Álem • 22 Qańtar, 2021

Kanadada Qazaqstandaǵy parlamenttik saılaý qorytyndylary talqylandy

30 ret kórsetildi

Qazaqstannyń Kanadadaǵy Elshiligi Parlamenti Májilisine saılaýdyń qorytyndylary men Prezıdent Qasym-Jomart Toqaevtyń zań shyǵarýshy organnyń jańa quramdaǵy birinshi sessııasynda usynǵan reformalardyń úshinshi paketine arnalǵan onlaın semınar ótkizdi.

Semınarǵa Kanada Syrtqy ister mınıstrliginiń qyzmetkerleri, «Qazaqstan – Kanada» iskerlik keńesiniń teń tóraǵasy, «Cameco Corporation» prezıdenti Tım Gıtsel, «CERBA» qaýymdastyǵynyń prezıdenti Jıl Breton, ǵylymı jáne qoǵamdyq toptardyń ókilderi, kanadalyq BAQ, QR Prezıdenti janyndaǵy Memlekettik basqarý akademııasynyń Dıplomatııa ınstıtýtynyń dırektory Marıan Abısheva, sondaı-aq Kanadada turaqty nemese ýaqytsha negizde turyp jatqan otandastarymyz qatysty.

Semınar barysynda Elshilik Keńesshisi Murat Rústemov qatysýshylardy Memleket basshysynyń quqyqtyq ádil memleketti, sondaı-aq damyǵan azamattyq qoǵamdy qalyptastyrýǵa baǵyttalǵan reformalardyń úshinshi paketiniń erekshelikterimen egjeı-tegjeıli tanystyrdy. Dıplomat reformalardyń áleýmettik sıpatyn atap ótti, olardyń basty maqsaty – azamattardyń ál-aýqaty men densaýlyǵy, adam quqyqtary men bostandyqtaryn nyǵaıtý, teńgerimdi óńirlik damý – dedi ol.

О́z kezeginde M. Abısheva qatysýshylardyń nazaryn ótken saılaýdyń erekshelikterine jáne olardyń eldiń odan ári demokratııalyq damýy úshin mańyzdylyǵyna aýdardy. Bul Prezıdent Q.Toqaevtyń kezeńindegi alǵashqy parlamenttik saılaý boldy jáne birqatar karantındik shekteýlerge qaramastan ol tabysty ótti. Elde alǵash ret parlamenttik oppozısııa ınstıtýty resmı túrde quryldy, al depýtattar arasynda áıelder men jastar úlesi ósti.

T. Gıtsel Májilis saılaýyna daıyndyq pen ony ótkizý barysyn joǵary baǵalady. Ol iri sheteldik ınvestor bola otyryp, daýys berý prosesiniń obektıvtiligi men ashyqtyǵyn, sondaı-aq elimizde júrgizilip jatqan reformalardyń dáıektiligin erekshe atap ótti. Onyń pikirinshe, munyń bári sheteldik kapıtal úshin qolaıly atmosfera jasaıdy.

Semınar barysynda spıkerler kanadalyq BAQ-tyń Qazaqstandaǵy saılaý prosesi týraly birqatar suraqtaryna jaýap berdi. Máselen, kanadalyq jýrnalıst Den Donovan Qazaqstan halqy assambleıasynyń Parlamenttegi ókildigi ınstıtýtyna, onyń zańnamalyq negizine qyzyǵýshylyq tanytty.

Sonymen qatar, aǵymdaǵy jyly 10 qańtarda Kanadanyń Toronto qalasynda Májilis saılaýyna qatysqan Baqyt Adambekov atty otandasymyz da óz pikirin bildirdi. Ol Elshilik janyndaǵy saılaý ýchaskesinde daýys berýdiń jeke tájirıbesi jáne osy úderistiń uıymdastyrýshylyq erekshelikteri týraly aıtyp berdi.

Jalpy, semınar kanadalyq aýdıtorııanyń, qoǵamdyq, ǵylymı jáne iskerlik toptardyń Qazaqstandaǵy reformalarǵa aıtarlyqtaı qyzyǵýshylyǵyn jáne elimizde saıası jańǵyrtý úderisi aıasynda ótken parlamenttik saılaýdyń mańyzdylyǵyn kórsetti.

Sońǵy jańalyqtar

Áýlıe ata hám uly jyraý

Rýhanııat • Búgin, 23:01

QR-tólemder HQKO-daǵy kezek sanyn azaıta ma?

Baǵdarlamalar • Búgin, 22:11

Týrın Olımpıadasyna – 15 jyl

Oqıǵa • Búgin, 21:48

Atyraýda jolda qalǵan 63 adam qutqaryldy

Aımaqtar • Búgin, 18:18

Elbasy Baýyrjan Baıbekti qabyldady

Elbasy • Búgin, 17:30

Qazaqstanda jańa ken orny tabyldy

Ekonomıka • Búgin, 16:21

Eń sulý voleıbolshy kim?

Sport • Búgin, 16:15

Pavlodarda er adamdy poıyz basyp ketti

Aımaqtar • Búgin, 16:00

Ile-Alataý ulttyq tabıǵı parkine - 25 jyl

Ekologııa • Búgin, 14:57

El qorǵaǵan erdiń esimi jańǵyrdy

Rýhanııat • Búgin, 14:49

Kórshiniń kóp-kórim kómegi

Qoǵam • Búgin, 14:23

Uqsas jańalyqtar