Qazaqstan • 19 Qańtar, 2021

Qus tumaýynan zardap shekkenderge ótemaqy tolyq kólemde tólendi – AShM

7 ret kórsetildi

QR AShM Veterınarııalyq baqylaý jáne qadaǵalaý komıteti joǵarǵy patogendi qus tumaýynan ólgen qustar úshin ótemaqyny tolyq tóledi.

О́tken jyldyń tamyz jáne qyrkúıek aılarynyń basynda elimizdiń Veterınarııalyq baqylaý jáne qadaǵalaý komıteti Reseı Federasııasynyń keıbir aımaqtarynan Qazaqstan Respýblıkasyna tiri qus pen qus sharýashylyǵy ónimderin alyp kelýge jáne olardyń tranzıtine ýaqytsha shekteýler engizgen. Biraq, QR AShM tarapynan jasalǵan jedel sharalarǵa qaramastan joǵarǵy patogendi qus tumaýy elimizdiń 8 oblysynyń aýmaǵyna jabaıy qustardyń qonys aýdarý joldary arqyly taraǵan bolatyn.

Epızootııaǵa qarsy is-sharalardyń aıaqtalýyna jáne qustardyń ólim-jitiminiń jańa jaǵdaılarynyń tirkelmeýine baılanysty qazirgi ýaqytta osy óńirlerde karantın alynyp tastaldy.

Aýrý oshaqtaryn oqshaýlaý jáne joıý boıynsha is-sharalar barysynda 1,9 mln. qus joıyldy, olardyń 97%-y 4 qus fabrıkasyna tıesili.

2020 jyldyń jeltoqsanynda QR AShM Veterınarııalyq baqylaý jáne qadaǵalaý komıtetiniń «Respýblıkalyq epızootııaǵa qarsy otrıad» RMM-si ortasha aılyq naryqtyq quny boıynsha indettiń kesirinen ólgen qus ıelerine ótemaqy tóleý jumystaryn júrgizdi.

Veterınarııalyq-sanıtarııalyq qaǵıdalarǵa sáıkes tárkilengen jáne joıylǵan qustardyń qunyn óteý «joǵarǵy patogendi qus tumaýy» indetinen ólgenin rastaıtyn qujattar negizinde atqaryldy. Olar bolmaǵan jaǵdaıda tólem júrgizilmeıdi.

Barlyq usynylǵan qujattar boıynsha tólem tolyq kólemde júrgizildi. Atap aıtqanda, jeke qosalqy sharýashylyqtaryna 94 470 bas úshin 295,3 mln. teńge tólendi. «Agroınterptısa» JShS 433 066 qus úshin 445,9 mln teńge tólendi.

Búgingi tańda QR AShM Veterınarııalyq baqylaý jáne qadaǵalaý komıtetiniń «Respýblıkalyq epızootııaǵa qarsy otrıad» RMM-de tólenbegen qaryzdary joq.

Sońǵy jańalyqtar

Pandemııa gúl naryǵyna áser etti

Qazaqstan • Búgin, 21:00

OPEK+ kútpegen sheshim shyǵardy

Qarjy • Búgin, 20:13

Teńge qymbattaıdy

Qarjy • Búgin, 17:30

Uqsas jańalyqtar