Qazaqstan • 20 Qańtar, 2021

Atyraý turǵyndary Ekologııa mınıstrine «Tabıǵat» qoryn qurýdy usyndy

13 ret kórsetildi

Ekologııa, geologııa jáne tabıǵı resýrstar mınıstri Maǵzum Myrzaǵalıev azamattarǵa jeke qabyldaý ótkizdi. Atyraý oblysynyń belsendi turǵyny Janat Esmaǵambetova jergilikti turǵyndardy óz aýlalarynda aǵash egýge kóptep tartý qajettigi týraly usynys bildirdi.

«Men 1-shi toptaǵy múgedek bolsam da ótken jyly óz aýlamda 57 aǵash otyrǵyzdym. Bizdiń turǵyn úıde 80 páter bar. Olardy da qoldaýǵa shaqyrdym. Erekshe balalardy osy iske aralastyryp, olar óz esimderi ilingen kóshetter ekti. Áleýmettik rolıkter túsirdik. Aǵartýshylyq baǵyttaǵy vıdeolardy kóbirek daıyndaý qajet. Áıtpese aýlaǵa egilgen aǵashtarǵa jurt kıimderin jaıyp tastap, zııan tıgizip jatyr. Osyndaı sharalardy qalanyń basqa da turǵyndary ótkizgenin qalaımyz. Osy rette «Tabıǵat» dep atalatyn qor qurýdy usynamyz», - dedi qala turǵyny.

Mınıstr Myrzaǵalıev bul baǵyttaǵy jumystardy tolyǵymen qoldaıtynyn, aǵashtarǵa zııan keltirýge qatysty Zań qataıyp jatqanyn jetkizdi.

«Aǵashty zańsyz kesýge, kóshet otyrǵyzýǵa qatysty túsindirý, aǵartý jumystaryn kóbeıtýimiz kerek. Birlese jumys isteýimiz qajet. О́tken jyldyń sońynda zańsyz aǵash kesýge qatysty Zańǵa normalar engizilip, jaza kúsheıtildi. Onyń ústine Prezıdentimiz qyrkúıektegi Joldaýynda 5 jyl ishinde orman alqabynda 2 mlrd, eldi mekenderde 15 mln aǵash otyrǵyzýǵa tapsyrma bergen. Ár oblys úshin jeke jospar ázirledik. Atyraýda aldymen Jaıyq ózeni aınalasyn qamtımyz», - dedi Maǵzum Myrzaǵalıev.

Jeke qabyldaýǵa jazylǵan Atyraý oblysynyń turǵyny, dáriger Gúlnar Talmanova klınıkalyq ekologııa ortalyǵyn ashýǵa usynys berdi. Mınıstr elimizde ekologııa men densaýlyqtyń arasyndaǵy baılanysty tereń zertteý qajettigin atap ótti.

Al Mańǵystaý oblysynyń turǵyndary metall qaldyqtarǵa, Qyzylorda oblysy turǵyny Aralbaı Quzbaqov emıssııalyq tólemderge qatysty máseleler kóterdi.

Mınıstr ár suraq boıynsha tıisti basshylarǵa tapsyrma beriletinin jetkizdi.

Sońǵy jańalyqtar

Jańa basylym – jaqsylyqtyń jarshysy

Rýhanııat • Búgin, 18:34

Koronavırýs gúl arqyly juǵa ma?

Koronavırýs • Búgin, 17:08

Almatyda páter urylary ustaldy

Aımaqtar • Búgin, 16:37

Oralda 17 jastaǵy jigit kópirden sekirdi

Aımaqtar • Búgin, 15:18

«Nissan Primera» kóligi jylqy soqty

Aımaqtar • Búgin, 13:25

Uqsas jańalyqtar