Qazaqstan • 20 Qańtar, 2021

Aýyl sharýashylyǵy mınıstri shveısarııalyq kompanııa ókilderimen kezdesti

11 ret kórsetildi

QR AShM basshysy Saparhan Omarov Qazaqstannyń AО́K damytýǵa $100 mln. AQSh dollaryn ınvestısııalaǵan shveısarııalyq kompanııanyń delegasııasyn qabyldady, dep habarlady Aýyl sharýashylyǵy mınıstrliginiń baspasóz qyzmeti

Kezdesý barysynda Inoks Capital bas dırektory jáne Basqarma múshesi Nabıl Mark Abdýl-Massıh kompanııanyń Almaty oblysynda júzege asyryp jatqan eki iri ınvestısııalyq joba týraly baıandady.

Birinshi joba – «Qorǵas-Shyǵys qaqpasy» arnaıy ekonomıkalyq aımaǵyndaǵy «Ekstrýdtalǵan jem-shóp óndirý» zaýytynyń qurylysy 97%-ǵa daıyn. Qazirgi ýaqytta barlyq qurylys-montaj jumystary aıaqtalyp, qýattylyǵy jylyna 60 myń tonna daıyn ónim shyǵaratyn biregeı óndiris jaqyn arada iske qosylady. Jobaǵa $18 mln. AQSh dollary kóleminde ınvestısııa jumsalǵan.

Paıdalanýǵa berilgennen keıin qazaqstandyq zaýyt mal sharýashylyǵyndaǵy ónimdiliktiń ósýine paıdaly áser etetin joǵary suranysqa ıe qurǵaq túıirshiktelgen jem shyǵara bastaıdy.

Inoks Capital kompanııasynyń Qazaqstandaǵy ekinshi jobasy – 2018-2022 jyldarǵa arnalǵan «1000 Ga qarqyndy baqsha salý jáne jemis-jıdek óńdeý sehyn» qurý. Jobanyń jalpy quny - $82 mln. AQSh dollaryn quraıdy.

Jaqyn arada ınvestor Almaty oblysynyń Eńbekshiqazaq (518 ga) jáne Uıǵyr aýdandarynda (200 ga) jańa baqtar salýdy josparlap otyr.

Nabıl Mark Abdýl-Massıhtiń aıtýynsha, ótken jyly kompanııa alma, shıe jáne qara órik kóshetterin satyp alýǵa tapsyrys bergen, biraq pandemııaǵa baılanysty olardy jetkizý 2021 jyldyń naýryzyna aýystyrylǵan.

Inoks Capital balǵyn jáne muzdatylǵan jemisterdi, sondaı-aq jemis pıýresi men shyryndaryn shyǵarýǵa nıetti. Búginde qaıta óńdeýshi kásiporyndarǵa tońazytqysh jabdyqtary tolyǵymen jetkizilgen eken.

Joba boıynsha Almaty oblysynyń eki aýdanynda jemis-jıdek óndirisi men qaıta óńdeý óndirisi qosylǵanda 250 turaqty jáne 1,5 myń maýsymdyq jumys orny ashylady dep kútilýde.

Jobalar týraly talqylaýdan keıin taraptar elimizdiń agrarlyq sektoryn qoldaý jáne damytý máselelerin jaıynda pikir almasty.

Sońǵy jańalyqtar

Jańa basylym – jaqsylyqtyń jarshysy

Rýhanııat • Búgin, 18:34

Koronavırýs gúl arqyly juǵa ma?

Koronavırýs • Búgin, 17:08

Almatyda páter urylary ustaldy

Aımaqtar • Búgin, 16:37

Oralda 17 jastaǵy jigit kópirden sekirdi

Aımaqtar • Búgin, 15:18

«Nissan Primera» kóligi jylqy soqty

Aımaqtar • Búgin, 13:25

Uqsas jańalyqtar