Qoǵam • 15 Qańtar, 2021

«Qazgeologııanyń» servıstik úlesi 4 paıyzdan aspaıdy

16 ret kórsetildi

Taıaýda «Egemen Qazaqstan» gazetiniń 5 qańtardaǵy sanynda «Geologııadaǵy sergeldeń» taqyrybynda maqala jarııalanyp, onda otandyq geologııa sala­syndaǵy ózekti máseleler qaýzalǵan edi. Atap aıtqanda, elimizdegi geolo­gııalyq uıymdar Jer qoınaýyna memlekettik geologııalyq zertteýdi oryn­daýda teń jaǵdaılardyń saqtalmaıtyndyǵyn aıtyp, «Qazgeologııa» UGBK» AQ ýákiletti organnyń qoldaýymen memlekettik tapsyrys­ty ıelenetinin jetkizdi. Osyǵan baılanysty «Qazgeologııa» mekemesi redaksııa­myzǵa hat joldap, atalǵan máselege qatysty óz ustanymdaryn bildirdi.

 

Servıstik súıemeldeýdegi úlesi 4%-dan aspaıdy

«Maqalamen muqııat ta­nysqan «Qazgeologııa» ulttyq geologııalyq barlaý kom­panııasy» ak­sıonerlik qoǵamy óz dálelderin usyn­ǵysy keledi. Básekelestikti shekteýge qatysty aıtar bolsaq, 2016-2020 jyldar aralyǵynda memleket tarapynan Jer qoı­naýyna memlekettik geo­logııalyq zertteýge 46 mlrd teńge qarajat bólinip, bul qar­jylandyrýdaǵy «Qaz­geologııanyń» úlesi orta eseppen 7%-dy qu­ra­dy. Demek, maqalanyń joǵary bóliginde kelti­rilgen málimet buǵan sáı­kes kelmeıdi. Bul rette О́GUQ-nyń (О́ndiris­tik geologııalyq uıym­d­ar qaýym­dastyǵy) qu­ramyn­daǵy jekemenshik kompanııa­lar iske asyratyn qosalqy merdigerlik jumystardyń úlesi orta eseppen 33%-dy qu­raı­tynyn aıta ketken oryndy.

«Qazgeologııa» birles­ken kásiporyn­darmen (bul kompanııalarda aksıonerlik qoǵamnyń úlesi 25% qu­raıdy) birge 2016-2020 jyl­­dar aralyǵynda 26 mlrd teń­­geden astam ın­vestı­sııany barlaý jumys­taryna tartyp, servıs­tik súıemeldeýdegi «Qazgeo­logııa­nyń» úle­si 4%-dan asqan joq. Qal­ǵan barlyq jumysty bas­qa servıstik kompanııa­lar atqardy. Iаǵnı «Qaz­geologııa» alǵan mem­le­kettik tapsyrys azdy-kem 4 mlrd teńgeden asady. Al geologııalyq barlaýǵa tartylǵan ınvestısııanyń kólemi 26 mlrd teńgeden artty (2024 jylǵa deıin 50 mlrd teńgeden artyq qarajat tartý josparlanýda). Demek, jer qoınaýyn ıgerý jobalaryndaǵy «Qazgeologııa» UGBK» AQ-tyń kapıtaly (birlesken kásiporyndardaǵy 25% úlesti esepke alǵanda) – 6,5 mlrd teńge. Bul «Qazgeologııanyń» servıs­tik kompanııa emes ekenin kórsetedi», delingen kom­panııanyń redaksııaǵa bergen jaýabynda.

Atalǵan hattaǵy derekke súıensek, ulttyq kompanııa Qazaqstannyń jáne alys-jaqyn sheteldik túrli uıymdarmen 26 birlesken kásiporyn quryp, jer qoı­naýyn ıgerýge baılanys­ty 36 kelisimshart aıasynda mindettemeler oryndalýda. Taǵy birneshe keli­simshart boıynsha qol qoıý kózdelýde jáne qol­danystaǵy jobalardyń qarjylandyrylýy eselenbek. Bul aksıonerlik qoǵamnyń tabysynyń ul­ǵaıýyna, demek mem­le­kettiń de úlesiniń artatynyn ań­­ǵartsa kerek. О́ıtkeni «Qazgeologııa» memlekettiń múd­desin qorǵaýǵa qurylǵan uıym dep kórsetilgen kom­panııanyń hatynda. Ká­siporynnyń aqparatyna sáıkes, naryqqa qatysý ar­qyly kompanııa bıýdjetke 3 mlrd teńgeden astam salyq tólegen.

«Qazgeologııa» Mıne­raldy resýrstar derek­teriniń ulttyq banki aqpa­rattyq júıesi (MRDUB AJ) jobasyn júzege asyrýda. Ol jer qoınaýyn paıdalanýshylarǵa bir tereze qaǵıdasyna sáıkes, on­laın rejimde jer qoı­naýyn ıgerý jónindegi ope­ra­sııalarǵa baılanys­ty (ınvestısııalar somasy 2,8 mlrd teńge) barlyq qyz­metti alýǵa múmkindik be­redi», dep jazylǵan hatta.

Redaksııaǵa joldanǵan hatta elimizdiń ulttyq geo­logııalyq barlaý kom­pa­nııasy reseılik «Rosgeo­logııa» AQ-qa qa­tys­ty da túsinik bere ke­tipti. Al negizinde, biz­diń maqa­lada Reseıdiń kvazı­mem­lekettik uıymy men Qa­zaqstannyń ekologııa, geo­logııa jáne tabıǵı resýrstar mınıstrligi ara­syndaǵy geologııalyq barlaý salasyndaǵy ári­ptestik máselesi qaýzalǵan edi. Soǵan oraı, bul máselege salalyq mınıstrliktiń Geo­logııa komıteti pikir bil­dir­­geni jón edi. Degenmen, «Qazgeologııa» UGBK» AQ hatyndaǵy pikirdi de usyn­ǵandy qup kórdik. 

«Qazaqstan Respýb­lı­ka­synyń Reseı Federa­sııasymen qurlyqtaǵy she­­karasynyń uzyndyǵy 7598 shaqyrymdy quraıdy, ıaǵnı osy shekaranyń bo­ıymen atalǵan aýmaqtyń bolashaǵyn anyqtap, paıdaly qazbalardyń barlyq túri boıynsha tabylǵan qorlardy birlesip paıdalaný máselesin sheshý úshin birlesken jumys qajet etiledi. Osy maqsatty jos­parlardy odan ári birlese aıqyndap, oryndaýǵa múmkindik beretin osy ke­lisimderge qol qoıyldy. Al­­daǵy ýaqytta bul Qa­zaq­stannyń shekaralas óńir­leriniń ınvestısııalyq tar­tymdylyǵyn arttyryp, olardyń damýyna serpin bermek», delingen resmı jaýapta.

Álbette, biz óz tarapymyzdan maqalada aıtylǵan pikirler, kórsetilgen derek pen dáıekter redaksııanyń jeke kózqarasyn bil­dir­meıtinin eske sala oty­ryp, bul salanyń el eko­nomıkasyndaǵy mán-ma­ńyzy zor bolǵandyqtan taqy­rypty aldaǵy ýaqytta da jiti nazarda ustaıtyn bolamyz.

Sońǵy jańalyqtar

Aqtóbede «Igi ister» marafony bastaldy

Aımaqtar • Búgin, 17:48

Shymkentte mektepterde ystyq tamaqpen qamtýǵa ruqsat joq

Ońtústik Qazaqstan • Búgin, 15:52

Uqsas jańalyqtar