Aımaqtar • 26 Qańtar, 2021

О́ńir taǵy da «qyzyl aımaqqa» endi

50 ret kórsetildi

Epıdemııalyq jaǵdaıdy baǵalaýdyń óńirlik tizbesine sáıkes óńirdiń Pavlodar, Aqsý jáne Ekibastuz qalalary men 9 aýdany «qyzyl» aımaqta, al Baıanaýyl aýdany «sary» aımaqqa endi. Sońǵy kúnderi óńirde indet taralýynyń 226 jaǵdaıy anyqtalǵan. Naýqastar arasynda 12 oqýshy men 2 stýdent bar. Táýlik saıynǵy ósim 2,13 paıyzdy quraıdy.

Kollajdy jasaǵan Záýresh SMAǴUL, «EQ»

О́ńir aýmaǵynda karantın sharalaryn kúsheıtý týraly jańa qaýlyny oblystyń bas sanıtar dárigeri Batyrbek Álıev qa­byl­dady. Qaýlyda barlyq saýda ornyna, qoǵamdyq kólikke, taksıge, ónerkásiptik kásiporyndarǵa, ki­re­beristerge, lıft kabınalary­na, uıymdarǵa jáne basqa da qoǵamdyq oryn­darǵa sanıtarlyq jáne de­zınfeksııalyq óńdeý júrgizilý keregi jazylǵan. Qaý­ly 25 qańtarda saǵat 00:00-de kúshine endi. Karantın ýaqyty 8 aqpanǵa deıin jalǵasady. Demalys kúnderine lokdaýn jarııalandy. Birqatar qoǵamdyq nysannyń jumysyna tyıym salyndy. Uıymdar men mekemeler qyzmetkerleriniń 80 paıyzy qashyqtan jumys isteýge aýysýda.

Departamenttiń sanıtarlyq baqylaý bóliminiń basshysy Gúlmıra Qulmaǵanbetovanyń aıtýynsha, indet juqtyrǵandardyń deni Pavlodar qalasynda tir­kelgen. Indettiń taralýyna tur­ǵyndardyń karantındik sharalardy saqtamaýy sebep. Sondyqtan senbi, jek­senbi kúnderi qoǵamdyq kólikter júrmeıdi. Tamaqtaný oryndarynyń jumys ýaqyty qysqartylyp, saýda oryndary ýaqytsha jabylady. Senbi, jeksenbi kúnderi jabylatyn keı qoǵamdyq nysandar, saýda oryndarynda da sanıtarlyq sharalar ótkiziledi.

О́ńirde ınfeksııalyq gos­pı­talda 5 myńǵa jýyq tó­sek­­­tik oryn daıyndalǵan. Ambýla­to­r­-

lyq deńgeıde 169 dárger­­lik brıgada jumys isteıdi. Ma­man­­dardyń aıtýynsha, aýrý juqtyrý boıyn­sha júrgizilgen zertteýler ná­tı­jesinde syrttan jetkizilgen derekter de barshylyq. Máselen, sońǵy táýlikte 15 myńnan astam PTR-zertteý júrgizilse, shetelden kelgen 110 jaǵdaı anyqtalǵan. Basym bóligi sımptomsyz, qazirgi ýaqytta naýqastar ambýlatorlyq deńgeıde em qabyldap jatyr.

Al oblystyq ákimdikte ótken otyrys barysynda óńirdegi epı­­demııalyq ahýaldy jaq­sar­tý úshin oblys ákimi Ábil­qaıyr Sqaqov sanıtarlyq-epı­­­de­mııa­lyq rejimniń qatań saq­talýyn baqylaý men oblys tur­ǵyn­dary arasynda túsindirý jumys­taryn ári qaraı da jal­ǵastyrý qajettigin atap ótti.

– Qazir qys kezinde adam­dardyń bir-birin qonaqqa sha­qyrýy jıileıdi. Toı ótkizý áli toqtaǵan joq. Osydan keıin aýrýdyń taǵy bir tolqynyna ushy­raýymyz múmkin. Eger bel­­gili bir aýdandy nemese aýyl­dy jabý qajet bolsa, ja­byńyzdar. Bastysy, turǵyndarǵa qabyl­danyp jatqan shekteý sharalaryn jáne olardyń qajet­tiligin túsindirińizder, – dedi oblys ákimi.

Sondaı-aq monıtorıngtik toptarǵa reıd júrgizýdi toqtat­paýdy, sanıtarlyq dárigerlerdiń nusqaýyn elemeıtin, adamdardyń kóp jınalatyn oryndaryn anyqtap, tekserýdi tapsyrdy. Monıtorıngtik toptar anyq­talǵan tártip buzýshylyqtar týraly oblystyq densaýlyq saqtaý basqarmasynyń «Úıles­tirý or­talyǵyna» epıdemııalyq habarlama jiberýi qajet. Qashyq­tan jumys isteý de baqylaýǵa alynýda. Sońǵy ýaqytta kásip­oryndarda da indet juqtyrý jaǵdaılary jıileı tústi.

Qalaaralyq, aýdanaralyq jáne oblysaralyq jolaýshylar tasymaly toqtatyldy. Demalys kúnderi qoǵamdyq tamaqtaný nysandarynyń jumysy jetkizý júıesine aýysady.

 

Pavlodar oblysy

 

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar