Qoǵam • 08 Qańtar, 2021

JRVI jáne tumaý belileri bar almatylyqtar qalaı daýys beredi?

12 ret kórsetildi

Bıylǵy 10 qańtarda QR Parlamenti Májilisi men qalalyq máslıhattar depýtattarynyń saılaýy ótetini barshaǵa aıan. Koronavırýs pandemııasyna baılanysty, sondaı-aq Almatynyń «sary aımaqta» turǵanyn eskere otyryp, megapolıste qala turǵyndary men qonaqtarynyń densaýlyǵyn qamtamasyz etý, sondaı-aq juqtyrýdyń aldyn alý úshin barlyq sharalar qabyldandy, dep habarlaıdy Egemen.kz

Barlyq ýchaskelerde saılaýda daýys berýdi uıymdastyrý jáne ótkizý kezinde COVID-19 koronavırýstyq ınfeksııasynyń taralýynyń aldyn alý algorıtmi pysyqtaldy. Algorıtm saılaý prosesine qatysýshylardyń karantındik sharalardy saqtaý erejelerin jáne saılaý ýchaskelerine (daýys berý pýnktterine) qoıylatyn talaptardy retteıdi.

Saılaý ýchaskeleri boıynsha negizgi sanıtarlyq-epıdemıologııalyq talaptar:
1. áleýmettik qashyqtyqty saqtaý úshin daýys berý bólmesi jetkilikti mólsherde keń bolýy tıis;
2. ǵımaratqa kire beriste jáne saılaý ýchaskesiniń úı-jaıynda KVI-diń aldyn alý boıynsha aqparat ornalastyrylady;
3. saılaý ýchaskesiniń aýmaǵynda jáne daýys berýge arnalǵan úı-jaıda saılaýshylar leginiń baǵytyn kórsetetin belgiler ornalastyrý, 1,5-2 metr qashyqtyqty belgileý;
4. daýys berýge arnalǵan úı-jaıda qoldy dezınfeksııalaýǵa arnalǵan antıseptıkalyq quraly bar sanıtaızerlerdi ornatý;
5. qajettiligine qaraı daýys berýge arnalǵan kabınalarǵa sanıtarlyq óńdeý júrgizý;
6. dezınfeksııalaý quraldaryn paıdalana otyryp, ǵımaratqa únemi ylǵaldy tazalyq júrgizý. Bul rette esik tutqalaryn, taıanyshtardy, daýys berýge arnalǵan kabınalardy, ústelder men oryndyqtardyń betterin, keńse tehnıkasyn, daýys berýge arnalǵan stasıonarlyq jáne tasymaldanatyn jáshikterdi dezınfeksııalaýǵa erekshe nazar aýdarý qajet;
7. daýys berýge arnalǵan ǵımarattyń kireberisinde jáne odan shyǵatyn jerde paıdalanylǵan jeke qorǵanysh quraldaryn jınaý jáne olardy odan ári kádege jaratý úshin konteınerler ornatý.

Epıdemıologtardyń aıtýynsha, aldyn-alý máselesindegi mańyzdy másele daýys berý aldynda jáne kúni boıy bólmeni jeldetý bolmaq. О́z kezeginde, QR Bas memlekettik sanıtar dárigeriniń №69 Qaýlysyna sáıkes, jasyryn daýys berý úshin aldyńǵy perdesi joq kabınalardy paıdalaný qarastyrylǵan. Bul talap saılaý ótkizý jónindegi zańnamaǵa qaıshy kelmeıdi jáne 2020 jyldyń tamyzynda QR Parlamenti Senatynyń depýtattaryn saılaý kezinde de qoldanyldy. Bul shara aýanyń tabıǵı aınalymyna yqpal etedi jáne ınfeksııanyń taralýyn boldyrmaý úshin qosymsha jeldetýdi qamtamasyz etedi.

«Saılaý prosesine qatysýshylardyń densaýlyǵy men ómiriniń qaýipsizdigin qamtamasyz etý mańyzdy aspektilerdiń biri bolyp tabylady. Almaty qalasynyń turǵyndary men qonaqtaryn shekteý sharalaryna túsinistikpen qaraýǵa jáne ózderi men jaqyndary úshin sanıtarlyq normalardy saqtaýǵa shaqyramyz. Sondaı - aq, saıası partııalardyń ókilderine barlyq talaptardy qatań jáne buljytpaı oryndaýǵa jáne olardyń saqtalýyna jaýapty tulǵalardy taǵaıyndaýǵa shaqyramyz», dedi Almaty qalasy sanıtarlyq-epıdemıologııalyq baqylaý Departamenti basshysynyń orynbasary Ásel Qalyqova.

Aýmaqtyq saılaý komıssııasynyń aqparatyna sáıkes, saılaý komıssııalarynyń barlyq músheleri daýys berýge arnalǵan ǵımarattan tys jerde azamattardyń daýys berýin uıymdastyrýǵa arnalǵan betperdelermen, qorǵanysh ekrandarymen, qolǵaptarmen, sanıtaızerlermen, qorǵanysh halattarymen qamtamasyz etilgen.

Koronavırýstyq ınfeksııanyń taralýyna jol bermeý maqsatynda saılaý komıssııalarynyń barlyq músheleri, senim bildirilgen adamdar, baıqaýshylar PTR ádisimen COVID-19-ǵa zerthanalyq tekserýden ótedi. Sonymen qatar, tıisti ruqsaty joq zerthanalarda júrgizilgen test nátıjelerin usyný jaǵdaılary jıilep ketti. Osyǵan baılanysty, Almaty qalasynyń sanıtarlyq-epıdemıologııalyq baqylaý Departamenti qalada COVID-19 – ǵa PTR zertteýler júrgizýge ruqsaty bar, jalpy qýattylyǵy táýligine 14 350 zertteýdi quraıtyn 20 zerthana jumys isteıtinin eske salady (9 zerthanadaǵy PTR testiniń quny 8 myń teńge kóleminde, 6 zerthanada -9 myń teńge jáne t.b.). Tizim https://www.gov.kz/memleket/entities/departament-kkbtu almaty/press/news/details/108206?lang=ru. resmı saıtynda qol jetimdi.

1. «Ulttyq sanıtarlyq-epıdemııalyq saraptama ortalyǵy» RMK-nyń Almaty qalasy boıynsha ShJQ fılıaly, Medeý aýdany, Jibek Joly kóshesi,3;
2. «Ulttyq sanıtarlyq-epıdemıologııalyq saraptama jáne monıtorıng ortalyǵy» RMK-nyń ShJQ fılıaly, Bostandyq aýdany, Áýezov kóshesi, 84;
3. «KDL OLIMP» JShS, Almaly aýdany,.Tóle bı, kóshesi 83;
4. «Medical Partners Korea Qazagstan» JShS, Medeý aýdany, ál-Farabı dańǵyly, «Nurlytaý» BO;
5. «Innosol» JShS, Almaly aýdany Kazybek bı,96;
6. Alataý aýdanyndaǵy Terekti yqsh. PTR bólimshesi, Tashkent trakti, 541;
7. «Gamma-lab» JShS, Bostandyq aýdany Hodjanov kóshesi, 55A;
8. «Akvalab» JShS, Jetisý aýdany,Seıfýllın kóshesi, 287;
9. «Prıvat klınık» JShS, Bostandyq aýdany Mıras yqsh, 45;
10. «Molekýlıarly medısına ortalyǵy» JShS, Almaly aýdany Áıtıev kóshesi, 130;
11. «El lab» JShS, Naýryzbaı aýdany Qarǵaly yqsh. Kenesary han kóshesi, 61;
12. «Alataý klınık» JShS, Alataý aýdany Taldy Aral kóshesi, 2;
13. «Immýnotest» JShS, Bostandyq aýdany Ǵabdýllın kóshesi, 24;
14. «Ulttyq bıotehnologııa ortalyǵy» JShS, Túrksib aýdany Qapal kóshesi, 14;
15. «A Class Medical» JShS, Bostandyq aýdany О́ztúrik kóshesi 7A;
16. «Invıtro» JShS, Medeý aýdany;
17. I. Jekenova atyndaǵy qalalyq klınıkalyq juqpaly aýrýlar aýrýhanasy, Bostandyq aýdany, Baızaqov kóshesi, 295;
18. M.Aıqymbaev atyndaǵy atyndaǵy asa qaýipti ınfeksııalar ulttyq ǵylymı ortalyǵy, Túrksib aýdany, Qapal kóshesi 14;
19. «Nýrlab» JShS, Jetisý aýdany, Bespaqov kóshesi,60B.
20. «KasMed» JShS, Bostandyq aýdany, Baıkadamov kóshesi, 5.
Sonymen qatar, qala aýmaǵynda «Grin Lab» JShS jáne «MK Suńqar» JShS eki zerthanasy jumys isteıdi, olar tıisti ruqsatsyz halyqty COVID-19-ǵa testileýden ótkizedi, olardyń nátıjeleri zańsyz bolyp sanalady.

Árbir zerthana ıntegrasııa arqyly aqparattyq júıege testileýden ótken barlyq adamdar úshin mártebe beretindigin atap ótken jón, eger test oń nátıje kórsetse, ol jeke derekter bazasynda tirkeledi. Kórsetilgen júıede JSN boıynsha tekserýge Almaty qalasynyń memlekettik sanıtarlyq epıdemıologııalyq baqylaý organy qol jetkize alady, olar PTR-testilerdiń usynylǵan nátıjeleriniń durystyǵyn teksere alady.

KVI jáne JRVI belgileri bar tulǵalardyń daýys berý algorıtmi

Daýys berýge arnalǵan 507 ýchaskede barlyǵy 2 535 medısına qyzmetkeri jumyldyrylady: 1 014 dáriger, 1 521 medbıke. Sonymen qatar, Jedel járdem brıgadalary belgili bir saılaý ýchaskeleriniń janynda kezekshilik etedi. Sondaı-aq, qosymsha ekıpajdar, qajet bolǵan jaǵdaıda, kelip túsken shaqyrýlar boıynsha keledi.

Daýys beretin kúni árbir saılaý ýchaskesinde medısına qyzmetkerleri kezekshilik etedi, atap aıtqanda:
- kire beriste saılaýshylardyń dene temperatýrasyn anyqtaý úshin teplovızory bar medbıkeler turady;
- árbir saılaý ýchaskesinde qajet bolǵan jaǵdaıda medısınalyq kómek kórsetý úshin medısına qyzmetkerleri bolady;
- barlyq medısına qyzmetkerleri jeke qorǵanysh quraldarymen qamtamasyz etiledi.

Eger daýys berýshiniń dene qyzýy kóterilgen jaǵdaıda, ol «Qazaqstan Respýblıkasyndaǵy saılaý týraly» Zańnyń 41-babynyń 6-tarmaǵyna sáıkes saılaý ýchaskesinde osyndaı jaǵdaılar úshin kózdelgen bólek jabyq úı-jaıda daýys bere alady.

«JRVI nemese koronavırýstyq ınfeksııa belgileri dıagnozy qoıylǵan saılaýshylar jedel járdem kóligimen ári qaraı dıagnostıkalaý úshin stasıonarlardyń ızolıatorlaryna jetkiziledi», dedi Almaty qalasy Qoǵamdyq densaýlyq saqtaý basqarmasy basshysynyń orynbasary Janar Mádeeva.

Bul rette olar osy medısınalyq mekemelerde arnaıy jabdyqtalǵan, jabyq ýchaskelerde ózderiniń saılaý quqyǵyn iske asyra alady. Stasıonarlar janyndaǵy jabyq ýchaskelerde stasıonarlyq medısınalyq uıymdardyń, onyń ishinde COVID-baǵyttaǵy qyzmetkerleri men pasıentteri de daýys bere alady.

«JRVI nemese koronavırýstyq ınfeksııa belgileri dıagnozy qoıylǵan saılaýshylar jedel járdem kóligimen ári qaraı dıagnostıkalaý úshin stasıonarlardyń ızolıatorlaryna jetkiziledi», dedi Almaty qalasy Qoǵamdyq densaýlyq saqtaý basqarmasy basshysynyń orynbasary Janar Mádeeva.

Osyǵan oraı olar osy medısınalyq mekemelerde arnaıy jabdyqtalǵan, jabyq ýchaskelerde ózderiniń saılaý quqyǵyn iske asyra alady. Stasıonarlar janyndaǵy jabyq ýchaskelerde stasıonarlyq medısınalyq uıymdardyń, onyń ishinde COVID-baǵyttaǵy qyzmetkerleri men pasıentteri de daýys bere alady.

Zerthanalyq tekserýdiń oń nátıjesi bar adamdar jáne qolynda PTR zertteýi joq adamdar saılaý ýchaskesine jiberilmeıdi. Zań boıynsha, eger saılaýshylar densaýlyq jaǵdaıyna, otbasynyń syrqat múshesine kútim jasaý sebebine, sondaı-aq shalǵaıdaǵy jáne qatynaýy qıyn aýdandarda bolýyna baılanysty daýys berý úshin kele almasa, olar ýchaskelik saılaý komıssııasyna daýys berý kúnine 12 saǵattan keshiktirmeı jazbasha ótinish jasaýǵa tıis.

Almaty qalasynda 581 saılaý ýchaskesi, onyń ishinde 74 - azamattar ýaqytsha bolatyn jerlerde. Barlyq saılaý ýchaskeleriniń daýys berýge arnalǵan úı-jaılary «Qazaqstan Respýblıkasyndaǵy saılaý týraly» Konstıtýsııalyq zańnyń jáne jaraqtandyrý jónindegi Ortalyq saılaý komıssııasynyń nusqaýlyǵynyń talaptaryna sáıkes keledi.

Sońǵy jańalyqtar

Uqsas jańalyqtar