Oqıǵa • 15 Qańtar, 2021

Qar barysy kóbeıip keledi

18 ret kórsetildi

Sońǵy kezde Jambyl oblysynyń aýmaǵynan qar barysy jıi kezdesýde. Tipti osy ýaqytqa deıin taý taǵysynyń birnesheýi kameraǵa da túsip qalǵan.

Mundaı jaǵdaı bastapqyda kóptiń tańdanysyn týdyrǵany ras. Sebebi óńirde qar barysy buryn-sońdy kóp bolmaǵan. Jýyrda Merki aýdanynyń aýma­­ǵynan taǵy bir qar barysynyń arnaıy kameraǵa túsip qalǵany týra­ly aqpa­rat tarady. Bul aqpa­rat áleýmettik jeli­lerge de júk­telip, kóptiń talqysyna tústi.

Qar barysy týraly atalǵan aqparat­tyń mán-jaıyn bilý úshin «Merki orman sharýashylyǵy» mekemesi dırektory­nyń oryn­ba­sary Azat Erensizge habar­las­qanymyzda, ol Merki aýdany aýma­ǵyndaǵy taý shatqaldarynan taǵy bir qar barysynyń arnaıy kameraǵa túsip qalǵanyn aıt­ty. Qar barysy sońǵy ret ót­ken jyl­ǵy 25 jeltoqsan kúni kórin­gen. Taý taǵysy osy­men birneshe ret kameraǵa tús­ken. Jalpy, Mer­ki aýda­ny aýmaǵyn­daǵy erekshe qorǵalatyn tabıǵı aımaqta búginde 8 qar barysy bar. Onyń ishinde 2 barys atalyq, 2 barys analyq bolsa, qalǵan 4-eýi alandary eken.

Qazirgi kezde qar barystary Áýlıe­ata aımaǵynda turaqtanǵan. Al boljam bo­ıynsha bular kórshi Qyrǵyz mem­leketiniń taýlarynan aýyp kelgen bolýy da múmkin. Degenmen, tabıǵattyń baǵa jetpes baılyǵy – qar barystaryn saqtap qalý asa mańyzdy. Azat Erensizdiń aıtýynsha, qar ba­rysyna ańshylar tarapynan kez kelgen ýaqytta qaýip tó­nýi múmkin. Alaıda ol erekshe qor­ǵalatyn tabıǵı aımaqtarǵa únemi reıd júrgizilip otyraty­nyn jetkizdi. Atalǵan ańdy saq­tap qalý maqsatynda tıisti sha­ra­lar da qabyldanǵan. Tipti Mer­ki taýlaryndaǵy qar barys­tary týraly BUU «Damý» baǵ­dar­lamasyna da habarlanǵan. «Qyzyl kitapqa» enetin sırek janýar alǵash ret Jambyl obly­synyń aýmaǵynda 2018 jyly tirkelgen. Qazirgi kezde orman sha­rýa­shylyǵynyń aýmaǵyn­da qar barystary jıi paıda bo­la bas­taǵandyqtan, olarǵa 11 fo­totuzaq ornatylǵan.

 

Jambyl oblysy

 

Sońǵy jańalyqtar

Aqtóbede «Igi ister» marafony bastaldy

Aımaqtar • Búgin, 17:48

Shymkentte mektepterde ystyq tamaqpen qamtýǵa ruqsat joq

Ońtústik Qazaqstan • Búgin, 15:52

Uqsas jańalyqtar