Qazaqstan qor bırjasynyń baspa­sóz qyzmeti taratqan resmı málimetke súıensek, ótken jyly aksııalary jaqsy ósim kórsetken kompanııalardyń úshtigine «Qazatomónerkásipten» bólek, «KAZ Minerals PLC» jáne «Ksell» kompanııa­lary engen.

KASE-niń dereginshe, 2020 jyldyń naýryz aıynda «Qazatomónerkásiptiń» bir aksııasynyń quny 4 707 teńgege deıin tómendegen. Buǵan jahandyq qor ındeksteri men shıkizat baǵasynyń quldyraýy sebep boldy. Keıin ýran baǵasy ósti. Tıisinshe, kompanııa aksııalary da qymbattaı bastady. 2021 jyldyń 20 qańtaryndaǵy jaǵdaıǵa súıensek, Ulttyq atom kompanııasynyń bir aksııasy 7 927 teńgege satylýda. Demek, aksııanyń quny 2021 jyldyń basynan beri 2,81 paıyzǵa qymbattaǵan.

2020 jyly «KAZ Minerals PLC» kompanııasynyń aksııalary 33,2 paıyzǵa ósken. Osylaısha, kompanııa KASE ındeksinde ósim jaǵynan ekinshi orynǵa ıe boldy. Qor bırjasynyń málimetinshe, kompanııanyń aksııalary negizinen ótken jyldyń qazan-jeltoqsan aralyǵynda jaqsy ósim kórsetken. Naqtyraq aıtsaq, dál osy aralyqta birden 15,2 paıyzǵa qym­battaǵan. «KAZ Minerals PLC» aksııa­larynyń qymbattaýyna álemdik naryq­taǵy mys baǵasynyń oń dınamı­kasy áser etti. 2021 jyldyń 20 qańtaryndaǵy jaǵdaı boıynsha, kompanııanyń aksııa­lary osy jyldyń basynan beri 2,36 pa­ıyz­ǵa ósip, bir aksııa 3 997 teńgege satylýda.

Úzdik úshtikti «Ksell» aksıonerlik qoǵamy túıindegen. Kompanııanyń aksııa­lary 2020 jyly 18,5 paıyzǵa ósken. Ásirese ótken jyldyń 30 jeltoqsanynda erekshe ósim kórsetip, bir aksııanyń quny 2 780 teńgege deıin jetken. «Ksell» aksııalary bıyl da jaqsy ósim kórsetýde. Qazir onyń bir aksııasyn 2 839 teńgege satyp alýǵa bolady.

Jalpy, ótken jyly KASE ındeksiniń máni 13,2 paıyzǵa, ıaǵnı 2 675,58 pýnktke deıin ósken. Jyl qorytyndysy boıynsha ındekstik aksııalarmen jasalǵan saýda-sattyqtyń jıyntyq kólemi 150,4 mlrd teńgeni qurady. Kórsetkish 2019 jyl­men salystyrǵanda 39 paıyzǵa artqan.

– Aksııalar naryǵyn kapıtaldandyrý bir jyl ishinde 10,6 paıyzǵa ulǵaıyp, 19,1 trln teńgege teń boldy. Aksııa­larmen júrgizilgen saýda-sattyq kólemi byltyr 2019 jylǵa qaraǵanda 17,1 paıyzǵa nemese 238,4 mlrd teńgege deıin ósti. Tarqata aıtsaq, ortasha kúndik saýda-sattyq kólemi 969,1 mln teńgeni qurady. Al ortasha kúndik mámile sany – 795, bir mámileniń ortasha kúndik kólemi – 1,2 mln teńge. Bastapqy naryq kólemi 3,5 mlrd teńgege, qaıtalama naryq 234,9 mlrd teńgege baǵalandy.

Investorlar bólinisinde bastapqy naryqta zańdy tulǵalar (saýda-sattyq kó­leminiń 84,7 paıyzy), qaıtalama na­ryq­ta jeke tulǵalar (53,8 paıyz) kósh bas­tap tur. Aıta keteıik, 2020 jyly Orta­lyq depozıtarıde jeke tulǵalardyń 15 myń­nan astam jańa shoty ashylǵan. 2021 jyl­ǵy 1 qańtardaǵy jaǵdaı boıynsha olar­dyń jalpy sany – 132 861, – dep habar­lady Qazaqstan qor bırjasynyń baspasóz qyzmeti.

Byltyr KASE-degi saýda-sattyqtyń jıyntyq kólemi 118 trln teńgeni qura­ǵan. Kórsetkish 2019 jylmen salys­tyrǵanda 0,1 paıyzǵa nemese 152,1 mlrd teńgege tómendegen. Baǵaly qaǵaz­dar naryǵyndaǵy saýda-sattyq kólemi 49 paıyzǵa ósip, 7,9 trln teńgege jetti. 2021 jylǵy 1 qańtardaǵy jaǵdaı bo­ıyn­sha, KASE-niń saýda-sattyq tiziliminde 191 emıtenttiń (uıymnyń) 477 ataýly memlekettik emes baǵaly qaǵazy shyǵarylǵan.