Saıasat • 11 Qańtar, 2021

Exit poll: Nur Otan jeńiske jetti

42 ret kórsetildi

Búgin túngi saǵat 00.00-de jarııalanǵan Exit poll nátıjesi boıynsha Qazaqstandaǵy Parlament Májilisi depýtattarynyń saılaýynda Nur Otan partııasy jeńiske jetti. Saıası uıym saılaýshylardyń 71,97 paıyzyna ıe bolǵan.

10 qańtar kúni saılaý ýchaskelerinen shyǵa beriste azamattarǵa saýaldama – Exit poll júrgizgen «Qoǵamdyq pikir» ǵylymı-zertteý ınstıtýtynyń dırektory Aınur Májıtovanyń habarlaýynsha, Nur Otan-nan keıingi oryn «Aq jol» demokratııalyq partııasyna buıyrǵan. Atalǵan partııa­ǵa saılaýshylardyń 10,18 paıyzy daýys bergen. Úshinshi orynǵa saılaýshylardyń 9,03 paıyz daýysyna ıe bolǵan «Qazaqstan Halyq partııasy» jaıǵasty. Sonymen qatar saılaýshylardyń 5,75 paıyzy «Aýyl» halyqtyq-demokratııalyq patrıottyq partııasyn, al 3,07 paıyzy ADAL partııasyn tańdaǵan.  

– Instıtýttyń ıntervıýer­leri 600 saılaý ýchaskesinde saýalnama ótkizdi. Onyń 316-sy – qalada, 284-i aýylda ornalasqan. Saýaldama Nur-Sultan, Almaty, Shymkent qalalaryn, barlyq oblys ortalyqtaryn, aýdan­dyq mańyzy bar qalalardy, shaǵyn qalalar jáne aýyl­dyq eldi mekenderdi qamtydy. Kúni boıy saýaldamanyń tórt tolqyny ótkizildi. Nátıjesinde, 24 myń saılaý­shy qamtyldy. Saýaldamanyń 2 pa­ıyzynan qatelik ketti. Jalpy, bul jumysqa 600-den astam ıntervıýer atsalysty, – dep habarlady Aınur Májıtova Ortalyq kommýnıkasııalar qyzmetinde ótken brıfıngte.

Onyń aıtýynsha, Exit poll zakon.kz aqparattyq portalynyń tapsyrysy boıynsha júrgizilgen. Qazaqstan Res­pýblıkasynyń «Saılaý týraly» Zańynyń 28-babyna sáıkes «Qoǵamdyq pikir» ınstıtýty saılaýaldy áleýmet­tik saýaldama jáne Exit poll-dy júrgizý nıeti týraly Ortalyq saılaý komıssııa­syn habardar etken.

– Saılaýshylarǵa saýaldama Exit poll-dyń halyqaralyq ádistemesi boıynsha júrgizildi. Respondent­terge «Qazaqstan Respýblıkasynyń Parlamenttik saılaýynda qaı partııaǵa daýys berdińiz?» degen bir ǵana suraq  qoıyldy, – dep naqtylady Aınur Májıtova.

 

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Uqsas jańalyqtar