Qoǵam • 13 Qańtar, 2021

Alık Shpekbaev: Ashyqtyq pen aıqyndyq – azamattar arasyndaǵy alshaqtyqty azaıtady

102 ret kórsetildi

Sybaılas jemqorlyqqa qarsy is-qımyl agenttiginiń Tóraǵasy A.J. Shpekbaev óziniń «Facebook» paraqshasynda turmystyq sybaılas jemqorlyq deńgeıi joǵary bolýy shekten tys bıýrokratızm, qasaqana áýre-sarsańǵa salý, memlekettik mekemelerdiń jabyqtyǵy men kúndelikti jumystaǵy aıqyndyqtyń joqtyǵyna tikeleı baılanysty ekenin naqtylap ótti, dep habarlaıdy Egemen.kz

"О́z kezeginde ashyqtyq, aıqyndyq jáne eseptilik, tutynýshyǵa tolyq baǵdarlaný men joǵary qyzmet kórsetýge negizdelgen aqyldy sıfrlandyrý, memlekettik qyzmetshilerdiń ádep pen minsiz-júris turys úlgilerin saqtaýy – azamattardyń memlekettik ınstıtýttarǵa seniminiń basty sharty. Sondyqtan memlekettiń 2020 jylǵy sybaılas jemqorlyqqa qarsy saıasatynyń negizgi mindetteriniń biri qala, aýdan, aýyldyq ákimdikterdi servıstik úlgige kóshirý boldy. Biz bul jumysty memlekettik apparattyń ashyqtyǵy men tutynýshyǵa baǵdarlanýyn arttyrýǵa baǵyttalǵan respýblıkalyq «Adaldyq alańy» jobasy aıasynda iske asyrdyq", deıdi Alık Shpekbaev.
 
Bul jobanyń Elbasynyń bastamasymen qolǵa alynǵanyn jáne «Halyq únine qulaq asatyn memleket» tujyrymdamasyn iske asyrý aıasynda Prezıdenttiń qoldaýyna ıe bolǵanyn atap ótken jón.
 
"Antıkordyń, barlyq deńgeıdegi ákimdikter men jurtshylyqtyń
úılesimdi jumysynyń arqasynda 317 ákimdik servıstik formatqa kóshti, bul – oblystyq mańyzy bar qalalar men aýdandar 100 paıyz qamtyldy degen sóz. Siz «bul azamattarǵa ne beredi?» dep suraýyńyz múmkin. Birinshiden, 900 tosqaýylsyz front-keńse joǵary suranysqa ıe memlekettik qyzmetterdi jedel túrde kórsetip qana qoımaı, azamattarǵa kóptegen máseleler boıynsha qarapaıym jáne qoljetimdi túrde keńes berýge múmkindik beredi. Eń bastysy, bul shara qyzmettik qabattar men kabınetterdi aralamaı, bir jerden kómek alý múmkindigin jasap, memlekettik qyzmetshiler men azamattar arasyndaǵy alshaqtyqty aıtarlyqtaı azaıtady. Ekinshiden, memlekettik bilim berý jáne densaýlyq saqtaý mekemeleriniń 5 myńnan astam birinshi basshysy ózderiniń yńǵaıly keńselerinen shyǵyp, birinshi qabattaǵy «áınek kabınetterde» jumys isteýge kóshti. Osylaısha basshylar da qoljetimdi boldy. Úshinshiden, 1400-den astam memlekettik mekemege engizilgen open space formatyndaǵy qyzmettik keńistik dızaıny memlekettik qyzmetshilerde ashyqtyq pen aıqyndyq kúndelikti jumys standartyna aınalatyn jańa ádetterdi qalyptastyra bastady", dep atap ótti Sybaılas jemqorlyqqa qarsy is-qımyl agenttiginiń Tóraǵasy.
 
Sonymen qatar ol turmystyq jemqorlyqty joıý turǵysynan memlekettik qyzmetterdi údemeli sıfrlandyrýdy da atap ótýdiń mańyzdy ekenin tilge tıek etti.
 
"Onyń deńgeıi – qazirdiń ózinde 93%. Demek, bul osy saladaǵy turmystyq jemqorlyqtyń barynsha tómendetilgenin kórsetedi. Oǵan halyqqa 1 mıllıonnan astam memlekettik qyzmet kórsetken servıstik ákimdikterdegi «connection points» dep atalatyn sıfrlyq ózine-ózi qyzmet etý buryshtary aıtarlyqtaı úles qosýda. Tutynýshyǵa baǵdarlanǵan tásildi engizý týraly aıta kele, jylǵa jýyq ýaqytta elimizdiń ár aımaǵynda 18 servıstik antıkor ortalyǵyn ashqanymyzdy atap ótken jón. Qazirgi tańda olar azamattar jaıly jaǵdaıda keńester alatyn bizdiń front-keńseler ǵana emes, sonymen qatar memlekettik organdar men qoǵam arasyndaǵy syndarly suhbat alańdaryna aınaldy", deıdi Antıkor basshysy.
 
Sóz sońynda ol memlekettik organdardyń jumysyn ashyqtyq, qoljetimdilik, aıqyndyq jáne eseptilik prızmasy arqyly ózgertý jalǵasa beretinin alǵa tartady.
 
"Bizdiń mindetimiz – osy standarttardy búkil el aýmaǵyna engizý", deıdi Sybaılas jemqorlyqqa qarsy is-qımyl agenttiginiń Tóraǵasy Alık Shpekbaev.
Sońǵy jańalyqtar

«Barys» «Vıtıazdi» utty

Sport • Búgin, 16:15

Jalǵas Jumaǵulov jeńilip qaldy

Sport • Búgin, 15:44

Qunsyzdyq quldyń túbine jetedi

Aımaqtar • Búgin, 14:39

Pnevmonııadan 2 adam qaıtys boldy

Koronavırýs • Búgin, 11:42

Elimizde taǵy 839 adam koronavırýstan jazyldy

Koronavırýs • Búgin, 09:02

Pnevmonııadan 1 adam qaıtys boldy

Koronavırýs • Keshe

Bıatlonshylardyń baǵy janbady

Sport • 22 Qańtar, 2021

Konor Makgregordyń tabysy qansha?

Sport • 22 Qańtar, 2021

Elbasy Beıbit Atamqulovty qabyldady

Elbasy • 22 Qańtar, 2021

Almatynyń AT-arhıtektýra jospary bekitildi

Aımaqtar • 22 Qańtar, 2021

Memleket basshysy Alekseı Soıdy qabyldady

Prezıdent • 22 Qańtar, 2021

Atyraýda 35 jastaǵy azamatshany tonap ketti

Aımaqtar • 22 Qańtar, 2021

Maqtaralda kóktemgi egis jumystary bastaldy

Aımaqtar • 22 Qańtar, 2021

Uqsas jańalyqtar