Bilim • 15 Jeltoqsan, 2020

Shymkentte 1200 orynǵa arnalǵan mektep paıdalanýǵa berildi

11 ret kórsetildi

Táýelsizdik merekesine oraı Shymkent qalasynda taǵy bir bilim ordasy paıdalanýǵa berildi. Asar-2 shaǵyn aýdanynda 1200 orynǵa arnalǵan jańa mektep onlaın formatta ashyldy, dep habarlaıdy Egemen.kz.

Jer teliminiń jalpy aýdany – 2,88 ga. Jobanyń smetalyq quny – 2 008 314,0 myń teńge.

Bas merdiger «MK tehnostroı servıs» JShS qurylysty ótken jyly shilde aıynda bastaǵan edi. Qurylys kompanııasy nysandy josparǵa saı aıaqtady. 

Qazir qalada 752 bilim berý mekemelerinde 338 myńnan astam balalar tárbıelenip, bilim alýda. Salaǵa bólingen qarjy kólemi 2016 jyly 41 mıllıardtan 2,8 esege artyp, búginde 114 mıllıardqa jetti. Pedagogtardyń ortasha aılyq jalaqysy keıingi 5 jylda 3 ese ósti.

Táýelsizdiktiń alǵashqy jyldary qaladaǵy balabaqshalar sany nebári 56-ny qurasa, qazirgi tańda demografııalyq jáne mıgrasııalyq ósimge sáıkes bul kórsetkish 470-ke artqan. 

Sonymen qatar 29 jylda 98 mektep salyndy. Úkimettiń «100 mektep, 100 aýrýhana» baǵdarlamasy jáne arnaıy túzilgen «Jol kartasy» aıasynda zamanaýı úlgidegi bilim oshaqtary boı kóterip, úsh aýysymda, apatty jaǵdaıda jáne yńǵaılastyrylǵan ǵımaratta ornalasqan 58 mektep tıptik úlgidegi ǵımarattarǵa kóshirildi.

Osy ýaqytqa deıin ózekti másele bolyp kelgen 36 mektepke ishki ájethanalar ornatý, bilim uıymdarynyń aýlasyn jaryqtandyrý jumystary tolyǵymen sheshimin tapty.

«Sıfrlyq Qazaqstan» memlekettik baǵdarlamasy aıasynda bilim salasynda kórsetiletin 32 memlekettik qyzmet 100 paıyz sıfrlandyrý júıesine ótti.

 

Sońǵy jańalyqtar

Alvaresti Andrademen kezdespegeni úshin aıyptady

Kásipqoı boks • Búgin, 18:05

Sıngapýrdyń sońǵy aýyly

Álem • Búgin, 17:55

Ahmet Baıtursynulyna eskertkish ornatylady

Rýhanııat • Búgin, 17:20

Petr Iаn úzdikter qataryna endi

Jekpe-jek • Búgin, 16:05

Uqsas jańalyqtar