Saıasat • 12 Qańtar, 2021

Jasóspirimderge quqyqtyq tárbıe berý mańyzdy

276 ret kórsetildi

Kámeletke tolmaǵandar arasyndaǵy qylmys – kez kelgen halyqty alańdatatyn másele. Onyń sebebi búgingi jasóspirimder eldiń, ulttyń erteńgi bolashaǵy ekendiginde. Mine, osy salada uzaq jyl qyzmet etken Shymkent qalalyq Polısııa departamenti tergeý basqarmasynyń bastyǵy Dáýletkeldi Ábdiramanovtyń etken eńbegi kópke úlgi. О́mirin el tynyshtyǵyna arnaǵan azamattyń aıtýynsha, 2020 jyldyń 10 aıynda departament tarapynan kámeletke tolmaǵandar arasyndaǵy qylmys pen quqyq buzýshylyqtyń aldyn alý maqsatynda birqatar is-shara qabyldanǵan.

«Qylmystyń aldyn alýda áýeli jalpy tárbıe, onyń ishinde quqyq­tyq tárbıe negizgi qural bolyp esep­te­ledi. Sondyqtan da jastarǵa óz dáre­jesinde jetkilikti quqyqtyq tár­bıe be­rýdi durys jolǵa qoıý úlken ju­mys. О́ıtkeni, quqyqtyq tárbıe jas­tar men jasóspirimderdiń boıynda quqyqtyq talaptar qurmetteý sezimin qalyptastyryp, azamattardyń sanasyna quqyq pen mindettiń birligin se­zindiredi. Olardyń ózderin durys us­tap, ásirese kámeletke jasy tolma­ǵan­­d­­ar arasyndaǵy qylmystyq áre­ket­teriniń aldyn alýǵa múmkindik týǵy­za­dy», deıdi D.Ábdiramanov

Kámeletke tolmaǵandar arasyn­da­ǵy quqyq buzýshylyqtardyń al­dyn alý jáne qaýipsizdikterin qamtamasyz etý boıynsha 2020 jyly «Jasóspirim» is-sharasynyń 2-kezeńi, «Túngi qaladaǵy balalar» jáne «Qaýipsiz mektep» jedel-pro­fı­lak­tıkalyq is-sharalary ótkizi­lip­ti. Sonymen qatar múddeli organ ókil­de­riniń qatysýymen túngi is-sha­ralar uıymdastyrylyp keledi eken.

Qabyldanǵan is-sharalar nátıje­sin­de, ótken jyldyń 10 aıy kóle­min­de túngi saǵat 22:00-den keıin oıyn-saýyq oryndarynda bolǵan 58 jasóspirim, al túngi saǵat 23:00-den keıin zańdy ókilinsiz turǵyn úıden tys jerlerde bolǵan 2 myń 832 jas­ós­pirim anyqtalǵan. Nátıjesinde, ata-anasynyń baqylaýynsyz júrgen 259 jasóspirim Kámeletke tolmaǵan­dar­dy beıimdeý ortalyǵyna ornalas­tyryldy.

Qu­qyq buzýshylyqqa beıim 234 jas­­­ós­pirim jáne kámeletke tol­ma­ǵan­dardy tárbıeleý boıynsha óz mindetterin oryndamaıtyn 112 ata-ana Ishki ister organynyń esebine qoıyldy. Qabyldanǵan is-sharalar nátıjesinde, 2020 jyldyń 10 aıy­nyń qorytyndysy boıynsha káme­let­ke tolmaǵandar arasyndaǵy qyl­mys­tar 17,2 paıyzǵa tómendegen.

«Jasóspirimderdi qylmys jasa­ýy­na otbasyndaǵy qolaısyz jaǵ­daı, sabaqqa barmaý, tárbıelik ju­mys­ty az júrgizý, ınternet jeli­le­rin durys qoldanbaý, ózderiniń qu­qyq­ta­ryn durys bilmeý faktorlary jıi áser etedi», deıdi Dáýletkeldi Ábdi­ramanov. Sala bilgiriniń aıtýyn­sha, atalǵan qylmystyń aldyn alýda ata-ana, mektep, qoǵam, quqyq qor­ǵaý me­keme­leri mamandarymen bir­les­ken tárbıelik sıpattaǵy sharalary kóp­tep uıymdastyrylýy kerek.

 

ShYMKENT

 

Sońǵy jańalyqtar

Almaty mańynda jer silkinisi boldy

Aımaqtar • Búgin, 12:57

Búgin - Ulttyq dombyra kúni

Qazaqstan • Búgin, 08:50

Uqsas jańalyqtar