Koronavırýs: Taraz «sary aımaqqa» endi

Koronavırýs • 20 Qańtar, 2021

Koronavırýs: Taraz «sary aımaqqa» endi

28 ret kórsetildi

Taraz qalasy jasyldan sary aımaqqa kóshti. Aldyn-alý sharalaryn qabyldaý qajet, bul oraıda karantındik shekteýlerdi kúsheıtý mańyzdy. Bul týraly oblys ákimi Berdibek Saparbaevtyń tóraǵalyǵymen ótken koronavırýstyń taralýyna qarsy kúres jónindegi jedel shtabtyń kezekti otyrysynda talqylandy, dep habarlaıdy Egemen.kz.

Marzhan Tileubekova

Densaýlyq saqtaý basqarmasynyń basshysy Áset Qalıevtiń aıtýynsha, juqpaly aýrýlar aýrýhanasyndaǵy 1000 kereýettiń júktemesi 454 oryndy qurap otyr, Karantındik stasıonarda – 23 adam, úıde-1341. 240 myń jambyldyq PTR-testileýden ótken.

Sońǵy aptanyń qorytyndysy boıynsha juqtyrǵandardyń eń kóp ósýi Taraz qalasynda (85 jaǵdaı, ósim 3,5%), Jambyl aýdanynda (9 jaǵdaı, ósim 3,4%) jáne T.Rysqulov (7 jaǵdaı, ósim 3,9%) aýdandarynda baıqalady. Jedel járdemdi shaqyrtýlar sany úshten birge artty.

Basqa oblystarda qolaısyz epıdemıologııalyq ahýalǵa baılanysty 2000 tósektik rezerv daıyndalýda, qosymsha 3150 medısına qyzmetkeri qajet bolady. COVID-19 aldyn alý jáne emdeý úshin oblys stasıonarlaryna 1,2 mıllıard teńgege dári-dármekter men jabdyqtar ákelindi. KVI sebepteri boıynsha jedel járdem shaqyrýlarynyń sany otyz paıyzǵa artqan.

Basqa oblystardaǵy epıdemıologııalyq jaǵdaıdyń qolaısyzdyǵyna baılanysty 2000 tósektik rezerv daıyndalýda, qosymsha 3150 medısınalyq personal qajettigine kóńil bólinýde. COVID-19 aýyrýynyń aldyn alý jáne emdeý úshin oblys stasıonarlaryna 1,2 mıllıard teńgege dári-dármekter men jabdyqtar jetkizildi.

Sanıtarlyq-epıdemıologııalyq baqylaý departamenti basshysynyń m.a. Neılı Mýlıkovanyń aıtýynsha, azamattardyń Taraz medısınalyq uıymdaryna óz erkimen júginýi barysynda anyqtalǵan naýqastardyń úles salmaǵy artqan (53,5%). Bul adamdardyń joǵary azamattyq jaýapkershiligin kórsetedi, sonymen qatar tıisti qurylymdardyń ınfeksııanyń taralýyn álsizdigin kórsetedi. Infeksııa juqtyrǵandardyń 60 paıyzdan astamynda úıde oqshaýlanýǵa tıisti jaǵdaılary joq.

Jalpy sanıtarlyq-epıdemıologııalyq talaptardy buzǵandarǵa 46 ákimshilik hattama toltyryldy.

- Ásirese, Taraz qalasynda monıtorıngtik toptardyń jumysyn kúsheıtý kerek, - dep atap ótti Berdibek Saparbaev.

Polısııa departamentiniń bastyǵynyń orynbasary Temirbek Orazymbetov te aımaq basshysyn qoldap, 51 mobıldi toptyń bar-joǵy 46 ǵana zań buzýshylyqty anyqtaǵanyn jetkizdi.

Taraz qalasynyń ákimi Aıtqazy Qarabalaevtyń aıtýynsha, salynǵan aıyppuldardyń mólsheri 50 mıllıon teńgeden asqan. Ol sondaı-aq karantındik rejımdi kóbine baılanysta bolǵan tulǵalardyń buzatynyn atap ótti.

Ahýaldy talqylaý barysynda Shý aýdanynyń ákimi Nurjan Kalenderov oqý sabaqtarynyń bastalýyn eskere otyryp, barlyq mektepterdi tekserýdi usyndy.

- Taraz sary aımaqqa endi, sondyqtan barlyq talaptardyń saqtalýyn baqylaýdy kúsheıtý qajet. Oblys ortalyǵynda karantındik ortalyq qurý qajet. Ásirese, mektep oqýshylary men zeınetkerler arasynda aqparattyq-túsindirý jumystaryn arttyrý kerek. Qoǵamdyq kóliktiń tolý júktemesine, betperde taǵýǵa jáne jolaýshylardyń áleýmettik qashyqtyqty saqtaýyna erekshe nazar aýdarý mańyzdy. Dári-dármekter men tósek-oryndarynyń jetkilikti ekendigin barlap otyryńyzdar. Medısınalyq mamandar bar, biraq kadrlyq rezervti de daıyndaý berý qajet. Naýqastardyń qandaı jaǵdaıda em alyp jatqandyǵyn zerdeleńizder. Aqpan aıynda bastalatyn jappaı vaksınasııalaý naýqanyna daıyndalý, bıofarmasevtıkalyq zaýyttyń qurylysyn jedeldetý kerek. Áleýmettik jelilerde turǵyndar taǵy da dárigerlerdiń jumysyna narazylyǵyn bildirip, bıýrokratııalyqqa qatysty shaǵymdarynyń sany arta túsken. Medısınalyq mekemelerdiń basshylaryn rotasııalaý qajettiligi týyndaýda. Bul 10-15 jyldan beri bir orynda otyrǵan mektep dırektorlaryna da qatysty. Oqý sapasy nasharlaı bastaıdy, tártip deńgeıi tómendeıdi. Bilim basqarmasy bul máseleni aýdan ákimderimen birlesip egjeı - tegjeıli qarastyrýy tıis, - dedi Berdibek Saparbaev.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz