Qazaqstan • 16 Qańtar, 2021

Mınıstrlik qyzanaqtardan vırýs tabyldy degen aqparatqa túsinikteme berdi

27 ret kórsetildi

2020 jyldyń jeltoqsan aıynda veterınarlyq jáne fıtosanıtarlyq qadaǵalaý jónindegi federaldyq qyzmet (Rosselhoznadzor) «Green Capital Kazakhstan», «Green Land Alatau» JShS-niń ónimderinde qyzanaq jemisteriniń qaýipti vırýsy (Tomato brown rugose fruit virus nemese ToBRFV) anyqtalǵandyǵy jáne «Greenhouse-Qaztomat» JShS-gi óndiretin qyzanaqty alyp kelýge shekteý engizgeni týraly habarlama jiberdi.

Osyǵan baılanysty QR AShM Agroónerkásiptik keshendegi memlekettik ınspeksııa komıteti shuǵyl túrde resmı tekserý uıymdastyrdy.

О́simdikter karantıni jónindegi memlekettik ınspektorlar, sondaı-aq «Fıtosanıtarııa» RMK, «Fıtosanıtarlyq dıagnostıka jáne boljamdar ádistemelik ortalyǵy» RMM jáne «Respýblıkalyq ósimdikter karantıni ortalyǵy» MM mamandary PTR-taldaý júrgizý maqsatynda synamalardy alý úshin «Greenhouse-Qaztomat» JShS-de komıssııalyq tekserý júrgizdi.

Taldaý úshin Reseı Federasııasynyń «Búkilreseılik ósimdikter karantıni ortalyǵynyń» jedel testteri qoldanyldy. Yqtımal qateler men kelispeýshilikterdi boldyrmaý úshin zerthanalyq taldaý ádisteri reseılik uıymnyń mamandarymen birge jasaldy. Saraptama qorytyndysy boıynsha «Greenhouse-Qaztomat» JShS ónimderinde ToBRFV vırýstary anyqtalǵan joq.

Sondaı-aq, obektıvtilik úshin kompanııa óz bastamasy boıynsha ónimniń synamalaryn «Groen Agro Control» táýelsiz zerthanasyna (Nıderlandy) jiberdi. Qosymsha zertteý nátıjeleri boıynsha jylyjaı sharýashylyǵynda vırýs anyqtalǵan joq.

Osyndaı komıssııalyq tekserýler «Green Capital Kazakhstan» jáne «Green Land Alatau» jylyjaı sharýashylyqtarynda júrgizildi. Ol jerlerde de vırýs anyqtalmady.

Resmı tekserýlerdiń nátıjeleri veterınarlyq jáne fıtosanıtarlyq qadaǵalaý jónindegi Federaldyq qyzmetke habarlandy.

QR AShM Agroónerkásiptik keshendegi memlekettik ınspeksııa komıteti Rosselhoznadzordyń is-áreketi EAEO týraly sharttyń talaptaryn óreskel buzady jáne jasandy kedergi bolyp tabylady dep esepteıdi. Osyǵan baılanysty Aýyl sharýashylyǵy mınıstrligi Eýrazııalyq ekonomıkalyq komıssııaǵa júginýge nıetti.

Sonymen qatar, QR AShM vırýstardy anyqtaý faktileriniń durystyǵyna kúmán keltirdi. Sebebi, Rosselhoznadzordyń Sverdlov referenttik ortalyǵy 2020 jylǵy 11 jeltoqsanda «Greenhouse Kazakhstan» JShS ónimi qaýipti dep qorytyndy bergen. Alaıda kompanııa 24 jeltoqsanda sol partııadan synamalardy alyp, «Búkilreseılik ósimdikter karantıni ortalyǵy» FMBM-niń ortalyq zerthanasynda qaıta saraptama júrgizýdi talap etkennen keıin, atalmysh ónimniń tazalyǵyn rastaıtyn qorytyndy alǵan.

Qazaqstandyq qyzanaq pen burysh ónimderi vırýs juqtyrdy degen aqparatqa baılanysty QR AShM Agroónerkásiptik keshendegi memlekettik ınspeksııa komıteti elimizdiń barlyq jylyjaı sharýashylyqtaryna jáne respýblıka aýmaǵyna alyp keletin qyzanaqtarǵa keshendi tekserý uıymdastyrdy.

Zerthanalyq synaqtardyń qorytyndysy boıynsha jylyjaı sharýashylyqtarynda vırýs anyqtalǵan joq.

Desekte, 16 jaǵdaıda Ázirbaıjan Respýblıkasynan alyp kelgen qyzanaqtarda vırýs anyqtaldy. Qaýipti vırýs juqtyrǵan qyzanaq tıelgen  barlyq kólikter shekarada ustalyp, júk eksporttaýshy elge qaıta qaıtaryldy.

Sońǵy jańalyqtar

QR-tólemder HQKO-daǵy kezek sanyn azaıta ma?

Baǵdarlamalar • Búgin, 22:11

Týrın Olımpıadasyna – 15 jyl

Oqıǵa • Búgin, 21:48

Atyraýda jolda qalǵan 63 adam qutqaryldy

Aımaqtar • Búgin, 18:18

Elbasy Baýyrjan Baıbekti qabyldady

Elbasy • Búgin, 17:30

Qazaqstanda jańa ken orny tabyldy

Ekonomıka • Búgin, 16:21

Eń sulý voleıbolshy kim?

Sport • Búgin, 16:15

Pavlodarda er adamdy poıyz basyp ketti

Aımaqtar • Búgin, 16:00

Ile-Alataý ulttyq tabıǵı parkine - 25 jyl

Ekologııa • Búgin, 14:57

El qorǵaǵan erdiń esimi jańǵyrdy

Rýhanııat • Búgin, 14:49

Kórshiniń kóp-kórim kómegi

Qoǵam • Búgin, 14:23

Uqsas jańalyqtar