Qoǵam • 13 Qańtar, 2021

Aýyldarǵa aýyz sý qubyry tartyldy

17 ret kórsetildi

Osy ýaqytqa deıin Jambyl oblysynyń Baızaq, Jambyl jáne Jýaly aýdandarynda aýyz sý máselesi týyndap kelgen bolatyn. Taza aýyz sý kóptegen aýyldyq tyń kókeıkesti máselesine aınaldy. Bul jyl óńir turǵyndary úshin jaǵymdy jańalyqpen bastalyp otyr.

Aımaqtaǵy birqatar aýyl­da talaıdy tolǵandyrǵan túıt­­kildi másele sheshimin tap­ty. Jýyrda Baızaq aýda­­nynyń Seńkibaı jáne Jańa­turmys aýyldarynda sý qabyldaý ǵımarattary men sý qubyry jelileriniń qury­ly­sy aıaqtaldy. Atalǵan aýyl­­­­­dardaǵy qurylys ju­mys­­­tary aǵymdaǵy jyldyń sáýir aıynda bastalǵan. Ju­mystyń jalpy quny 341,6 myń teńgeni quraıdy.

«Taza aýyz sý – densaý­lyq­­tyń kepili ekeni belgili. Aýdan boıynsha segiz eldi me­ken­­de tıisti jumystar júr­­gi­­zildi.­ Sonyń tórteýi aýyz sý júıesine qosylyp úl­ger­di. Búginde mundaı el­di mekender sany 24-ke je­tip otyr. Myrzataı aýyl­dyq okrýgine salynǵan 500 mln teńgeniń 350 mln teń­gesi Seńkibaı aýylyna tıe­si­li. Sonyń ishinde 341 mln teńge sýmen jabdyqtaý jo­ba­syna baǵyttaldy. Al qal­ǵan qarajat úsh kósheni ja­ryq­tandyrýǵa jumsaldy», deıdi Baızaq aýdany ákiminiń orynbasary Qaırat Ismaıl.

Bul rette aýyl turǵyn­da­ry Amangeldi Álimbaev, Áýeshan Baıgelov jer­gi­likti jurtshylyqtyń má­se­­lesin sheship, aýyldy taza aýyz sýmen jabdyqtaý jobasyn sapaly júzege asyr­ǵa­ny úshin kópshiliktiń atynan tıisti azamattarǵa rıza­shy­lyq­ta­ryn bildirýde.

Sonymen qatar Jańa­tur­mys aýylyndaǵy sý qa­byl­daý nysany men sý qu­byry jelileri de iske qo­syl­­dy. Aýylǵa taza aýyz sý tartýdyń nátıjesinde jer­gi­likti turǵyndardy ju­mys­­pen qamtý máselesi de oń sheshimin tabýda. Máselen, aýyz sý kirgen eki eldi mekende de jergilikti turǵyndar arasynan «Baızaq Sý» kom­mýnaldyq memlekettik ká­sip­orny arqyly 3 mashınıst jáne 1 baqylaýshy tu­raq­ty jumysqa qabyl­dan­ǵan. Qazirgi kezde eki bir­deı aýyldyń halqy taza aýyz­ sý­dyń ıgiligin kórip otyr.

Talaı jyldan bergi tú­ıin­di máselelerdi sheshý ob­lys ortalyǵymen irgeles jatqan Jambyl aýdanynda da júzege asýda. «Jumyspen qamtýdyń jol kartasy» mem­le­kettik baǵdarlamasy aıa­synda aýdandaǵy 110 úı­diń turǵyndary taza sýǵa qosyldy. Memleket qoldaýynyń nátıjesinde bas merdiger «Jiger-2004» JShS ár aýlaǵa qubyr tartý jumystaryn júrgizip berdi. Endi atalǵan úı ıeleri ortalyqtandyrylǵan jelige qosylýy kerek. Bul rette Jambyl aýdanynyń ákimi Sáken Arýbaev memlekettik baǵdarlamalar aýyldardy damytýda jáne adamdardyń ómir súrý sapasyn jaqsartýda mańyzdy ról atqaratynyn aıta kelip, aýdandaǵy Qara­taý aýylyna aýyz sý men gaz berilgen soń, kóshelerdi jaryqtandyrý, jol jabyndysyn tóseý jumystary júrgiziletinin jetkizdi. Al­da­­ǵy ýaqytta aýdannyń keı­­bir aýyldaryndaǵy aýyz­ sý máseleleri kezeń-kezeńi­men sheshiletin bolady.

Memleket qoldaýynyń nátı­jesinde Jýaly aýda­ny, Jurymbaı aýylyna da taza aýyz sý keldi. Búginde aýyl turǵyndary talaı jyldan beri ózekti máselege aınalyp kelgen taza sýdyń ıgi­ligin kórýde. Aýylǵa taza aýyz sý tartýǵa úles qos­­qan «Baısyn-A» JShS ókilderiniń aıtýynsha, sý 126 metr tereńdikten tartylyp otyr eken. Sonymen qatar 16 shaqyrym sý qubyry júrgizilgen. Al Jýaly aýda­nynyń ákimi Narbaı Erge­bekovtiń aıtýynsha, bıyl taǵy birneshe aýyl taza aýyz sýǵa qosylady. Ol jyl sa­ıyn aýdannyń eldi meken­d­erin aýyz sýmen qam­ta­ma­syz etý deńgeıiniń artyp kele jatqanyn aıtyp, bıyl naqty taǵy bes aýyl orta­lyqtandyrylǵan sýmen qam­ta­masyz etiletinin jet­kizdi.

Sý – tirshilik kózi. Alaıda kóptegen aýyldyqtyń taza aýyz sýǵa áli de bolsa qol jetkize almaı kele jat­qa­ny shyndyq. Dese de, atalǵan úsh aýdanda jyl basynda kóp jylǵy máseleler oń sheshimin ta­býda. Biraq munymen Jam­byl oblysyndaǵy bar­lyq aýdanda aýyz sý máse­lesi tolyǵymen sheshildi deý­ge bolmaıdy. Mundaı má­se­le atalǵan Baızaq, Jam­­byl, Jýaly aýdan­da­ry­nyń ózinde áli de bar. Sol sııaqty, T.Rysqulov, Moıynqum, Sarysý sııaqty birqatar aýdan­da­ǵy keı­bir aýyldardyń sý máse­lesi áli sheshilmegen. De­gen­men, memleket qol­daýy­nyń nátıjesinde, baǵ­dar­lamalardyń aıasynda mun­daı máseleler keleshekte she­shilip qalar degen tur­ǵyn­dar­dyń úmiti basym...

 

Jambyl oblysy

 

Sońǵy jańalyqtar

Italııada toǵyz júlde aldyq

Sport • Búgin, 10:10

«Barys» utylyp qaldy

Sport • Keshe

Eldos Smetov kúmis aldy

Sport • Keshe

«Qaırat» – qola júldeger

Aımaqtar • Keshe

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Almatyda gashısh satqan azamat ustaldy

Qoǵam • 05 Naýryz, 2021

Uqsas jańalyqtar