Qoǵam • 12 Qańtar, 2021

Jańa kodekstiń erekshelikteri

21 ret kórsetildi

Janýarlarǵa qatygezdik kórsetkenderdiń 2 jylǵa deıin bostandyǵy shektelýi múmkin. Bul týraly Prezıdent janyndaǵy Ortalyq kommýnıkasııalar qyzmetinde ótken baspasóz jıynynda Ekologııa, geologııa jáne tabıǵı resýrstar mınıstri Maǵzum Myrzaǵalıev aıtty.

«Adamdar tarapynan janýar­lar­ǵa qatygezdik ne úshin jasalatyny túsiniksiz. Bul aqtaýǵa kelmeıdi. Kún saıyn áleýmettik jeli­lerde aqylǵa syımaıtyn áre­ketter jarııalanyp jatady. Aqqýdy tunshyqtyryp, ıtba­lyq­ty uryp, ıtti qorlap jat­qanyn kórdik. Buǵan uqsas faktiler kóp. Sondyqtan jazany kúsheıtý qa­jet», dedi M.Myrzaǵalıev.

Bul rette mınıstrlik Qyl­mys­­tyq kodekstegi 316-shy, ıaǵnı «Jan­ýar­larǵa qatygezdik jasaý» baby boıynsha jazany kúsheıtýdi usyndy.

«Aıyppul ulǵaıady jáne bas bostandyǵyn shekteý jazasy engizilýi múmkin. Zań jobasy taıa­ý­da Májiliske joldandy. Bu­ǵan qosa depýtattar jáne jan­ýar­lardy qorǵaýshylarmen birge Janýarlardy qorǵaý týraly zań jobasy ázirlendi. Onyń júzege asyrylýy jan­ýar­larǵa meı­rim­dilikpen, jaýap­ker­shilikpen qaraýdy qamta­ma­syz etedi. Túrli sanattaǵy jan­ýar­lar­ǵa qaraý boıynsha jalpy jáne arnaıy talaptar bekitiledi. Sonymen birge janýarlarǵa jasalǵan kez kelgen qatygezdik áreketke qatysty jaýapkershilik ilespe zań­da qarastyrylǵan», dedi mınıstr.

Jańa qujatta jabaıy, úı, qyz­mettik jáne aýyl sharýa­shy­ly­ǵy janýarlaryna jasalatyn qatygezdiktiń aldyn alý sharalary tolyq qamtylǵan. Sol sekildi janýarlarǵa veterınarlyq kó­mek, tıisti kútim jasaý, oıyn-saýyqtyq maqsatta paıdalaný erejeleri bekitilip, qatygezdikti nasıhattaýǵa tyıym salynǵan.

Vedomstvo basshysy jańa Ekologııalyq kodeks qabyldanǵan soń elimizdegi qorshaǵan ortaǵa qatysty ahýaldyń qalaı ózge­re­ti­nin aıtty.

«Ekologııalyq kodeks Ekono­mı­kalyq yntymaqtastyq jáne damý uıymynyń qaǵıdattaryna saı keledi. Bul qujatty qabyl­dar aldynda eki jyl boıy ekologtermen, sarapshylarmen, qoǵam ókilderi jáne bıznes-qaýym­das­tyq­pen tyǵyz jumys istedik. Kodeks 40-50%-ǵa ózgerdi», dedi mınıstr.

Qabyldanǵan qujatqa sáıkes ekologııaǵa zııan keltirgen zańdy nemese jeke tulǵa qorshaǵan orta­ny bastapqy kúıine keltirýge min­detti. Atmosferalyq aýa, sý men topyraqtyń lastanýy problemasyn sheshý úshin óndiriske Ozyq qoljetimdi teh­nologııalar qaǵıdaty engizi­le­di.

«Birinshi kezeńde munaı-gaz, taý-ken metallýrgııasy, hımııa jáne elektr energetıka­sy salalaryna qatysty 50 iri kásiporyndy Ozyq qoljetimdi tehnologııalarǵa aýystyrý josparlanǵan. Osy 50 kásiporynǵa jalpy lastanýdyń 80%-y tıesili. Eýropa elderi osy tetikti engizý arqyly 15 jyl ishinde shyǵaryndyny 94%-ǵa tómendetti. Ony engizgen kásiporyn emıssııa tólemderinen bo­sa­tylady. Eger engizbese, emıs­sııa tólemderi eselene túse­di», dedi vedomstvo basshysy.

Ekologııalyq kodekste qoǵam ókil­deriniń qorshaǵan ortaǵa áserdi baǵalaýdyń barlyq kezeń­de­rine qatysýyna erekshe mán be­rilgen. Sondaı-aq jergilikti atqarýshy organdarǵa túsetin ekologııalyq tólemderdiń 100%-yn tabıǵatty qorǵaý sharalaryna bólýge mindetti ekendigi kórsetildi. Turmystyq qaldyq máselesin sheshý úshin Waste to energy tehnologııasy arqyly qoqysty energetıkalyq maqsatta kádege jaratý kózdelmek. Zańsyz qoqys polıgondaryn joıý maq­sa­tynda qaldyq shyǵaratyn kó­lik­terge GPS qondyrǵylaryn mindetti túrde ornatý máselesi qarastyrylǵan.

 

Sońǵy jańalyqtar

Aqtóbede «Igi ister» marafony bastaldy

Aımaqtar • Búgin, 17:48

Shymkentte mektepterde ystyq tamaqpen qamtýǵa ruqsat joq

Ońtústik Qazaqstan • Búgin, 15:52

Uqsas jańalyqtar