Qazaqstan • 20 Qańtar, 2021

Qazaqstanda 2021 jylǵy UBT synaǵy bastaldy

265 ret kórsetildi

Búgin elimizdiń barlyq óńirinde Ulttyq biryńǵaı testileý bastalyp, aqpannyń 5-ine deıin jalǵasady. Respýblıka boıynsha barlyǵy 143 testileý ótkizý pýnktinde 1 230 aýdıtorııa jumys isteıdi, dep habarlaıdy QR Bilim jáne ǵylym mınıstrliginiń baspasóz qyzmeti.

Qańtar aıyndaǵy UBT koronavırýstyń taralýyna jol bermeý jónindegi vedomstvoaralyq komıssııanyń kelisimimen ótip, karantınge baılanysty túlekter testileýdi 15 lek boıynsha tapsyrady. UBT-ny 120 myńnan astam adam tapsyrady dep josparlanyp otyr. Olar – 11 (12) synyp oqýshylary, ótken jyly UBT nátıjeleri joıylǵan talapkerler jáne shyǵarmashylyq bilim berý baǵdarlamalary boıynsha basqasyna aýysqysy keletin stýdentter qatysady.

Testileý 5 pán boıynsha ótedi: 3 mindetti jáne tańdaǵan mamandyǵyna baılanysty 2 beıindi pán. UBT qatysýshylaryna barlyǵy 120 test tapsyrmasy beriledi, onyń ishinde Qazaqstan tarıhy boıynsha 15 suraq, matematıkalyq saýattylyq boıynsha 15 suraq, oqý saýattylyǵy boıynsha 20 suraq jáne beıindi pánder boıynsha 35 tapsyrmadan bolady.

Testileý tapsyrýǵa 4 saǵat (240 mınýt) beriledi. UBT-ǵa qatysýshylar barlyǵy 140 ball jınaı alady. О́ńirlerde UBT ótkizý erejeleriniń saqtalýyn joǵary oqý oryndarynyń qyzmetkerleri men Ulttyq testileý ortalyǵynyń ókilderi baqylaıtyn bolady. Sondaı-aq óńirlerdegi testileý barysyn Bilim berý salasyndaǵy sapany qamtamasyz etý departamentteriniń qyzmetkerleri qadaǵalaıtyn bolady. Testileý úrdisin arnaıy monıtorıngtik toptyń jáne «Adaldyq alańy» jobalyq keńsesiniń 403 ókili baqylaýda ustaıdy.

Koronavırýstyq ınfeksııanyń taralý qaýpin azaıtý maqsatynda UBT ótkizý kezinde sanıtarlyq-epıdemıologııalyq normalar men áleýmettik araqashyqtyq qatań saqtalatyn bolady. Testileý barysynda qatysýshylar arasynda keminde 2 metr qashyqtyq qamtamasyz etilip, aýdıtorııalardaǵy adamdardyń sany 50%-ǵa qysqartyldy. UBT bastalar aldynda aýdıtorııalar bakterısıdti shamdarmen zararsyzdandyrylatyn bolady. Sonymen qatar sanıtarlyq normalarǵa sáıkes ata-analar men muǵalimderge UBT ótkizý pýnktiniń aýmaǵynda bolýǵa tyıym salynady.

Sońǵy jańalyqtar

Jańa basylym – jaqsylyqtyń jarshysy

Rýhanııat • Búgin, 18:34

Koronavırýs gúl arqyly juǵa ma?

Koronavırýs • Búgin, 17:08

Almatyda páter urylary ustaldy

Aımaqtar • Búgin, 16:37

Oralda 17 jastaǵy jigit kópirden sekirdi

Aımaqtar • Búgin, 15:18

«Nissan Primera» kóligi jylqy soqty

Aımaqtar • Búgin, 13:25

Uqsas jańalyqtar