Eski qorymnan kitaptar tabyldy

2019 jyly jazda Qaramola atan­ǵan eski qorym janynda qoı baǵyp júr­gen Qasym qabirdiń janynda jarty­laı ashylyp qalǵan kitaptardy kór­gen. Bul jóninde aýyldyń úlken kisi­lerine baryp aıtqanymen, olar bas­tapqyda kitaptardy qazyp alýǵa jú­reksinip, aqtóbelik jýrnalıst Serik Ábjá­mıulyna habarlasady. Sodan olar paraq­tary úgitilgen arab ti­lin­degi eski kitap­tardy qazyp alyp, ob­lys­tyq ta­rıhı-ól­ketaný mýzeıine ákelip tap­syrǵan.

«Nur Ǵasyr» meshitiniń bas ımamy Tólebı Ospannyń aıtýyna qaraǵanda, bular – Islam sharıǵaty týraly kitap­tar jıyntyǵy. 1930 jyldary din adamdaryn qýdalaý kezinde Tasótkel aýylynyń turǵyndary qorymǵa apa­­ryp jasyrǵan bolýy ábden múm­kin. Oblystyq tarıhı-ólketaný mýzeıi ǵylymı-zertteý bóliminiń meń­gerýshisi Lázzat Nurkeeva HIH ǵa­syrdyń sońy men HH ǵasyrdyń ba­synda shyqqan kitaptar ekendigin aıtty. Qazan qalasynda basylǵan dinı kitaptar tóńkeriske deıin Qarabutaq óńirindegi meshit ustaǵan ımamdar men medrese oqytýshylarynyń qolyndaǵy qundy dúnıe bolǵany aqıqat.

Qorymnan tabylǵan eski kitaptar qaıta qalpyna keltirilip, mamandar baspasy men avtorlary, shyqqan jyldaryn anyqtaǵan soń oblystyq tarıhı-ólketaný mýzeıiniń ekspozısııasyna qoıylady.

AQTО́BE