Qoǵam • 20 Qańtar, 2021

Kásipkerlerdiń quqyn buzý deregi kemimeı tur

30 ret kórsetildi

Memleket kásipkerlerdiń quqyn qorǵaý baǵytynda túrli shara atqaryp, zań talabyn meılinshe jeńildetýge jumylyp otyr. Esesine, isker toptyń qolyndaǵy óndiris órkendep, jumys oryny kóbeıip, shaǵyn jáne orta bıznes tarapynan ekonomıkaǵa qosylǵan úles te artyp keledi.

О́kinishke qaraı, qoǵamda jeke kásipkerdiń jolyn kesetin, el ishindegi iskerliktiń ilgerleýine kedergi keltiretin adamdar da azaımaı otyr. Iаǵnı, kásipkerlerdiń múddesin qorǵaıtyn uıymdar bıznestiń damýyna barynsha qarsy bolatyn keri kózqarastaǵy toptyń baryn joqqa shyǵarmaıdy eken. Jáne mundaı árekteterdiń artynda jeńushynan jalǵasqan jemqorlyq pen jeke múddeni kózdeýshilerdiń turǵany da jasyryn emes. Mysalǵa, ótken jyly Almaty oblysynda kásipkerlerdiń quqyǵyn aıaqqa taptaýdyń kesirinen bıznes 1,2 mlrd teńgege zııan shekken eken.

- Byltyr oblystyq Kásipkerler palatasy ótken jyly jalpy somasy 1,2 mlrd teńge bolatyn istiń túıinin tarqatýǵa kúsh saldy. Jalpy, aımaqtaǵy bıznestiń túıtkildi máseleleriniń qatarynda memlekettik satyp alýlar men jer qatynastary salasy, memlekettik organdardyń is-áreketterine shaǵymdar, salyq, agroónerkásiptik keshen salasyndaǵy áreketterdi ataýǵa bolady. Zerdelep qrasaq, 2020 jyly palataǵa kásipkerlerdiń quqyqyn qorǵaý jelisi boıynsha zańdy tulǵalardan 233 ótinish kelip tústi, onyń seksen segiz oń sheshimin tapty. Jalpy, bizdiń qoldaýymyzdyń arqasynda bıznes quqyǵy 1,2 mlrd teńgege qorǵaldy, bul 2019 jylmen salystyrǵanda eki ese joǵary, - deıdi oblystyq Kásipkerler palatasynyń basshysy Áset Shaıahmetov.

Bul máseleni sheshýge palata ókilderi úshinshi tulǵa retinde qol ushyn sozyp otyr eken. Máselen, byltyr zańgerler sotta «ALSAD Qazaqstan» JShS quqyǵyn qorǵap,  sotqa júgingen. Kompanııa sottan memlekettik organnyń áreketin zańsyz dep tanýdy jáne 2020 jylǵy naýryzdan mamyrǵa deıin taǵamdyq taýyq jumyrtqasy óndirisiniń qunyn arzandatýǵa ótinimder qabyldaý jáne sýbsıdııalar tóleý arqyly buzylǵan quqyqtardy qalpyna keltirýdi talap etken. Azamattyq isti qaraý qorytyndysy boıynsha sot kásiporynnyń 56 mln teńge kólemindegi talap-aryzyn qanaǵattandyrý týraly sheshim shyǵarypty. Sondaı-aq, palata sarapshylarynyń qatysýmen 243 normatıvtik-quqyqtyq aktiler qaralyp, tıisti sheshimin taýypty.

Jalpy, ótken jyly Almaty oblysynda 16 myńnan astam kásipker servıstik qyzmet men keńes alǵan eken. Onyń ishinde bıznesti qarjysyz qoldaý baǵytyndaǵy jumys qarqyndy júripti.

- Biz byltyr óńirdiń 16 myńnan astam kásipkerine 17,5 myń servıstik jáne konsýltasııalyq qyzmet kórsettik. Kásipkerler negizinen jeke kásipkerlik ashý, bıznes-jospardy ázirleý, býhgalterlik esepti tapsyrý sııaqty qyzmetterge kóp júgindi. Kásipkerler palatasynyń aralasýymen 1,3 myń joba memlekettik qoldaý quraldary aıasynda qarjylandyryldy. Sondaı-aq, bizdiń menedjerlerimiz jalpy somasy 50 mlrd teńgege jýyqtaıtyn 529 bıznes-jospar ázirledi. Onyń ishinde 5,2 mlrd teńgeniń 153 jobasy iske asty, - deıdiAlmaty oblystyq Kásipkerler palatasynyń basshysy Áset Shaıahmetov.

Sońǵy jańalyqtar

Elektrondy saýda-sattyq qaıtse damıdy?

Ekonomıka • Búgin, 22:41

Pandemııa gúl naryǵyna áser etti

Qazaqstan • Búgin, 21:00

OPEK+ kútpegen sheshim shyǵardy

Qarjy • Búgin, 20:13

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

Uqsas jańalyqtar