Aımaqtar • 14 Qańtar, 2021

Atyraýdyń benzıni Eýroodaq standarttymen sertıfıkattaldy

96 ret kórsetildi

Atyraý munaı óńdeý zaýytynda shyǵarylǵan benzın Eýroodaq standarttymen sertıfıkattaldy.

«AMО́Z» JShS qoǵammen baılanys qyzmetiniń málimetinshe, qazaqstandyq ónim REACH sertıfıkatyn ıelenip, Eýroodaq naryǵyna ımporttaýǵa arnalǵan hımııalyq zattar men olardyń qospalarynyń sapa deńgeıin baǵalaýdyń tolyq rásiminen ótipti.

«REACH reglamentine sáıkes, Eýroodaqta jylyna 1 tonnadan astam mólsherde óndiriletin nemese ımporttalatyn kez-kelgen hımııalyq zat tirkeýge jatady. REACH sertıfıkaty – eýroaımaq elderi úshin tirkelgen benzın ımporttaýshysy bolyp tabylatyn qazaqstandyq kásiporynnyń eksporttyq múmkindigin damytýdaǵy mańyzdy qadam.

1

Byltyrǵy sáýirde AMО́Z óndirisindegi hosh ıisti kómirsýtekteri – benzol jáne paraksılol REACH sertıfıkattaýynan ótti. Al, benzın Eýropalyq sapa standarttaryna sáıkestigi rastalǵan kásiporynnyń úshinshi ónimi bolyp otyr» dep habarlady kásiporynnyń qoǵammen baılanys qyzmetinen.

REACH sertıfıkaty Atyraýda shyǵarylǵan janarmaıdyń Eýroodaq elderiniń naryǵyna shyǵýyna jol ashady. О́ıtkeni bul qujat Eýroaımaqtyń aýmaǵynda moıyndalǵan.

Sońǵy jańalyqtar

Uqsas jańalyqtar