Álem • 07 Jeltoqsan, 2020

Fransııada beıbit sherý qaqtyǵysqa ulasty

60 ret kórsetildi

Fransııanyń astanasy Parıjde qaýip­sizdik týraly zań jobasyna qarsy demonstrasııalar kezinde ondaǵan narazylyq bildirýshi polısııa­men qaqtyǵysyp qaldy.

Polısııa narazylyq bildirýshiler dúken sórelerin qıratyp, birneshe kólikti ór­tegennen keıin kózden jas shyǵaratyn gaz qoldanǵan. Senbide búkil el boıynsha 100-ge jýyq mıtıngi josparlanǵan bolatyn. Turǵyndar polısııa qyzmetkerlerin sýretke túsirýge tyıym salatyn zań jobasyna narazylyq tanytyp otyr. Qarsylastar bul zań baspasózdiń polısııa qatygezdigin dáıekteýde bostandyǵyn shekteıdi deıdi. Bul másele úsh polıseıdiń qara násildi mýzykalyq prodıýserdi uryp jatqan sý­retteri taraǵannan keıin ýshyǵa tústi. Te­ketires birneshe aptada jalpyhalyqtyq sı­pat alyp, demonstrasııalar Fransııanyń Bordo, Lıll, Monpele, Nanta jáne basqa qa­lalarynda da ótti. Alaıda úkimet bul zań jobasy ofıserlerdi ınternettegi qysymnan qorǵaýǵa kómektesedi deıdi.

Senbi kúni myńdaǵan adam men «sary jeıdeler» qozǵalysy qatysqan Parıjdegi beıbit sherýlerdiń biri qaqtyǵysqa ulasqan. Narazylyq bildirýshilerdiń qatarynda qara kıim kıip, betin tumshalaǵan bir top polısııaǵa jarylatyn qurylǵylar laqtyra bastaǵan. Parıj polısııasy narazylyqqa shyqqandar qatarynda 500-ge jýyq búlikshi bolǵanyn aıtqan. Ishki ister mınıstri Djerald Darmanın bul oqıǵaǵa baılanysty 22 adam ustalǵanyn habarlady.

 

 

Sońǵy jańalyqtar

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar