Oqıǵa • 20 Qańtar, 2021

Elektr kúbi jasady

23 ret kórsetildi

El ishinde on saýsaǵynan óner tamǵan sheber de eńbekqor jandar kóp. Solardyń biri – Qaraǵandy oblysyndaǵy Buqar jyraý aýdanyna qarasty Baıqadam aýylynda turatyn Qaırolla Málik esimdi azamat.

Taıaýda sheber elektr kúbi jasap shyǵardy. Bul kúbiniń ereksheligi sol, ol qymyzdy bir mınýtta 60 márte, tipti 70 ret te pisedi eken. Osyndaı jolmen demdelgen qymyzdyń dámi qolmen pisilgeninen bir de bir kem emes degendi aıtady biletinder.

– Elektr kúbi jasaý ıdeıasy qymyzdyń emdik qasıetine baılanysty týyndady. Qymyzdy ádette qolmen pisedi ǵoı. Shákirtim ekeýmiz sol jumysty qalaı jeńildetsek dep izdendik. Men oǵan kúbiniń dızaıny týraly aıttym. Sodan keıin elektr qýatynyń kómegimen qy­myz pisýdiń yrǵaǵy men rettiligin buz­baı kúbini jasap shyǵardyq, – deıdi Qaırolla Málik.

Qazirgi tańda ol ózi jasaǵan elektr kúbi­sine patent alý úshin qajetti qujat­tardy jınastyryp júr.

Qaırolla Máliktiń qolynan kel­meıtini joq. Ol kúbiden basqa túrli mý­zykalyq aspaptardy jasaıdy. Sheberdiń qolynan shyqqan qobyz, dombyralar óner adamdary tarapynan joǵary suranysqa ıe. О́ziniń aıtýy boıynsha, eń alǵashqy dombyrasyn 7-synypta oqyp júrgeninde shapqan eken. Sonymen qatar ol kelistirip at ábzelderin jáne tastan qashap dıirmen  de jasaıdy.

Qaırolla Málik aldaǵy ýaqytta baıa­ǵydaǵy handardyń kóshpeli arbasyn qalpyna keltirip, kıiz úıdiń etno­grafııalyq negizin saqtap qalatyn jyljymaly murajaı uıymdastyrǵysy keledi.

Búginde ol Qaraǵandydaǵy gýmanı­tarlyq kolledjde ustazdyq etip, óziniń bilgenin jas býynǵa úıretip júr.

 

Qaraǵandy oblysy,

Buqar jyraý aýdany

 

Sońǵy jańalyqtar

Jańa basylym – jaqsylyqtyń jarshysy

Rýhanııat • Búgin, 18:34

Koronavırýs gúl arqyly juǵa ma?

Koronavırýs • Búgin, 17:08

Almatyda páter urylary ustaldy

Aımaqtar • Búgin, 16:37

Oralda 17 jastaǵy jigit kópirden sekirdi

Aımaqtar • Búgin, 15:18

«Nissan Primera» kóligi jylqy soqty

Aımaqtar • Búgin, 13:25

Uqsas jańalyqtar