Qoǵam • 20 Qańtar, 2021

Jetisýda indet juqtyrǵandar kóbeıdi

12 ret kórsetildi

Juqpaly indettiń taralý qarqyny Jetisý óńirinde jyldam óse bastaǵan syńaıly. Sońǵy birer táýliktegi epıdemııalyq ahýaldyń nasharlaýy Almaty oblysyn «jasyl aımaqtan» jyljytyp, «sary aımaqtaǵy» oblystar qataryna qosty.

 

О́tken birer kún aralyǵynda aımaqta 8 284 adamnyń koronavırýs ınfeksııasyn juqtyrǵany anyqtaldy. Al 19 qańtarda ǵana dert juqtyrǵan naýqas sany 93 adamǵa jetken. Indet oshaǵynyń sany boıynsha Taldyqorǵan qalasy  alda tur, oblys ortalyǵyndaǵy juqpaly derttiń quryǵyna ilikken jan sany bir táýlikte 26 naýqasqa kóbeıgen. Qazir Taldyqorǵan qalasy oblys boıynsha «qyzyl aımaqqa» endi. Iаǵnı qaladaǵy indettiń taralý kórsetkishi 0,6 paıyz­dan asyp otyr.

– Indet juqtyrý dereginiń kóbeıýi qo­symsha shekteý sharalaryn qabyldaýǵa ákeldi. Qazir qaladaǵy mektepter, ýnıversıtetter, kolledjder óz qyzmetin tolyǵymen toqtatyp, oqytýdy tek qashyqtan júzege asyrýda. Sondaı-aq qaladaǵy uıymdardyń barlyq keńse qyzmetkerlerin qashyqtyqtan jumys isteýge kóshirý men qyzmetkerler sany 15 jáne odan da kóp adam bolatyn uıym qyzmetkerleriniń keminde 80 paıyzyn onlaın rejimge kóshirý týraly sheshim shyqty. Al ekinshi deńgeıdegi bankterdiń, posh­ta bólimsheleriniń, halyqqa qyzmet kórsetý or­talyqtarynyń jumysyn aldyn ala jazylý boıynsha júrgizý mindeti qoıylyp,  halyqtyń kóp jınalýyn boldyrmaý jáne keminde 2 metr áleýmettik qashyqtyqty jáne kúsheıtilgen sanıtarlyq-dezınfeksııalyq rejimdi saqtaý erejesi engizildi, – deıdi Taldyqorǵan qalalyq  bas memlekettik sanıtar dárigeriniń orynbasary Sáken Meldebaev.

Jetisýdaǵy juqpaly indet jyldam taralyp jatqan aýmaqtar qatarynda oblys ortalyǵynan bólek birneshe aýdan bar. Máselen, bir táýlik ishinde Qaratal aýdanynda  10 adam, Panfılov aýdanynda 9 adam, Talǵar men Ile aýdandarynda 7 adamnan koronavırýs belgileri anyqtalǵan. Al oblys aýrýhanalarynda indet juqtyrǵan 543 adam emdelip jatyr. Onyń ishinde 42 adamnyń jaǵdaıy aýyr eken.

Aıtpaqshy, aty jaman aýrýdyń zardaby aýyr qaıǵyǵa ákelip soǵýda. О́kinishke qaraı, koronavırýstan qaıtys bolǵandar qatarynda elge tanymal azamattar bar. Keshe Taldyqorǵan qalasynda turatyn belgili óner ókili, qazaq kıno álemine Sháken Aımanovtyń «Taqııaly perishte» fılmi arqyly tanylǵan daryn ıesi Álimǵazy Raıymbekov dúnıe saldy. Seksen bes jastaǵy kınoakter eki apta buryn indet juqtyryp, aýyr jaǵdaıda qalalyq aýrýhanaǵa jetkizilgen bolatyn.

 

Almaty oblysy

 

Sońǵy jańalyqtar

Elektrondy saýda-sattyq qaıtse damıdy?

Ekonomıka • Búgin, 22:41

Pandemııa gúl naryǵyna áser etti

Qazaqstan • Búgin, 21:00

OPEK+ kútpegen sheshim shyǵardy

Qarjy • Búgin, 20:13

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

Uqsas jańalyqtar