Aýyl • 19 Qańtar, 2021

Aýyldaǵy «muztaý»

48 ret kórsetildi

Jetisýdyń bir ásem ólkesine jatatyn Kegen óńi­rinde tabıǵattyń ǵajaıyp syıy jeterlik. Qor­shaǵan ortanyń kórkem beınesin aýyl jurty «Kere­met kórem deseń, Kegenge kel...» dep ánge qosady.

Buǵan dálel retinde aýdan aýmaǵyndaǵy Kólsaı men Qaıyńdy kólderin ataý lázim. О́ıtkeni jaz maýsymynda taý baýraıyndaǵy injý-marjan mańynda tirshilik qyzyp, týrıster úshin naǵyz demalys sáti bastalady. Al kórikti ólkeniń qys boıy tamashalaýǵa turarlyq ǵajaıyby taǵy bar. Máselen, Shyrǵanaq aýyly mańyndaǵy jotada kún raıy sýyǵan mezgilden bastap qar kóbesi sógilgenge deıin aspanǵa shanshylǵan muzdy taýdy kórýge boldy. Aýyldaǵy aǵaıyn ejelden «Muztaý» dep atap ketken tabıǵı aqshańqan munara aýdan ortalyǵy Kegen aýylynan ońtústik-batysqa qaraı júrgende, 15 shaqyrymdaı jerde tur. Osy jerden Kegen ózeniniń bir saǵasy – Shyrǵanaq ózeni aǵyp jatyr.

Bul «Muztaý» jer astynan tartylǵan qubyrdan atqylap aqqan sýdyń muzǵa aınalýynan paıda bolady eken. Ár jyl saıyn aıaz kúsheıip, qar qalyńdaǵan kezde aspanǵa atqylaǵan jerasty sýy qatyp, kádimgi qatparly taý bolyp qalady. Muz súńgilermen shashaqtalǵan aq mármár qabyrǵalar «Babyl munarasyndaı» órilip, qol jetpes jerge deıin bıikteı beredi.

– О́lkedegi erekshe bir orynǵa aınalǵan muz taý qazir naǵyz demalys ornyna aınaldy desek bolady. Keńes Odaǵy tusynda kolhozdyń egis alqabyn sýarý úshin tereńnen uńǵyma qazylyp, taza sý kózin paıdalanǵanbyz. Jaryqtyq taý sýy minezdi ǵoı, sol zamannan beri jerge qaǵylǵan temir qubyrdan atqylaǵan móldir sý bir tolastaǵan emes. Jazda bul mańda at tuıaǵynyń dúbiri qyzyp, kókpar tartysy ótip jatatyn. Al qysta osyndaı kóz jaýyn alatyn muzdy munaraǵa aınalady. Jastarǵa qyzyq, osy kórinisti tamashalaýǵa Almatydan adamdar kelip, ketip jatady, – deıdi Shyrǵanaq aýylynyń turǵyny Ermek Qurmanǵalıev.

Shynymen de 200 metr tereńnen atqylap shyǵyp jatqan taý sýy osy óńirdi aýyz sýmen de qamtyp otyr eken. Ári adamdardyń demalysyna yńǵaıly orynǵa aınalǵan. Shyrǵanaq aýylynyń jastary kúsh biriktirip, qudyq mańyn kórkeıtip, oryndyqtar qoıypty. As pisiretin arnaıy oryn men qoqys jınaıtyn jáshikter de ornatypty. Sodan beri demalys kúnderi shańǵy men shanasyn saılap kelip, taza aýada serýendep qaıtatyn jurt qatary kóbeıipti. Iаǵnı bul bastama Kegen aýdanynda qysqy týrızmdi damytýǵa qolaıly bolyp tur.

 

Almaty oblysy

 

Sońǵy jańalyqtar

Armanǵa qanat baılaǵan...

Rýhanııat • Búgin, 07:35

Sáresiniń berekesi

Rýhanııat • Keshe

Pandemııa sabaqtary

Bilim • Keshe

Koreı tolqyny

Kıno • Keshe

Ulttyń uly ustazy

Rýhanııat • Keshe

Ilim adamǵa ne úshin qajet?

Rýhanııat • Keshe

«Ýkaznoı molda»: Ol kim?

Rýhanııat • Keshe

Dollar qaıta qymbattap jatyr

Ekonomıka • Keshe

Uqsas jańalyqtar