Aımaqtar • 13 Qańtar, 2021

«Mektep jarylady»: Jasóspirimniń áreketi áshkere boldy

173 ret kórsetildi

«Mektep jarylady» dep qońyraý shalyp, Panfılov aýdanyndaǵy bir aýyldy dúrliktirgen jasóspirimniń áreketi áshkere boldy, – dep habarlaıdy Polisia.kz.

Panfılov aýdanynyń Polısııa bólimine Aqqudyq aýylyndaǵy mektep qyzmetkerleri qońyraý shalyp, belgisiz bireýdiń telefon arqyly mekteptiń túnde jarylatynyn habarlaǵanyn aıtqan. Tártip saqshylary talapqa sáıkes áreket etip, aýdandaǵy barlyq tıisti qyzmet ókilderi oqıǵa ornyna jedel jınalǵan.

– Osy derek boıynsha QR Qylmystyq kodeksiniń 273-babyna sáıkes qylmystyq is qozǵaldy. Polısııanyń jeke quramyna dabyl berilip, oqıǵa ornyna jınaldy. Jarylǵysh zatty tabýǵa oblystyq PD “Arlan” jasaǵynyń saper toby jumyldyryldy. Mektep ishi men jaqyn mańy tolyǵymen tekserilip, qońyraý shalýshynyń jalǵan aqparat taratqany dáleldendi. Jedel-tergeý sharalary barysynda 14 jastaǵy jasóspirimniń telefon shalǵany anyqtaldy. О́zge aqparat tergeý múddesine sáıkes jarııalaýǵa jatpaıdy, dedi Panfılov aýdany PB bastyǵynyń mindetin atqarýshy Jandos Kavlıev.

Aýyl turǵyndaryn dúrbeleńge salǵan qońyraýdan keıin mektep mańynda turatyn otbasylar qaýipsiz jerge shyǵarylǵan. Qandaı da bir aqparat bilýi múmkin adamdardyń barlyǵynan jaýap alǵan polıseıler telefon lańkesin kópke uzatpaı anyqtaǵan. 2006 jyly týǵan kámiletke tolmaǵan bala mektepke bomba qoıyldy dep qońyraý shalǵany anyqtaldy. Karantındik sharalarǵa baılanysty ózge balalar jete almaı júrgen bilim ordasyna barǵysy kelmegen jasóspirim osylaı qaljyńdaǵan.

– Qazirgi ýaqytta sotqa deıingi tergeý amaldary jalǵasýda. Tisti saraptama taǵaıyndaldy. Tergeý aıaqtalǵan soń is materıaldary sotqa joldanyp, naqty prosessýaldyq sheshim qabyldanatyn bolady, dep tolyqtardy Jandos Kavlıev.

Sońǵy jańalyqtar

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Uqsas jańalyqtar