraly shart uıymy Ujymdyq qaýipsizdik keńesiniń sessııasyna qatysty

24 ret kórsetildi

Qasym-Jomart Toqaev beıne konferensııa formatynda ótken Ujymdyq qaýipsizdik týraly shart uıymy Ujymdyq qaýipsizdik keńesiniń sessııasyna qatysty.

Sammıtke Qazaqstan Prezıdentimen qatar Belarýs Prezıdenti Aleksandr Lýkashenko, Reseı Prezıdenti Vladımır Pýtın, Tájikstan Prezıdenti Emomalı Rahmon, Armenııanyń Premer-Mınıstri Nıkol Pashınıan, Qyrǵyzstan Prezıdentiniń mindetin atqarýshy Talant Mamytov, sondaı-aq, UQShU Bas hatshysy Stanıslav Zas qatysty.

Memleketter basshylary halyqaralyq jáne óńirlik qaýipsizdik máseleleri jóninde pikir almasty. UQShU-nyń 2020 jylǵy basym baǵyttarynyń iske asyrylýy qorytyndylanyp, aldaǵy jospary naqtylandy.

Terrorlyq sıpattaǵy zamanaýı syn-qaterler men tegeýrinderge qarsy is-qımyldar jáne olarmen kúresýge baǵyttalǵan naqty sharalarǵa, esirtkiniń zańsyz aınalymyna, kıber qaýipsizdik salasyndaǵy birlesken kúsh-jigerge erekshe nazar aýdaryldy.

Qasym-Jomart Toqaev Sammıt qatysýshylarynyń aldynda sóılegen sózinde sharany uıymdastyrǵany úshin Reseı Prezıdenti Vladımır Pýtınge rızashylyǵyn bildirip, UQShU-ǵa tóraǵalyq etýdegi Reseı tarapynyń joǵary kásibıligin jáne búgingi sharanyń mańyzdylyǵyn atap ótti.

Sonymen qatar Memleket basshysy Tájikstan Prezıdenti Emomalı Rahmondy 2021 jyly UQShU-ǵa tóraǵalyq etý mindetin qabyldap alýymen quttyqtady.

Qasym-Jomart Toqaev memleketaralyq qarym-qatynastardaǵy múddeler qaıshylyǵynyń shıelenise túsýimen sıpattalatyn óńirlik jáne jahandyq qaýipsizdik salasyndaǵy qazirgi ahýal týraly aıta kele, Taýly Qarabaqtaǵy áskerı qımyldardyń toqtatylýyna sebepshi bolǵan Reseı Prezıdenti Vladımır Pýtınniń bitimgershilik rólin joǵary baǵalady.

– Reseı tarapynyń belsendi qatysýymen qol jetkizilgen kelisim –  daǵdarys kezinde qabyldanǵan jalǵyz ári durys sheshim. Meniń oıymsha, atalǵan kelisim óńirde beıbitshiliktiń uzaq merzimge ornaýyna sebepshi bolmaq. Bul – shyn máninde tarıhı sheshim, – dedi Qazaqstan Prezıdenti.

Memleket basshysynyń pikirinshe, koronavırýs pandemııasynyń saldarynan týyndap, álemdik saıasat pen ekonomıkada jalǵasyp kele jatqan aýyr jaǵdaı ózara salynǵan sanksııalardyń, shekteýler men saýda soǵystarynyń sebebinen ýshyǵa túsýde. Ekstremızm men terrorızm, esirtki bıznesi, kıber qaýipsizdik, zańsyz mıgrasııamen baılanysty jańa jahandyq syn-qaterler men tegeýrinderdiń kúsheıe túsýi alańdaýshylyq týdyrýda. Qasym-Jomart Toqaev atap ótkendeı, mundaı jaǵdaıda beıbitshilikti nyǵaıtý, barlyq aımaqta qaýipsizdik pen turaqtylyqty qamtamasyz etý maqsatyndaǵy memleketaralyq is-qımyldardyń naqty tetigi retinde UQShU-nyń róli artyp keledi.

Qazaqstan Prezıdenti Sammıt qatysýshylaryna elimizde aldaǵy ýaqytta bolatyn parlament saılaýy, sondaı-aq, júzege asyrylyp jatqan birqatar demokratııalyq reformalar jóninde  aıtty. Sonymen qatar saılaý kezinde elimizge UQShU-ǵa múshe memleketterden, sondaı-aq, TMD jáne UQShU Parlamenti assambleıalarynan baqylaýshylar kútetinin jetkizdi.  

Memleket basshysy Uıymdy odan ary damytýǵa, sondaı-aq, jańa ınstıtýt qurýǵa, Bitimgerlik máseleleri boıynsha UQShU Bas hatshysynyń arnaıy ókilin taǵaıyndaýǵa qatysty birqatar usynys aıtty.

Qasym-Jomart Toqaev sózin qorytyndylaı kele, UQShU jumysyna atsalysý – Qazaqstannyń syrtqy saıasatyndaǵy negizgi basymdyqtardyń biri ekenin atap ótti.

– Ujymdyq qaýipsizdik týraly shart uıymy halyqaralyq saıasattaǵy eleýli faktordyń biri ekeni jáne Eýrazııa qurlyǵynyń basym bóliginde qaýipsizdikti qamtamasyz etýde oń ról atqaratyny qýantady. Biz burynǵydaı beıbitshilikti, qaýipsizdikti qamtamasyz etý jáne halyqtarymyzdyń ósip-órkendeýi úshin tıimdi sheshimderdi izdestirý jolynda áriptesterimizben odan ári belsendi túrde ózara kúsh jumyldyrýǵa daıynbyz, – dedi Qazaqstan Prezıdenti.

Sammıt qorytyndysy boıynsha memleketter basshylary Ujymdyq qaýipsizdik keńesiniń deklarasııasyn jáne ádil ári ornyqty álem qurý jóninde Saıası málimdeme qabyldady. 

Sessııa barysynda qabyldanǵan qujattar UQShU qyzmetiniń ózekti salalaryn odan ári nyǵaıtýǵa baǵyttalady, sondaı-aq, Uıymnyń ashyqtyǵyn, basqa memlekettermen jáne halyqaralyq qurylymdarmen yntymaqtastyqty nyǵaıtýǵa ázir ekenin kórsetedi.

Uıymǵa tóraǵalyq etý mindeti Reseıden Tájikstanǵa ótti. UQShU Ujymdyq qaýipsizdik keńesiniń kelesi sessııasy 2021 jyly Tájikstannyń aýmaǵynda bolady.

 

***

 

UQShU Ujymdyq qaýipsizdik keńesi sessııasynyń qorytyndysy boıynsha 15 qujat maquldanyp, qabyldandy:

 

1. Ujymdyq qaýipsizdik týraly shart uıymy Ujymdyq qaýipsizdik keńesiniń deklarasııasy.

2. Ujymdyq qaýipsizdik týraly shart uıymy Ujymdyq qaýipsizdik keńesiniń ádiletti jáne ornyqty álemdik ahýal qalyptastyrý týraly málimdemesi.

3. Ujymdyq qaýipsizdik týraly shart uıymy Ujymdyq qaýipsizdik keńesiniń «Ujymdyq qaýipsizdik týraly shart uıymyna múshe memleketterdiń 2021-2025 jyldarǵa arnalǵan áskerı yntymaqtastyqty damytý jospary týraly» sheshimi.

4. Ujymdyq qaýipsizdik týraly shart uıymy Ujymdyq qaýipsizdik keńesiniń «Ujymdyq qaýipsizdik týraly shart uıymyna múshe memleketterdiń 2021-2025 jyldarǵa arnalǵan esirtkige qarsy strategııasy týraly» sheshimi.

5. Ujymdyq qaýipsizdik týraly shart uıymy Ujymdyq qaýipsizdik keńesiniń «Ujymdyq qaýipsizdik týraly shart uıymy aıasynda áskerı maqsatta birlese ázirlenetin jáne óndiriletin ónimderdiń ómir boıy sapasyn qamtamasyz etýdiń jáne oǵan baqylaý jasaýdyń keshendi ári júıeli tujyrymdamasy týraly» sheshimi.

6. Ujymdyq qaýipsizdik týraly shart uıymy Ujymdyq qaýipsizdik keńesiniń «Ujymdyq qaýipsizdik týraly shart uıymyna múshe memleketterdiń memlekettik bılik organdaryna kadrlar daıarlaý júıesin jetildirý jónindegi qosymsha sharalar týraly» sheshimi.

7. Ujymdyq qaýipsizdik týraly shart uıymy Ujymdyq qaýipsizdik keńesiniń «Ujymdyq qaýipsizdik týraly shart uıymynyń Bitimgerlik kúshterindegi qyzmetshilerdi daıyndaý jónindegi bazalyq oqý-ádistemelik jumystaryn uıymdastyrý týraly» sheshimi.

8. Ujymdyq qaýipsizdik týraly shart uıymy Ujymdyq qaýipsizdik keńesiniń «Ujymdyq qaýipsizdik týraly shart uıymyna múshe memleketterdiń bitimgerlik kontıngentiniń quramy men ornalasýy jónindegi Hattamasy týraly» sheshimi.

9. Ujymdyq qaýipsizdik týraly shart uıymy Ujymdyq qaýipsizdik keńesiniń «Ujymdyq qaýipsizdik týraly shart uıymynyń Hatshylyǵyndaǵy kvotalyq laýazymdardy bólý týraly» sheshimi.

10. Ujymdyq qaýipsizdik týraly shart uıymy Ujymdyq qaýipsizdik keńesiniń «Ujymdyq qaýipsizdik týraly shart uıymynyń 2019 jylǵa arnalǵan bıýdjetiniń jumsalýy jónindegi esebi  týraly» sheshimi.

11. Ujymdyq qaýipsizdik týraly shart uıymy Ujymdyq qaýipsizdik keńesiniń «Ujymdyq qaýipsizdik týraly shart uıymynyń 2021 jylǵa arnalǵan bıýdjeti týraly» sheshimi.

12. Ujymdyq qaýipsizdik týraly shart uıymy Ujymdyq qaýipsizdik keńesiniń «Ujymdyq qaýipsizdik týraly shart uıymynyń nagradalarymen marapattaý týraly» sheshimi.

13. Ujymdyq qaýipsizdik týraly shart uıymy Ujymdyq qaýipsizdik keńesiniń «Uıymǵa tóraǵalyq etý, Ujymdyq qaýipsizdik qeńesiniń kezekti sessııasynyń ótkizilý ýaqyty men orny týraly» hattamalyq sheshimi.

14.  Ujymdyq qaýipsizdik týraly shart uıymynyń Áskerin (Ujymdyq kúshterin) materıaldyq-tehnıkalyq jáne medısınalyq turǵydan birlesip qamtamasyz etý týraly kelisim. (Qujat UQShU organdary qarap, kelisim bergen soń, sondaı-aq, halyqaralyq sharttarǵa qol qoıý úshin qajetti memlekettik ishki rásimderden keıin UQShU Ujymdyq qaýipsizdik keńesiniń múshelerine qol qoıýǵa jiberiledi).

15. Ujymdyq qaýipsizdik týraly shart uıymynyń 2007 jylǵy 6 qazandaǵy Bitimgerlik is-qımyldar týraly kelisimine ózgerister engizý týraly hattama. (Qujat halyqaralyq sharttarǵa qol qoıý úshin qajetti memlekettik ishki rásimder aıaqtalǵannan keıin UQShU Ujymdyq qaýipsizdik keńesiniń múshelerine qol qoıýǵa jiberiledi).

Sońǵy jańalyqtar

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Uqsas jańalyqtar