Qazaqstan • 21 Qańtar, 2021

UBT-2021: Alǵashqy kúnniń qorytyndysy qalaı boldy?

102 ret kórsetildi

Qańtardaǵy UBT-nyń alǵashqy kúni testileýge 16 307 adam qatysty, onyń ishinde 12 myńnan astamy qazaq tilinde, 4 216 orys tilinde tapsyrdy. 86 talapker aýdıtorııaǵa tyıym salynǵan zattardy alyp kirýge tyrysqany úshin UBT tapsyrý múmkindiginen aıyryldy. Sondaı-aq tyıym salynǵan zattardy qoldanǵany jáne testileý erejelerin buzǵany úshin aýdıtorııadan 27 adam shyǵarylyp, test nátıjeleri joıyldy, dep habarlaıdy Egemen.kz BǴM baspasóz qyzmetine silteme jasap.

UBT-nyń birinshi kúniniń qorytyndysy boıynsha 205 qatysýshy 110-nan astam ball jınady. Karantınge baılanysty testileý 15 lek boıynsha ótetinin aıta ketken jón. Qańtar aıyndaǵy UBT barysynda aýdıtorııalardyń syıymdylyǵy 20-25%-ke paıdalanyldy. Birinshi kúni 143 pýnktiń 114-inde testileý ótti. Barlyq aýdıtorııa beınebaqylaý kameralarymen jabdyqtalǵan, ata-analar úshin beınetranslıasııa qoljetimdi.

UBT-nyń barlyq qatysýshysy dezınfeksııalyq týnnel jáne arnaıy kilemsheler arqyly ótti, dene qyzýyn ólshetti, qoldaryn sanıtaızermen zalalsyzdandyrdy jáne usynylǵan medısınalyq maskalardy paıdalandy, ıaǵnı qatysýshylar sanıtarlyq-epıdemıologııalyq normalarǵa sáıkes dezınfeksııadan ótti.

Test tapsyrýshylardy aýdıtorııalarǵa kirgizý jáne otyrǵyzý kezinde keminde 2 metr araqashyqtyq saqtalyp jatyr. Ár aýdıtorııa jeldetilip, bakterısıdtik jabdyqtarmen óńdelgen. Sanıtarlyq talaptardyń barlyǵy qatań baqylaýǵa alynǵan.

Qańtar aıyndaǵy UBT sertıfıkattary joǵary oqý ornyna aqyly negizde túsý úshin jaramdy. Talapkerler bir jylda testileýdi 4 ret tapsyra alady. Ulttyq biryńǵaı testileý elimiz boıynsha keshe, 20 qańtar kúni bastaldy jáne 5 aqpanǵa deıin jalǵasady.

Sońǵy jańalyqtar

Jańa basylym – jaqsylyqtyń jarshysy

Rýhanııat • Búgin, 18:34

Koronavırýs gúl arqyly juǵa ma?

Koronavırýs • Búgin, 17:08

Almatyda páter urylary ustaldy

Aımaqtar • Búgin, 16:37

Oralda 17 jastaǵy jigit kópirden sekirdi

Aımaqtar • Búgin, 15:18

«Nissan Primera» kóligi jylqy soqty

Aımaqtar • Búgin, 13:25

Uqsas jańalyqtar