Qazaqstan • 22 Qańtar, 2021

Iаdrolyq qarýǵa tyıym salý týraly sharttyń kúshine enýine oraı SIM málimdeme jasady

13 ret kórsetildi

Qazaqstan Iаdrolyq qarýǵa tyıym salý týraly sharttyń (IаQTSSh) kúshine enýin quptaıdy.

2017 jylǵy 7 shildede BUU-ǵa múshe 122 memlekettiń qoldaýymen qabyldanǵan shart ıadrolyq qarýdy tolyq joıý jolyndaǵy mańyzdy qadam bolyp tabylady.

Qazaqstan álemdegi tórtinshi ıadrolyq arsenal ıesinen ıadrolyq qarýsyzdaný jáne taratpaý salasyndaǵy kóshbasshy elge aınalǵan memleket retinde IаQTSSh jobasy boıynsha kelissózder prosesine belsendi qatysty.

Qazaqstannyń IаQTSSh-ny qoldaý sheńberindegi dáıekti is-qımyldary syrtqy saıasatymyzdyń buljymas basymdyqtaryna jáne QR Tuńǵysh Prezıdenti - Elbasy N.Á.Nazarbaevtyń ıadrolyq qarýsyz álem qurýǵa baǵyttalǵan mańyzdy tarıhı bastamalaryna negizdelgen.

Halyqaralyq quqyqtyq salada eleýli kemshilikti joıatyn mindetti zańdyq kúshi bar ıadrolyq qarýsyzdaný tarıhyndaǵy alǵashqy kópjaqty qujat Semeı synaq polıgonynyń jabylýynyń 30 jyldyǵynda kúshine enip otyr (jappaı qyryp-joıý qarýynyń úsh túrinen – ıadrolyq, hımııalyq jáne bıologııalyq - tek ıadrolyq qarýǵa mindetti zańdyq kúshi bar tyıym salynbaǵan). Bul oqıǵalar 29 tamyz Halyqaralyq ıadrolyq synaqtarǵa qarsy is-qımyldar kúnin merekeleý sheńberinde dástúrli túrde ótkiziletin «Iаdrolyq qarýsyz álem jáne jahandyq qaýipsizdik úshin Nazarbaev syılyǵynyń» bıylǵy jyly josparlanyp otyrǵan kezekti marapattaý rásimimen tuspa-tus keledi.

Nursultan Nazarbaevtyń polıgondy jabý jónindegi tarıhı sheshimi búkil álem boıynsha ıadrolyq synaqtarǵa tyıym salýǵa serpin berip, Iаdrolyq synaqtarǵa jappaı tyıym salý týraly sharttyń (IаSJTSSh) qabyldanýyna, sondaı-aq, Ortalyq Azııada ıadrolyq qarýdan azat aımaq qurýǵa alǵyshart jasady.

Qazaqstan tolyq jáne jappaı ıadrolyq qarýsyzdaný ıdeıasynyń dáıekti jaqtaýshysy bola otyryp, 2018 jylǵy 2 naýryzda IаQTSSh-ǵa qol qoıǵan 57-shi memleket, al 2019 jylǵy 29 tamyzda BUU hatshylyǵyna ratıfıkasııalaý qujatyn engizgen 26-shy memleket boldy. 2019 jylǵy 3 shildede QR Prezıdenti Qasym-Jomart Toqaev «Iаdrolyq qarýǵa tyıym salý týraly shartty ratıfıkasııalaý týraly» QR Zańyna qol qoıdy.

BUU Bas Assambleıasynyń 74-shi sessııasynda tuńǵysh ret Memleket basshysy retinde sóılegen sózinde Prezıdent Q.Toqaev ıadrolyq qarýdan azat álemge qol jetkizý bizdiń elimiz úshin basty basymdyq bolyp qala beretinin málimdedi. «Bul umtylys bizge ıadrolyq qarýdy joıý jolyndaǵy jahandyq qozǵalystyń aldyńǵy shebinde bolýǵa moraldyq quqyq bere otyryp, qazaq halqynyń jalpyulttyq birtektiliginiń ajyramas bóligine aınaldy», - dep málimdedi Prezıdent.

2020 jylǵy qyrkúıekte BUU Bas Assambleıasynyń mereıtoılyq sessııasynda Qazaqstan Prezıdenti pandemııa jaǵdaıynda ıadrolyq qarýdy taratpaý jáne qarýsyzdaný daǵdarysy eleýli syn-tegeýrinderdiń qatarynda qalyp otyrǵanyn, al «ıadrolyq qarýdy taratpaý rejıminiń erozııasy bárimizdi osal ári qaýipti jaǵdaıǵa ushyratqanyn» erekshe atap ótti.

Osyǵan baılanysty QR Tuńǵysh Prezıdenti - Elbasy N.Á.Nazarbaev Iаdrolyq qaýipsizdik jáne ıadrolyq qarýdan azat álem úshin jahandyq kóshbasshylar alıansyn qurý jónindegi bastamasy asa ózekti bolyp qala beredi.

Qazaqstan IаQTSSh-ny ámbebaptandyrýdyń mańyzdylyǵyn ataı otyryp, BUU-nyń 100-jyldyǵyna, ıaǵnı 2045 jylǵa deıin planetamyzdy ıadrolyq qarýdan azat etý maqsatynda memleketterdi Shartqa qosylýǵa shaqyrady.

Sońǵy jańalyqtar

Atyraýda jolda qalǵan 63 adam qutqaryldy

Aımaqtar • Búgin, 18:18

Elbasy Baýyrjan Baıbekti qabyldady

Elbasy • Búgin, 17:30

Qazaqstanda jańa ken orny tabyldy

Ekonomıka • Búgin, 16:21

Eń sulý voleıbolshy kim?

Sport • Búgin, 16:15

Pavlodarda er adamdy poıyz basyp ketti

Aımaqtar • Búgin, 16:00

Ile-Alataý ulttyq tabıǵı parkine - 25 jyl

Ekologııa • Búgin, 14:57

El qorǵaǵan erdiń esimi jańǵyrdy

Rýhanııat • Búgin, 14:49

Kórshiniń kóp-kórim kómegi

Qoǵam • Búgin, 14:23

Uqsas jańalyqtar