Qarjy • 26 Qańtar, 2021

Qorshaǵan ortany qorǵaıtyn kásipkerlikke qarjy alady

11 ret kórsetildi

Aýyl turǵyndary Qazaqstannyń bıoalýantúrliligin saqtaýǵa septigin tıgizetin kásipti damytý úshin nesıe alady.

Kollajdy jasaǵan Qonysbaı ShEJIMBAI, «EQ»

 

BUU Damý baǵdarlamasy Ekologııa, geo­logııa jáne tabıǵı resýrstar mı­nıstr­liginiń Orman sharýashylyǵy jáne janýarlar dúnıesi komıtetimen jáne Aýyl sharýashylyǵyn qarjylaı qol­daý qorymen birlesip, 2020-2024 jyl­­darǵa arnalǵan «Eko-damý» nesıeleý baǵ­­dar­lamasynyń ekinshi kezeńin iske qosty.

Baǵdarlama ekojúıelerdiń saq­talýyna yqpal etetin kásipkerlikti bastaý nemese odan ári damytý úshin erekshe qorǵalatyn tabıǵı aýmaqtarǵa jaqyn turatyn Qazaqstannyń aýyl turǵyndaryn qoldaýǵa baǵyttalǵan. Kásip­kerliktiń bul túrine ekotýrızm, orman sharýashylyǵy, balyq aýlaý, ańshylyq jáne jaıylymdyq sharýa­shylyq, qus sharýashylyǵy, qoıan ósirý jáne ara sharýashylyǵy jatady. Jobalary irikteý ólshemderine sáıkes keletin aýyl kásipkerleri 4,5 jylǵa deıin jyldyq kórsetkishi 6%-dy quraıtyn nesıe ala alady, sonymen qatar tıimdi jyldyq syıaqy mólsherlemesi 6,7%-dan aspaýy tıis.

«Eko-damý» baǵdarlamasynyń ekinshi kezeńi Qazaqstannyń 12 oblysyn, 770 aýyldyq eldi mekenin jáne 28 erekshe qorǵalatyn tabıǵı aýmaǵyn qamtıdy. Baǵdarlamanyń jalpy bıýdjeti 275,3 mln teńgeni quraıdy.

«Eko-damý» baǵdarlamasy aýyl turǵyndaryna mal sharýashylyǵyn, omarta sharýashylyǵyn, ósimdik sha­rýa­shylyǵyn, týrıstik bıznesti damytýǵa nesıe berý arqyly baǵdar­lamanyń iske asyrylýynyń birinshi kezeńinde óz tıimdiligin dáleldedi. Bul bastama elimizdiń bıoalýantúrliligi men ekojúıesin saqtaı otyryp, jergilikti damýdy qol­daýǵa, jańa jumys oryndaryn qurýǵa tamasha múmkindik beredi dep senemiz», dedi BUU Damý baǵdarlamasynyń Qazaq­stan­daǵy turaqty ókili Iаkýp Berısh.

Baǵdarlamanyń negizgi basymdyq­tarynyń qatarynda genderlik teńdikke qoldaý kórsetý jáne áıelderdiń ekono­mıkalyq múmkindikterin keńeıtý­di aıtýǵa bolady. Osylaısha, baǵdar­lamanyń birinshi kezeńinde aýyldarda turatyn 30 áıel óz kásibin damytý úshin qarjy alyp úlgerdi.

Bul baǵdarlama BUU DB men qordyń birlesken tórtinshi bastamasy bolyp sanalady. 2008 jyldan bastap barlyǵy jalpy somasy 561,6 mln teńgeni quraıtyn 221 joba iske asyryldy, onyń ishinde 345 mln teńgeni BUU DB-ǴEQ granttyq qarjylandyrýdy quraıdy. «Eko-damý» sııaqty baǵ­darlamalar aýyl turǵyndaryna ózderiniń kishigirim kásipterin ashyp, damytýǵa, sonymen qatar qorshaǵan ortaǵa zııan keltirmesten jumys oryndaryn qurýǵa múmkindik beredi», dedi qor tóraǵasy Jandar Omarov.

Sońǵy jańalyqtar

Ulytaý aýdanynyń ákimi taǵaıyndaldy

Taǵaıyndaý • Búgin, 20:45

Aqtóbede «Igi ister» marafony bastaldy

Aımaqtar • Búgin, 17:48

Shymkentte mektepterde ystyq tamaqpen qamtýǵa ruqsat joq

Ońtústik Qazaqstan • Búgin, 15:52

Uqsas jańalyqtar